الخميس، 30 ديسمبر، 2010

العطاء فى الحب

اخيرا وصلنا للجانب الثالث وبعد معاناه شديده ههههههه
فى الحقيقة اردت ان اتحدث عن العطاء فى الحب لانه اصل كل المشاعر... فاذا نظرنا سويا لكلمه "العطاء" سنراها تتضمن.... عطاء الحب, عطاء ايام العمر ,عطاء الاخلاص,عطاء الوفاء, عطاء المشاعر , عطاء النفس , عطاء القلب , عطاء المال ..... فمن منا حين يحب لا يشعر ولا يعطى كل ما سبق؟؟فبدون العطاء من المؤكد لا تستطيع ان تحب. ولكى نثبت ذلك تعالوا سويا نستعرض القصة التالية...
لقد احبته كثيرا ولكنها شعرت ان كل هذا الحب لم ينجح فى جعله بجانبها,ولكنها جلست قليلا مع نفسها لتقول : ما الذى قدمته ليختارنى انا ؟؟
ما الذى اعطيته كى يحبنى؟؟ وفجاه نظرت لنفسها فى المراّة وقالت: نعم انه العطاء.. وبعد ذلك بدات تعطيه الكثير والكثير من المحاضرات التى يتغيب عنها ومنحته الحنان وكانت تخاف عليه من الفشل, وبعد ذلك شعر هذا الفتى ان من يعطى كل هذا لابد وانه يوجد شىء قوى بداخله يدفعه لفعل ذلك. لكن ما هو هذا الشىء يا ترى اهو الحب؟ هل تحبنى؟ بالفعل تحبنى .... وبدات بينهم علاقة جميلة, علاقه ابدية بقيت معهما طول السنين وظلا يعطيان حتى تزوجا بعد ذلك وعاشا حياة يملؤها العطاء والحب, وهنا ايقنت الفتاة ان العطاء هو اكبر دليل على الحب. فهل يا من تحب تعطى بلا حدود؟ ام انك تعطى بقدر معين؟؟
الصراحه حبيت يكون البوست دمه خفيف وظريف وكمان القصه تبقى لذيذه ونهايتها سعيده طبعا مستنيه رايكم
وبما اننا داخلين على سنه جديده احب اتمنى امنيه نفسى بجد افضل معاكم هنا على طول لانى بحبكم جداا
ويارب يجعل السنه دى سعيده علينا كلنا وان شاء الله نحقق اللى معرفناش نحققه فى 2010 بس لازم يكون عندنا امل فى ربنا كبير ان احنا هنحقق اللى احنا بنحلم بيه
لازم كمان نقوى علاقنا بربنا اكتر من كده
اتمنالكم السعاده من كل قلبى و Happy New Year
اسوا شىء هبدا بيه السنه الجديدة الامتحانات ادعولى ارجوكم
وسنه سعيدة عليكم
الى اللقاء فى الجانب الرابع

الأربعاء، 22 ديسمبر، 2010

الغيرة فى الحب


الغيره فى الحب وده الجانب الثانى من جوانب الحب الخمسه التى وقع اختيارى عليهم

الغيرة... هل هى مستحبة؟ هل هى غير مرغوب فيها؟ هل المغالاة فيها مطلوبة؟ من يشعر بالغيرة اكثر,الاناث ام الذكور؟ كل هذه الاسئله سوف نحصل علي الاجابه عليها فى القصة التالية.......

هو شاب وسيم (ابن ناس) ذو مركز مرموق فى عمله, وقد تعرف عليها,وهى ايضا طالبة جامعية فى كلية من كليات القمة وعلى مستوى عالى من الجمال ولكن عيبها الوحيد انها غيورة جدا جدا.فى بداية تعارفهما بدا كل منهم يبرز محاسنه للاخر,ولكنها لم تستطع اخفاء غيرتها. فقد راته يقف مع صديقاته وعلمت انه يتحدث معهن فى التليفون....وبدات المشكلة.....!"من هؤلاء"لماذا تتحدث معهن فى التليفون؟ وماذا تقول لهن؟ وماذا يقلن لك؟ ولماذا تتحدث معك هذه البنت؟ واستمرت على هذا المنوال الى ان فشلت العلاقة بينهما. من هذه القصة الواقعية والتى تحدث تقريبا مع معظمنا نريد فقط ان نجيب على هذا التساؤل اود فقط ان اذكر شيئا فى القصة السابقة, لماذا دائما ودوما الظن السىء هو المتواجد؟ لماذا لايكون هذا الشخص يتحدث مع زميلاته بطريقة مهذبة ومحترمة وفى اطار الزمالة؟ ولماذا لا تكون محادثاته الهاتفية مجرد محادثات عادية بين زملاء واصدقاء ؟ هكذا تكون الغيرة مدمرة , فالغيرة هنا تضع غشاوة على العين فلا تجعلها ترى اى شىء سوى الظن الخاطىء هذه هى الغيرة المحرقة. ونعود لتساؤلاتنا لكى نحاول الاجابة عليها.......

هل الغيرة مرغوب فيها ام لا؟ وهل مقولة "كل شىء يزيد عن حده ينقلب الى ضده" تنطبق على الغيرة تماما؟ فاذا لم يكن هناك حرارة فى الشمس فلن ياتى الدفء للناس. واذا لم يكن هناك غيرة فى الحب لما شعر الناس بدفء الحب. ولكن الكثير من الغيرة يحرق القليل من الحب لذا فالغيرة مطلوبة لكن بالقدر المعقول الذى لا يتجاوز الحد , فالغيرة تضيف للحب مذاقا خاصا مثل التوابل فى الطعام.

اما عن مسالة الشعور بالغيرة فهى تختلف لدى الاناث اكثر منها لدى الذكور, حسب اختلاف كل شخصية على حدة,ولكن من خلال استطلاع اراء البعض وجدت ان نسبه الغيرة فى الرجال اكبر منها لدى الاناث, والبعض الاخر ذهب الى نسبة الغيرة لدى النساء دائما ما تكون اكبر من هذا لان المراة تسعى دوما لكى تكون الافضل فى اعين الرجل, وبالتالى تخاف ان تستحوذ امراة اخرى على اعجاب الرجل. وقد تنقلب المسالة هنا الى مسالة ثقة متبادله اكثر منها مساله غيرة متبادلة.

ارجو ان تنال اعجابكم . الى اللقاء فى الجانب الثالث من جوانب الحب

الأربعاء، 15 ديسمبر، 2010

التضحيه فى الحب

حبيت اكلمكم عن اول جانب من جوانب الحب وهو التضحيه فى الحب واكيد الحب له جوانب اخرى كثيرة بس انا اخترت خمسه منهم واعرضهم جانب جانب على مدار اكتر من بوست هاحاول انهم يكونوا متتالين وكده اكون خلصت المقدمه وندخل فى الموضوع احسن هههه
لقد بحثت كثيرا وكثيرا لكى اجد قصة جميلة تعبر عن معنى اجمل للتضحيه,ولكنى لم اجد افضل ولا اجمل من قصه (روميو وجولييت) المليئه بالتضحيات. فهيا بنا نستعرض بعض التضحيات التى قدمها كل منهما من اجل سبب هام, وهو الحب.
فقد ضحى روميو بمبدئه فى عدم وجود الحب حتى انه راى فى جولييت فتاه احلامه والتى لم يتصور انه سوف يراها او يقابلها فى يوم من الايام .وقد تجاهلت جولييت العداوة التى بين العائلتين من اجل حبها الاول والاخير. وبعد تطور الاحداثوحينما علمت جولييت بانها قد تتزوج من شخص اخر غير حبيبها الوحيد, لجات لحيله ذكيه وضحت بحياتها فى القصر وبابويها وبالزوج الثرى للتزوج من روميو. وحينما راى جولييت تبدو وهى نائمه كانها ميته لم يستطع البقاء بدونها فضحى بحياته وقام بالانتحار!! وبعد ان فاقت جولييت ورات حبيبها روميو طريحا بجوارها لم تفكر للحظه وشربت السم وماتت لانها ايضا لم تتخيل الحياه بدونه.
وبعد ذكر هذه القصه الشهيره راودنى تساؤل,هل هناك تضحيه بمثل هذا القدر فى العصر الذى نعيشه الان؟ بصيغه اخرى, هل يمكن لاحد ان يضحى بنفسه من اجل شخص اخر؟؟ انى اراه ممكنا
بالرغم من اعتراضى عما فعله روميو وهو الانتحار ومش محتاجه ابين السبب لانه واضح , لكنى مع التضحيه من اجل الحبيب وايضا اؤمن كل الايمان بالقدر والنصيب , الى كل من فقد حبيبه اعلم جيدا انه قدرك ان تفارقه وتعيش بدونه اصبر على فراقه وانتظر الفرصه التى يبعتها القدر لك

الأحد، 5 ديسمبر، 2010

مبحبش

مبحبش حد يشوف اى دموع فى عنيا علشان لا اصعب عليه ولا يزعل عليا
واضحك وكان الضحكه بجد مش محتاجه طبطبه من حد ما انا لو بنكسر جوايا مش عايزة فى نظر الناس اتهد
مبحبش ابان مغلوبه ضعيفه وصورتى فى نظر الناس تتهز
ولا حد يشوفنى يقول مسكينه يا عينى عليها وملهاش حظ
واضحك وكان الضحكه بجد مش محتاجه طبطبه من حد
ما انا لو بنكسر جوايا مش عايزة فى نظر الناس اتهد
مبحبش حد يشوف اى دموع فى عنيا علشان لا اصعب عليه ولا يزعل عليا

غنتها انغام وحاله اعيشها فى الوقت الحالى وفى اغلب الاوقات

الجمعة، 26 نوفمبر، 2010

احبك

اتمنى لو اصدر كتابا ...
ليكون لك فيه اهداء
على اول الصفحات
اكتب لك فيه باسلوب مثقف
احبك
وابتكر فصولا وفروعا ومواضيع
ابدؤها باسمه واخبر الاجيال
عن وسيم احببته
ونثر وردا ملونا على روحى
ومنحنى عقدا من اللؤلؤ
وباقه امل وصدق
وفى كل مرة التقيه... يقول لى احبك
وعندما نتشاجر ...يقول لى احبك
وقبل ان انام يروى لى قصه اميرة قال لها اميرها احبك

السبت، 13 نوفمبر، 2010

كل سنه وانتم وانا طيبين






















اولا احب اقولكم كل سنه وانتم طيبين وعيد سعيد علينا وعليكم يارب





عايزة اقولكم بجد انى بحبكم اوى ونفسى افضل متواجده معاكم على طول





طبعا ان شاء الله كلنا هنصوم يوم وقفه عرفه وفينا طبعا اللى ربنا كرمهم وصاموا من اول الشهر ربنا يتقبل منا ومنكم يارب





عايزة اقولكم كمان انى ممكن اغيب عليكم شويه بعد البوست ده لان عندى امتحانات بعد العيد على طول ادعولى بقى





وكمان عيد ميلادى اول يوم العيد يا جماعه ده تانى عيد ميلاد ليا معاكم بجد مبسوطه اوى ان الظروف خلتنى هنا وسطكم وسط ناس انا حبيتها اوى واتمنى تكونوا معايا دايما والله كل الكلام اللى فى دماغى طاااااااااااااااااار ههههههه




الصراحه السنه دى يا جماعه اتعرفت على ناس كتير جدا وحبتهم جدا ومن كتر ما حبيتهم خايفه يضيعوا منى زى ما ضاع غيرهم كتير من حياتى علشان كده اتمنى انى اكون موجوده معاكم على طول لانكم بتهونوا عليا كتيييير اوى بجد وانا كمان بحبكم اوى ومقدرش استغنى عنكم ابدا




انا جبتلكم شويه تورتات كده على ذوقى اتعاملوا معاها انتم بقى براحتكم خالص هههههه




عيد ميلادى على رايى واحد صاحبنا بيقولى هتحتفل بيه السماء والارض والشياطين كمان هههههههههه




وانتم اغلى عندى من الدنيا كلها وكمان حطيت لكم اغنيه على ذوقى دى اهداء منى ليكم وطبعا باب الهدايا مفتوح هههههه




يلا اللى عايز يجيب هديه ههههههه


احب اقول لكل العقارب اللى زيى كل سنه وانتم طيبين ههههههههه





الأحد، 7 نوفمبر، 2010

تاج من اقدم عاصمه فى الحب (لو كان ..لكنت)


لو كان بامكانى ان اكون طعما..لكنت الموز
لو كان بامكانى ان اكون نكهه..لكنت مش عايزة اكون نكهه اصلا هههه
لو كان بامكانى ان اكون كلمه..لكنت احبك
لو كان بامكانى ان اكون وردة..لكنت وردة حمرا
لو كان بامكانى ان اكون طائرا..لكنت حمامه
لو كان بامكانى ان اكون شيئا فى السماء..لكنت نجمه
لو كان بامكانى ان اكون طقسا..لكنت الربيع
لو كان بامكانى ان اكون شخصيه خرافيه..لكنت ست الحسن والجمال
لو كان بامكانى ان اكون اله موسيقيه..لكنت العود
لو كان بامكانى ان اكون صوتا..لكنت ام كلثوم
لو كان بامكانى ان اكون صوتا اخر.. لكنت نجاة
لو كان بامكانى ان اكون جزئا من الجسد..لكنت اليد
لو كان بامكانى ان اكون قلبا..لكنت قلب حبيبى
لو كان بامكانى ان اكون رنينا..لكنت منبها
لو كان بامكانى ان اكون لونا ..لكنت الاحمر
لو كان بامكانى ان اكون زهره..لكنت زهرة عباد الشمس
لو كان بامكانى ان اكون ظاهرة طبيعيه..لكنت المطر
لو كان بامكانى ان اكون وقتا..لكنت الوقت اللى باكون فيه معاكم
لو كان بامكانى ان اكون جمله..لكنت يارب عفوك ورضاك
لو كان بامكانى ان اكون كلمه فى السر..لكنت الحمد والشكر لله
لو كان بامكانى ان اكون توقيتا.. لكنت وقت غروب الشمس
لو كان بامكانى ان اكون سائلا..لكنت الدم
لو كان بامكانى ان اكون مخلوقا اخر..لكنت القطه
لو كان بامكانى ان اكون صفه..لكنت التسامح
لو كان بامكانى ان اكون شخصا عظيما..لكنت عائشه عبد الهادى(بحبها)
لو كان بامكانى ان اكون سلاحا..لكنت المسدس
لو كان بامكانى ان اكون اله حديثه..لكنت الكمبيوتر
لو كان بامكانى ان اكون مكانا..لكنت المكان الموجود فيه حبيبى
لو كان بامكانى ان اكون رقما ..لكنت خمسه
لو كان بامكانى ان اكون بلدا..لكنت مصر طبعا مش هاقدر اقول غير كده لانى بحبها بكل العيوب اللى فيها
لو كان بامكانى ان اكون رئيسا..لكنت اختار العاملين معى بطريقه تناسبنى وتناسب الشعب ويكون الحال افضل مما نحن عليه الان
ده انا هاعمل عمايل يعنى مش هاقولكم عليها غير لما تنتخبونى الاول هههههههه

الاثنين، 1 نوفمبر، 2010

على طول بسال عليه

على طول بسال عليه واعرف اخباره ايه؟ مهما ابعد مش ناسيه ده انا اضيع عمرى كله فى حبه ليه
ايامه ما تتنسيش ده انا بعده خلاص مليش الوقت ما نسنيش علشان انا الاقى زيه يا مين يعيش
عايش على امل انى الاقيه او حد يطمنى عليه و اللى معذبنى قالقنى تاعبنى فى بعدى بيجراله ايه؟
على بالى وعمرى ما هنساه صعب انسى اللى ارتحت معاه مهما الايام هتعدى انا قلبى هيفضل يستناه

لا انا قادر اقول ناسيه ولا عارف عامل ايه؟ وخداه الدنيا ليه؟ نفسى اعرف لو فاكرنى فاكرلى ايه؟
بينى وبينه حكايات وليالى وذكريات ده انا باسرح بالساعات لو حد يجيبلى سيره عن اللى فات
عايش على امل انى الاقيه او حد يطمنى عليه واللى معذبنى قالقنى تاعبنى فى بعدى بيجراله ايه؟

الخميس، 21 أكتوبر، 2010

كم تمنيت لو لم اذهب لذلك الحفل



ساروى لكم الان كيف غرقت فى بحر الحب؟ ابدا كلامى معكم بان اخبركم انه فى يوم من الايام احببت واحببت من النظرة الاولى ...فبدايتى معه كانت تمثلها اغنيه الفنانه الرقيقه جدا جدا انغام...(بعتلى نظره) فكل حرف من حروف هذه الاغنيه وصف لكل ما حدث عندما وقعت عيناى عليه لاول مرة..وتلاقت اعيننا وبدا الحديث..الحديث الذى كان اقوى من اى كلام يمكن ان ينطق به لسان..مر ذلك اليوم سريعا.. وبدا قلبى يرتعد من الخوف.. خوف من لحظه الرحيل والفراق دون ان اعرف حتى من هو؟ وجدت الطريقه تبادلنا ارقام التليفون بعد تفرق المدعوين فى ذلك الحفل وقلبى كاد ان يقفز من مكانه حيث تركته خلفى مودعه احلى لحظه فى حياتى.. عقب الحفل جاءتنى المكالمه المنتظرة ..تحدثنا ليس بالكثير فقط عرفت اسمه وعرف اسمى مجرد بدايه التعارف. لا ادرى لم اتحدث معه كثيرا لكنى اسمع صوته الدافىء داخل قلبى ..و لازلت.. لازلت اذكر تلك الابتسامه الهادئه.. وتوالت بيننا المكالمات.. وبدا عقلى يحدثنى عنه .. انه اجمل ما فى الوجود.. وبدا السؤال اياه بداخلى .. هل احببته؟؟؟

كم تمنيت لو لم اذهب لذلك الحفل كى اراه .. ترى هل ساستطيع نسيانه ؟؟؟ احد الاسئله التى دارت بينى وبين عقلى واجابنى الاجابه التى صعقتنى ..

اننى بدات انسى نفسى واتذكره وجاءت اللحظه المنتظرة التى ساراه فيها. لا استطيع ان اصف مدى سعادتى بهذه اللحظه .. شعرت بمشاعر ظننت اننى لن اشعر بها مرة اخرى فى حياتى ,صعوبه فى التنفس, مرارة اخترمت جسدى وقد بلغت البروده ذروتها فى ذلك اليوم . كل هذا قبل ان اراه. شعرت بانتظارى له كطفل ينتظر فرحه العيد وادركت ان اقصى درجات الفرح ان تضحك حين تقابل حبيبك وفى عينيك فرحه طفل صغير . ها قد وصل ... وقفت ساكنه قائله فى بالى ... يا الهى ما الذى يسرق وعى ؟ نظر الى نظرة عميقة شلت حركتى وتاهت من الكلمات ,زادت ضربات قلبى ,بردت اطرافى,تلعثم لسانى, تلاقت الايادى بالسلام الحار الملىء باللهفه والاشولق لهذا اللقاء, فرحتى لم يطفئها الزمان بعد فى عينى, وركض ذلك الطفل الذى بداخلى نحوه وارتسمت على وجهى ابتسامه نسيتها منذ زمن ورقص قلبى فرحا, حينها فقط شعرت انه لن يسعنى فى الكون سوى صدره. تكلمنا وتكلمنا فى كل شىء واى شىء عنى وعنه.

وطلب منى الرد لكن فى وقت لاحق...حتى استطيع التفكير جيدا.. هذا ما قاله لى لكنه لا يعلم اننى فكرت بالامر منذ اعوام واعوام منتظرة فقط قدومه فى اللحظه المناسبه.

انه لو يعلم كم كنت افكر به ومشتاقه اليه, لهمسات شفتيه, للمسات يديه, عبير انفاسه , لكل شىء فيه, وكيف كان يعيش فى دمى حتى قبل ان ارداه الآن .

بعد ما عريت نفسى وجردت نفسى من المساحيق التجميليه البروتوكولية ...اسمح لى ان اخبرك بكل فخر واعتزاز اننى احبك ثم احبك ثم احبك وكل يوم فى صلاتى ارفع راسى الى السماء ضارعه الى الله سبحانه وتعالى الا يحرمنى اياك الا اذا قرر ان يستردنى لان الحياه بدونك سراب.

الخميس، 14 أكتوبر، 2010

الى اختى وصديقتى

الى نفسى التى احدثها واعلم تماما بان قلبها وعقلها معى ..

الى من انتظر رؤيتها بفارغ الصبر مثلما تنتظر السحب ان تخترقها اشعه الشمس الذهبيه.. الى من يهمه امرى ودنياى .. الى من تضرب بكلام جميع الخلائق عرض الحائط امام كلمه منى.. الى من تحزن لحزنى وتفرح لفرحى وتبكى لبكائى وتضحك لضحكى.. الى من تصارحنى باخطائى قبل ان تصارحنى نفسى وتزين لى حسناتى قبل ان اظلم واقسو على نفسى .. الى من ضربوا بها الامثال.. الى من لاتنام اذا كان قلبى الصغير عاتبا عليها .. والى من انام هانئه اذا كان قلبها راضى عنى .. الى من تكبر بعينى بعد كل موقف من مواقف الدنيا الغادرة.. الى من ارى الدرب بنورها وترى الدرب بنورى ........ الى روحى واختى وصديقتى وكل شىء لى فى الحياه

الى اختى الصغيره التى اعتبرها مثل ابنتى التى اتمناها فى المستقبل مع انى مش اكبر منها بكتير هما سنتين الا شهرين كمان هههههه
قلت اغير المود اللى عليه البوستات وانزل بوست لذيذ كده ومستنيه رايكم طبعا

الجمعة، 8 أكتوبر، 2010

اشتقتلك

كلما اشتقت اليك وضعت يدى على قلبى
لانه المكان الذى اثق بوجودك فيه
وعندما اسمع دقاته اتاكد انك بخير
لانه لاينبض بدونك

الخميس، 30 سبتمبر، 2010

ماذا اقول له؟


ماذا اقول له لو جاء يسالنى؟
ان كنت اكرهه او كنت اهواه؟
ماذا اقول اذا راحت اصابعه
تلملم الليل عن شعرى وترعاه؟
وكيف اسمح ان يدنو بمقعده؟
وان تنام على خصرى ذراعاه؟
غدا اذا جاء.. اعطيه رسائله
ونطعم النار احلى ما كتبناه
حبيبتى هل انا فعلا حبيبته؟
وهل اصدق بعد الهجر دعواه؟
اما انتهت من سنين قصتى معه؟
الم تمت كخيوط الشمس ذكراه؟
اما كسرنا كئوس الحب من زمن
فكيف نبكى على كاس كسرناه؟
رباه.. اشياؤه الصغرى تعذبنى
فكيف انجو من الاشياء رباه؟
هنا جريدته فى الركن مهمله
هنا كتاب معا.. كنا قراناه
على المقاعد بعض من سجائره
وفى الزوايا..بقايا من بقاياه..
مالى احدق فى المراّه..اسالها
باى ثوب من الاثواب القاه
اادعى اننى اصبحت اكرهه
وكيف اكره من فى الجفن سكناه؟
وكيف اهرب منه؟ انه قدرى
هل يملك النهر تغييرا لمجراه؟
احبه.. لست ادرى ما احب به
حتى خطاياه ما عادت خطاياه
الحب فى الارض بعض من تخيلنا
لو لم نجده عليها..لاخترعناه
ماذا اقول له لو جاء يسالنى
ان كنت اهواه . انى الف اهواه
نزار قبانى

السبت، 25 سبتمبر، 2010

بدات الغلاسه عفوا الدراسه

اكيد انتم مستغربين من العنوان بس بجد حاجه تزهق حقيقى ما هو فعلا بدايه الدراسه تعنى عندى بدايه الغلاسه مع الاعتراف بانى استمتع جدا بالفتره دى بس مش اوى يعنى هههههههه
احكيلكم بقى حكايتى وحكايه بنات كتير زيى مع الدراسه طبعا اول يوم دراسه لازم اروح وانا مية مية واخر شياكه انا مش باحط ميكاب اى نعم بس بابقى مزه باردو هههههههههههه
بانزل من البيت قبل ميعاد المحاضرة بساعه ونص تقريبا وامشى من البيت لغايه ما اوصل للميكروباص او المشروع بلغتنا يعنى يجى فى تلت ساع تقريبا وبعدين اقف فى الزحمه والناس تزق فيا وفى صحباتى طبعا اللى معايا واستحاله نعمل زيهم اكيد
نضطر طبعا ان احنا ننتظر لحد ما الناس كلها تركب ونفضل احنا فى الاخر خالص وفين وفين على ما نركب وبعدين الحمد لله نوصل الكليه عايزين نلحق المحاضرة ساعات طبعا بنلحقها وممكن منلحقاش بعد كل ده ان لحقناها ندخل فى حاله ذهول من شكل المدرج الزحمه واحنا طبعا مجتهدين لازم نقاوم ونحارب علشان نسمع الدكتور هيقول ايه؟
تعالوا بقى للكتب والمصاريف والطوابير اللى بتبقى عليهم ونقف ساعه فى الشمس علشان ادفع فلوس امال لو باخد فلوس كانوا عملوا فينا ايه؟ غير المذاكرة بقى والابحاث
مع العلم بانى اقضى اجمل الاوقات مع اصدقائى فى الدراسه وبما ان دى هتكون اخر سنه ليا فى الكليه انا حزينه جدا لانى هاسيب صحباتى ويا عالم هنشوف بعض امتى تانى
وسعيده طبعا لانى هبدا حياه جديده واتمنى الاقى فارس احلامى قريب ادعولى ههههههههههههههه
طبعا اول مرة تشوفونى مهيسه كده معلش ده اثر الدراسه او الغلاسه

الثلاثاء، 14 سبتمبر، 2010

فضفضه


توقعت ان يلبى ندائى مباشره.. لا ادرى سببا لهذا التوقع ولكنه كان يلبى وكنت دائما اتوقع ان يفعل وكان توقعى دائما ما يصدق ولكن كما يقولون لكل جواد كبوة ولكل فارس نبوة.
لقد كذب توقعى هذه المرة .. لقد وجدت فى نفسه القدرة على ان يقول لى لا ..فعندى بعض الاشياء المهمه .. لم اكن اتوقع ان يوجد ما هو اهم منى .. لا ادعى اننى الهه الاهميه.. ولكننى كنت فى وضع احسد عليه.. كنت اتوقع ان ياتى الى من تلقاء نفسه ليمسح على راسى لا ان اتسوله..تصورت اننى من الاهميه بمكان لاتجاوز حدود الاشياء المهمه .. لم اكن اتوقع ان يكون هناك من هو افضل منى.. وهكذا صرت انا كالحذاء القديم المهمل الذى لم يصل لاهميه الجورب الجديد ..تعجبت حين لم اجده بجانبى كما تعودت منه .. ترى ما هى الاشياء المهمه؟ هنيئا لكى سيدتى .. لا اعتقد ان هناك شيئا اهم منك الان .. فانا كنت الشخص الوحيد المهم..ولكن الوضع اختلف الان وصرت انتى فى المقدمه تليك كل الاشياء واليهم انا .. اشكرك يا سيدى .. لا تحدق كثيرا فى سطورى كانك لاتفهم شىء.. اننى اعنيك انت بالفعل

الأحد، 5 سبتمبر، 2010

رساله حب

بجد يا جماعه مش عارفه اوصفلكم شعورى وسعادتى لانى بجد حاسه انى قربت اوى من ربنا فى الشهر الكريم
وكمان زعلانه جدا جدا لان رمضان خلاص بيودعنا وانا بصراحه مش عايزاه يمشى ويسيبنا زى ما كلكم حاسين اكيد
انا بقوله يارب انا بحبك اوى يارب متسبنيش ابعد عنك تانى يارب اهدينى واهدى شباب وبنات المسلمين
يارب ارزقنى وارزق بنات المسلمين بالزوج الصالح وارزق شباب المسلمين بالزوجات الصالحات
يارب دى رساله حب منى يارب اقبلها
رساله بدموعى وخشوعى وضعفى وهوانى
كلمه يارب بقولها بقلبى ولسانى
وانا عبدك وابن عبدك كل خير انا فيه من عندك
ده انا عبدك وابن عبدك عايش وهاعيش من فضلك
سامحنى يارب واسمحلى تعبت من ذنبى وانت هنا فى قلبى
ساعدنى يارب واسعدنى بشفاعه الهادى نور ملا فؤادى
كل حد نفسه يبعت رساله لربنا يبعتها قبل ما يفوت الاوان ادعوه يستجب لكم
كل واحد هيقرا البوست ده يبعت عايز يقول ايه لربنا نفسى بجد اشوف عدد كبير من الرسايل
ربنا يكرمكم يارب

الثلاثاء، 31 أغسطس، 2010

دعاء

والله بتوحشونى كتير بس غصب عنى الوقت ضيق جدا وبعدين انا كنت مسافره باشوف قرايبى بقى وافطر معاهم وكل سنه وانتم طيبين بس عملت جوله تمام
احنا طبعا فى ايام مباركه وفى شهر مبارك لابد فيه من الدعاء علشان كده جبتلكم دعاء قراته وعجبنى
لا اله الا انت سبحانك انى كنت من الظالمين رب انى كلى ذنوب وانت العفو الغفور
لا اله الا انت سبحانك انى تبت اليك وانى من المسلمين فتب على انك انت التواب الرحيم
لا اله الا الله واستغفر الله لذنبى وللمؤمنين والمؤمنات
رب اغفر لى ولامة نبينا محمد صلى الله عليه وسلم مغفره عامه
وارحمنى وارحم امه نبينا محمد صلى الله عليه وسلم رحمه عامه
رب اغفر وارحم وانت خير الراحمين . ربنا ان تعذبنا فانا عبادك وان تغفر لنا فانك انت العزيز الحكيم
يا ارحم الراحمين برحمتك نستغيث فاغثنا وابدل سيئاتنا حسنات واقرر عين نبينا بى وبامته
رب انت وليى فى الدنيا والاخره توفنى مسلما والحقنى بالصالحين
ولا تنسوا اللهم انك عفو كريم تحب العفو فاعف عنا
اللهم تقبل منى ومنكم اااااااامين يارب العالمين

الخميس، 19 أغسطس، 2010

مدرسه الحب


السلام عليكم ورحمه الله وبركاته
وحشتونى جدا والله مش عارفه اكتب ايه؟ ومفيش فى دماغى اى حاجه خالص غير انى عايزة اطمن عليكم واسلم عليكم واقولكم عاملين ايه فى رمضان؟ وايه اخبار الطاعات معاكم؟
يارب تكونوا مقضين رمضان باحسن حال عايزين نتنافس بقى فى قراءه القران والصلاه
ربنا يتقبل منا الصلاه والقران وقيام الليل
بادعوكم لمشاهده برنامج مدرسه الحب لمصطفى حسنى برنامج هادف جدا وباسلوب لطيف بيجى على قناه اقرا الساعه 10 وتلت
واللى عايز يشترك معاه على موقع الرسمى www.mustafahosny.com
واللى مش عايز يدخل هو حر ههههههههه بس بجد اللى هيدخل هيبقى سعيد جدا زيى
الحمد لله على طاعه ربنا الطاع بتريح القلب والبال
اترككم فى رعايه الله

الأحد، 8 أغسطس، 2010

استقبال رمضان

رمضان اقبل يا اولى الالباب فاستقبلوه بعد طول غياب
عام مضى من عمرنا فى غفله فتنبهوا فاعمر ظل سحاب
وتهيؤا لتصبر ومشقه فاجور من صبروا بغير حساب
الله يجزى الصائمين لانهم من اجله سخروا كل صعاب
لا يدخل الريان الا صائم اكرم بباب الصوم فى الابواب
ما صام من لا يرعى حق مجاور واخوه وقرابه واصحاب
ما صام من اكل اللحوم بغيبه او قال شرا او سعى لخراب
الصوم مدرسه التعفف والتقى وتقارب البعداء والاغراب
فاستعدوا لصيامكم ولا تسهوا عن قيامكم بالليل وقراءه الكتاب
واستقبلوا شهر كريم ملىء بالطاعه والثواب


كل عام وانتم بكل خير
كل عام وانتم الى الله اقرب
وعن المعاصى ابعد وعن الطاعه ادوم

الأربعاء، 4 أغسطس، 2010

اخيرا نجحت

انا انجحت يا جماعه والله انا مش مصدقه نفسى وقلت استغل المناسبه دى واكتب هنا لكل الاصدقاء اللى نجحوا واللى اتمنى انهم ينجحوا سواء فى الكليات او فى اى مكان او فى العمل
بجد انا بحبكم جدا وسعيده جدا جدا بالرغم من انى بامر بحاله سيئه الى حد ما بس الحمد لله على كل شىء
نفسى بجد كل الناس تكون فرحانه زيى وبقول لاصحابى فى الجامعه مبرووووووووووووووك وباقول لاصدقائى اللى هنا مبروووووووك
والله بجد مش عارفه اكتب حاجه خالص بس بجد باشكر ربنا اوى انه كمان خلانى اتعرف عليكم بتهونوا عليا كتير بجد
يارب كل اللى لسه معرفش نتيجته يعرفها علشان اقوله مبروووووووك
انتظرونى بقى فى البوست الجديد هيكون قريب ان شاء الله بس موعدكوش يكون سعيد زيى دلوقتى

الثلاثاء، 27 يوليو، 2010

احلى الذكريات

لما باكون سهران لوحدى وارجع لاحلى الذكريات كانى مش عايش لوحدى وعايش معاك كل اللى فات حاسس بروحك جمب منى واسمك فى كل الاغنيات ولا ثانيه واحده بعدت عنى ولسه فيه بينا حكايات
انا كلى معاك وباعيش بهواك فى كل ليله عيونى شايفاك وايديا لمساك انا عمرى يوم ما اقدر انساك على طول وياك وفى كل وقت انا فاكرك فيه يا حبيبى انا ليك مشتاق بناديك كل اللى فيا بيحلم بيك وبحبك وشاريك خلاص هاموت من اللهفه عليك انا راجع لعنيك عذبت روحى وسبتك ليه؟
ارجوك تعالى ارجعلى تانى تعبت من طول الغياب انا كنت مش عايش ليالى ده انت كنت عايش فى العذاب
انا كلى معاك وباعيش بهواك فى كل ليله عيونى شايفاك وايديا لمساك انا عمرى يوم ما اقدر انساك على طول وياك وفى كل وقت انا فاكرك فيه يا حبيبى انا ليك مشتاق بناديك كل اللى فيا بيحلم بيك وبحبك وشاريك خلاص هاموت من اللهفه عليك انا راجع لعنيك عذبت روحى وسبتك ليه؟

السبت، 17 يوليو، 2010

بين احضان الليل

عندما يزورنى المساء يا حبيبى يحمل الى قبسا من عطرك الخالد فيحيى به روحى التى تعانى الكثير فى غيابك...
وكم اتمنى كل مساء لو تكون معى يا حبيبى نرتمى سويا فى احضان الليل فنتهامس ونتسامر بلا رقيب من البشر ...
نتلاقى فى حضرة المساء فنصنع من حبنا نهرا عظيما ... خالدا ... ننهل منه شهد الغرام عذبا صافيا ونروى به ارض البشر فنجعلها تطرح ورد الحب .. واشجار الهوى ونحكى لصديقنا الليل عن حلمنا الغالى فى ان نتوحد سويا بلا افتراق.. عل الليل يذيب ذراتنا فتوحد الى الابد .
وفى نهايه اللقاء نستودع صدر الليل امانينا الطيبه وكلامنا الجميل واسرارنا التى لايعلم احد من البشر شيئا عنها .. ونودع الليل ونحن نناشده الا يغيب عنا طويلا.
وتاتى خيوط الليل حبيبى فتبدد كل امنياتى الليليه فامد يدى اصافح المساء.. هذا العزيز الغالى الذى يحمل الى جزءا من وجودك.. وقبسا من حنانك.. والذى ابثه امنياتى واشواقى فلا يمل ابدا من الاستماع اليها.. وابثه اشعارى وكلماتى الجميله فيحملها اليك سريعا فاجد بذلك بعض العزاء فى غيابك عنى يا غالى .
وعبر نسائم الليل البديع اقولها لك يا حبيب روحى اشتقت اليك كثيرا.. وبلا حدود ..
شكرا يا عزيزى الليل..

الجمعة، 2 يوليو، 2010

الاشتياق

عجبا لهذا العالم الذى لم يستطع حتى الان
وضع اصوات من نحبهم ونشتاق اليهم
فى اقراص نتناولها سرا حتى لانصاب
بوعكه الاشتياق

السبت، 19 يونيو، 2010

ده حبيبى

اولا انتم وحشتونى كتير اوى ثانيا ميرسى لكل الناس اللى سالوا عليا فى غيابى ودعولى علشان الامتحانات بجد ربنا يديم المحبه بينا ، وبما انى لسه مخلصتش امتحانات وفاضلى ماده بعد بكره ان شاء الله فقولت اما اعمل حاجه خفيفه شويه وكمان اسالكم انتوا سمعتوا الاغنيه بتاعه سوما الجديده ولا لا؟ اصلها عجبتنى اوى الصراحه وحاسه انها شبهى او معموله علشانى فقولت اكتبها واخد رايكوا فيها
الاغنيه بتقول
خلاص مش قادره اعيش من غير حبيبى ولو دقيقه ايوة هى دى الحقيقه قولتهالكوا واعرفوا هاتولى سلام ايديه او حتى نظره من عنيه
اه لو عرفتوا حالى ايه من غيره وازاى تعرفوا؟
ده حبيبى عارفين يعنى ايه حبيبى ؟ يعنى الدنيا فى عنيا واغلى الناس عليا
ده حبيبى الحضن اللى مواسينى والفرحه اللى فى سنينى وايام حلوة جايا
ده بعيد بعيد بعيد بعيد عن عينى لكن شايفاه فى كل الاماكن ده انا نايمه وصاحيه بيه
وقريب قريب قريب قريب يا دمع عينى يا زمن مفيهوش حبايب اخدت حبيبى ليه؟ اخدت حبيبى ليه؟
حبيبى عارفين يعنى ايه حبيبى ؟ يعنى الدنيا فى عنيا واغلى الناس عليا
ده حبيبى الحضن اللى مواسينى والفرحه اللى فى سنينى وايام حلوه جايا
انا كتبتها بجد علشان مفيش حاجه فى دماغى اكتبها اليومين دول بس اوعدكم هارجعلكم بفرقعه هههههه
ادعولى ربنا يعدى الماده الجايه على خير ياااااااااارب

الأحد، 9 مايو، 2010

الحب وما ادراك الحب ؟


الحب وما ادراك ما الحب؟ قد يحسبه الكثير منا هديه مجامله فى المناسبات او ابتسامه صفراء
او كلمه ترضية فى بعض المناسبات.
الحب ليس كما تصوره الافلام والمسلسلات والاغانى باتخاذ خليل من الجنس الاخر
تبادله الحب والهيام الكاذب.
لكن الحب اجل واعظم من هذه التفاهات.
الحب فيض من المشاعر والاحساسات تسمو بصاحبها الى اعلى درجات الانسانيه الحقة.
الحب شعور بالموده والالفه يدفىء علاقتك بامك وابيك واخوتك وزوجتك واهلك .....
ياريت محدش يفهمنى غلط انا مش ضد الحب الصادق الطاهر ولكن هذه كلمات عبرت فى ذهنى فاحببت ان اكتبها لكم واعرف رايكم فيها لانى كما تعلمون احبكم كثيرا

الثلاثاء، 27 أبريل، 2010

النظرة


حين نظرت فى بريق عينيك يا حبى .. لم اكن ادرك جمالهما ولكن ادركت انه ثمة سحر غامض فى عينيك، سحر ياخذنى من عالمى الباهت الى عالمك الملون ..عالم تزينه صورك،افكارك،لمساتك الشفافه،عالم يدرك معنى الحب والاخلاص.
فقد ادركت حبك ،عشقت حبك، هويتك، اصبحت عبدا لقلبى الرقيق الحساس. حين نظرت فى تلك العيون وشعله الامل مشتعلة فيها ، وفى عينى نار موقده مليئه بحراره حبى وعشقى وهواى.
شعرت بان اعيننا احبت بعضها قبلنا وتعلقت ببعضها دون ان يعلمونا بذلك...
فى كل مرة اراك يا حبيبى اسمع نبضات غريبه من قلبى ، نبضات تغنى باعلى الاصوات مغرده بالحان الحب وموسيقاه الناعمة.
اشعر بنار مشتعله تجرى فى دمائى وعروقى، تنادى بالحب وبالمشاعر الانسانيه الرفيعه فان حبى لك فوق كل شىء وقبل كل شىء. اما ان الاوان يا حبيبى ان نخبر طيور الحب بحبنا ونعترف لبعضنا بذلك الحب الطاهر . ذلك الحب الابدى الذى بناه كل منا. هل تشعر بحبى يا حبيبى؟ هل تسمع نبضات قلبى الخافقه؟ هل تعلم بانك هوسى وفرحى وحياتى يا عمرى الضائع، يا روحى الطاهرة، يا نسمة ريح ترد الروح الى والى قلبى الدافىء ، لا لست ريحا بل انت عاصفة تملىء الوجدان بالحب . فانت الروح والعمروالحياه . فلتبادلنى مشاعرك واحاسيسك لنكون عاشقين فى اعينهم الطفوليه. نظره امل لمستقبل واعد يملؤه الحب والمشاعر العنفوانية قد بداوا بكتابه احرف حبهم الاولى فى فصل الحب فى موسوعه الحياة.

الخميس، 15 أبريل، 2010

اهداء




اتمنى لو اصدر كتابا ...
ليكون لك فيه اهداء
على اول الصفحات
واكتب لك فيه باسلوب مثقف
احبك
وابتكر فصولا وفروعا ومواضيع
ابدؤها باسمه واخبر الاجيال
عن وسيم احببته
ونثر وردا ملونا على روحى
ومنحنى عقدا من اللؤلؤ
وباقه امل وصدق
وفى كل مره التقيه ... يقول لى احبك
وعندما نتشاجر يقول لى احبك
وقبل ان انام يروى لى قصه اميره قال لها اميرها احبك



الأحد، 28 مارس، 2010

يا قلبى

يا قلبى .. يا من لم تعرف شيئا غير الحب.. الحب ولا شىء سواه..فدائما انت تبحث عن الحب والمشاعر فهما فقط من يعطونك الحياه..فالحياه عند الناس جميعا هى الاكل والشراب وحاليا هى المال ولكن انت لم تحب شيئا غير الحب والمشاعر فهم يعادلان عندك الاكل والشراب وكل شىء اخر.. فانت الذى تنبض بالحياه , واذا توقفت فلاتوجد حياه .. لماذا لايفهمك احد؟ لماذا ينظر الناس اليك وكانك شىء غير موجود ويمكن العيش بدونه؟ لماذا؟ هل لانك لاتقل لهم اريد ذلك او تلك؟ ام لانك دائم الانطواء والاختفاء عن الانظار
فانت الحياه ولكن انت من يعجبه التجاهل من كل المخلوقات على وجه الكون.
لاتحزن ياقلبى فانت اهم عندى ممن حولى فى هذا العالم فسوف اكون دائما معك ولن ادعك يوما وحيدا, فان لم تجد من يفهمك وياخذك بين يديه فسوف اكون معك ولن ادعك تياس يوما او تندم يوما. انت من تعطينى الحياه وانت من يساعدنى ولذلك سوف اكون انا الان من يساعدك على المرور من وحدتك . ساكون انا الحب الذى تبحث عنه والمشاعر التى تعطيك الدفء ولن اتركك يا قلبى

الجمعة، 19 مارس، 2010

تعظيم سلام




تعظيم سلام ليكى يا امى تعظيم سلام

ياللى مهما قولت فيكى مش هيكفى يوم الكلام

ده انتى طاعتك مش بس يوم دى طاعتك طول العام

اول ماوعيت ع الدنيا لقيتك حبيبتى جمبى

عطتينى الرعايه وقلبك حاضن قلبى

والعالم كله يشهد ياحبيبتى على مدى حبى

سندتينى فى مشيى وعلمتينى كمان الكلام

تعظيم سلام ليكى يا امى تعظيم سلام

ده انتى الحب كله وكمان انتى الحنان

لو لحظه بعدتى عنى فين الاقى الامان

علمتينى معنى الصبر والتمسك بالايمان

دايما شايله عنى الهم ومخففه الاحزان

خليكى معايا دايما وقربى منى كمان

دى الجنه تحت رجليكى ودى مش محتاجه كلام

تعظيم سلام ليكى يا امى تعظيم سلام

يا امى بادعى ربنا دايما ياخد من عمرى ويعطيكى

فكرت اقدم عمرى هديه بس العمر شويه عليكى

هافضل احبك طول حياتى ومهما كبرت صغيره ليكى

مهما وصلت لاعلى مكان هافضل ابوس ياحبيبتى ايديكى

ده انتى الحنان كله وربنا وصانى عليكى

ربتينى على الاخلاق ومااعرفش ابدا خصام

تعظيم سلام ليكى يا امى تعظيم سلام



احب اقول لكل ام كل سنه وانتى طيبه واحب اقول لامى انتى اغلى انسانه عندى وربنا يخليكى ليا ولاخواتى
ياريت بقى تقولولى رايكم فى الكلام اللى كتبته لانى كنت متردده جدا قبل ما انشره هنا
اه نسيت اقولها انى بحبها اوووووووووووى وما اقدرش استغنى عنها ابدا وكمان نفسى اكون ام زيها
وباقول لبابا كمان ربنا يخليك لينا

الخميس، 11 مارس، 2010

مش هو


مش هو اللى كان بيسابق ضله اللى كان هيموت واكون له كان بيحلم بيا سنين
مش هو اللى كان همه فى الدنيا ان احس هواه لو ثانيه وكانت تملى دموعه العين
مش هو اللى بعد كتير حنيت له ولما شافنى ضعفت وجيت له سابنى وراح مع ناس تانين
مش هو اللى بعد العمر ده كله بعد ما عاشت روحى فى ضله داس على قلبى فى غمضه عين
انا مش زعلانه انه اتهرب انا بس حزينه وباستغرب مثل دوره بجد ازاى ومابنش عليه
كان لازم يفهم من الاول ان الفيلم ده مش هيطول واللى يبص لبره فى مره خاين بعنيه
مش هو اللى اوهب له نفسى وحبى اللى اعيش له وادوس على قلبى يفرح قلبه وقلبى حزين
مش هو اللى بعد ما بان على اصله ينفع اضيع عمرى فى وصله وهو زى كتير خاينين
مش هو اللى اديله تانى الفرصه واسمح له يرسم بكره وهو فى قلبى مالهوش حنين
مش هو اللى نفسى وباحلم بيه اللى اعيش واموت وارضيه مسيرى الاقى طريقه منين
انا مش ندمانه على الفرقه ابدا بالعكس بقيت اقوى طول مالقلب بيعرف ينبض هيخاف ليه؟
كان لازم افهم من الاول ان الفيلم ده مش هيطول واللى يبص لبره فى مره راحت عليه
طبعا ده مش كلامى دى كلمات اغنيه سمعتها بس اعجبت بيها جدا وباحساس البنت اللى بتغنيها قولت اكتبها هنا علشان اخد رايكم فيها ممكن تكونوا سمعتوها وكمان حبيت ابين اد ايه احساس الخيانه صعب جدا على المراه؟ واد ايه بتبقى مجروحه جدا ومع ذلك ممكن تكون اقوى واحسن وتكمل حياتها مع العلم بانى مش بمر بهذه المرحله حاليا اتمنى الا تمر هذه المرحله على كل البنات والسيدات لانه احساس بجد صعب ربنا يهدى الرجال بس قولوا امييييييييين

الاثنين، 1 مارس، 2010

اربعه احرف


وانا اسمع صوته ينقلب احساسى من لهفه لاتصاله وسماع صوته الى احساس لااعرفه لحظه السلام والكلمه الاولى يرحب عقلى بالنسيان لكل ما خباته وارى نفسى ابحث عن كلمه واحده عن حرف لاجمعه مع الاخر لتصبح جمله. تدور بى الدنيا ثم ارسو على حرف او حرفين واسافر الى بحور الكلام واتخبط بامواجه واصطاد منه العبارات وكل ما افعله هو سفرى وترحالى فى دنيا الكلام
اعود واصطاد تلك الكلمه *احبك* لانها اجمل هذه العبارات اسهل واصعب احساس فى نفس الوقت تنتهى اول جمله او اول كلمه واعود الى البحث مرة اخرى
قبل التحدث معه اكون خبيره بكلام العاشقين والحن كلماتى له وافردها امامى وابحث بها جيدا واصبح افضل الشعراء والملقين واغردها كعصفوره حزينه لكن اااه ما ذلك السحر؟ ما الذى يحدث لى عندما يقول الوو ازيك؟؟؟
انا متاكده ان هناك شيئا فى صوته ولكن الغريب ان هذا السحر يقف عاجزا امام اربعه احرف*احبك* واحس بهذه الاحرف انى اقوى امراه فى العالم وابدا الكلام بها وانتهى بها وهى كلام لوحدها
ترى هل يفهمنى؟ هو لايسمعها لانها كلمه بداخلى ولكنه الوحيد الذى يستطيع ان يخرجها اربعه احرف *احبك*

الثلاثاء، 16 فبراير، 2010

احبك كما احب


وحشتونى اوى اوى انا جايلكم بقى بنيو لوك ياريت يعجبكم بحبكم اوى
انا لست كمثل النساء
لم يخلق قلمى ليسطر حروفا من حب تمحوها الايام
فدائما ماتنسى الكلمات وتموت
ولكن حبى لك خالد على مر السنين والايام
فلن اقتبس من كلمات الشعراء لحنا لاعزف به على الاوتار
وانت لست روميو ولا انا جوليت
ولا انت بقيس ولا انا ليلى
ولكننى انا كما انا كنت وانت كما كنت انت
وهذا ما اعادنى اليك انت وكما انت
فصدق عينيك ورقه تعبيرك
وطريقتك فى احتوائى وتاملك فى كيانى تفاصيل
وتعاليك وكبرياءك وغيرتك
فنحن لم تجذبنا الكلماتولا حكايا لعشاق
ولكن جذبنا ما هو اقوى من الزمان
فانا لم احب للحب احببت لاننى اردتك انت
فانا ملكه فرعونيه نقشت بداخل قلبها حبك
حبا يحيا ابد الدهر يذكر العالم معالمه ويسجل التاريخ حروفه
ليصبح اسطوره عشق جديده
فلا تنتظر من لسانى اجابه هل احبك؟
فلن تبوح الكلمات بحبك
ولكن اسال دقات قلبى ونبض احساسى
وهمسات عيونى واشتياقى عند اللقاء
وحزنى عند الانتهاء
حبيبى دعنى احبك على طريقتى الجديده
فلقد علمنى حبك كيف اكون فريده

الاثنين، 4 يناير، 2010

رساله الى حبيبى +اعتذار


فى بدايه السنه الجديده التى تعتبر من اسوا سنين عمرى لان بدايتها كانت فراق اغلى الناس الى ولكن الله اراد ان يفرقنا فى بدايتها اللهم لااعتراض بس غصب عنى وليس بارادتى ما انا فيه من عذاب والم لا استطيع ان اخفيه لان حبيبى تركنى وحيده انه يرى ان حبنا حرام ويخاف عليا من الذنوب من شده حبه ليا تركنى وكمان قالى انه بيحبنى لكنه يحب ربنا اكتر تركنى ومازلت احبه واحترمه وساظل وللسبب ده حبيت اكتب له رساله انشرها هنا
*وداعا.. القدر لقد جمع بقلبى وقلبك وعاش قلبى حينئذ اجمل سنوات عمرى لقد سهر قلبى ليالى ما احلاها بوجودك بداخلى صدى صوتك كلماتك نظره عيونك واحساسك وصورتك التى لم تفارق خيالى لحظه احببتك يامن اطعمتنى مذاق حبا واخلاصا وهل لقلبى من معلما سواك يعلمه كيف يحب وما هو الحب؟ وقد جاء القدر احببت وفارقت .فراقا وقد جاء يوم فراقنا احسست ببدء عذابا ولن ينتهى تاهت معالم قلبى وتاهت كلمات ولم تغفو الجفون يوما ولقد سهر القلب من ذاك اصعب ايامه واحسست بمشاعرى بالسكون بعد ان كانت تغزو هذه المشاعر عالم القلوب لاراقه ماء حبا وهواء وعشقا على من احس تلك الاحاسيس .يا حياه الروح الا ان تبتعد وتفارقنى هذه نهايتى وهل من دموعا تكفى لفراقك ياروحا تمالكتنى.لو كان الموت اصابنى لكان اهون عليا من فراقك وهل لى من فلب ليكن بجانبى وقت بكائى ليجفف دمع عيونى وهل من بعدك فح يوما؟ وهل من بعدك حبا اّخر .لقد عاهد قلبى روحى من اول حبك بان موته سيكن عند فراقك والان قد ماتت احاسيس ومشاعر كانت تملا الحياه املا وحبا. لقد جمعنا القدر ولقد فرقنا القدر ولكن هل سينساك قلبى؟ كل كلمه حب احسها قلبى تجاهك لم ينساها قلبى يوما ولن تكن يوما ماضيا يا من كنت باحلامى دوما يا امير القلب والروح يا حبا طال انتظاره يا املا عاشه القلب من قبل رؤياك ..وداعا*
احب ادعى دعاء فى النهايه كنت متعوده ادعيه مع حبيبى
اللهم انى احبه فيك ويحبنى فيك
فاعصمنا الا نعصيك
واجمعنا مع نبيك يوم ناتيك
ده املى الوحيد انى ابقى معاه بس فى الاخره ان شاء الله
احب اعتذر لكم لو كنت اطلت عليكم فى الكلام وكمان احب اقولكم انى هاغيب عليكم شويه علشان الامتحانات وكمان حالتى النفسيه السيئه
هاطلب منكم طلب عايزاكم تدعولى ربنا يعدى المرحله دى على خير