السبت، 19 يونيو، 2010

ده حبيبى

اولا انتم وحشتونى كتير اوى ثانيا ميرسى لكل الناس اللى سالوا عليا فى غيابى ودعولى علشان الامتحانات بجد ربنا يديم المحبه بينا ، وبما انى لسه مخلصتش امتحانات وفاضلى ماده بعد بكره ان شاء الله فقولت اما اعمل حاجه خفيفه شويه وكمان اسالكم انتوا سمعتوا الاغنيه بتاعه سوما الجديده ولا لا؟ اصلها عجبتنى اوى الصراحه وحاسه انها شبهى او معموله علشانى فقولت اكتبها واخد رايكوا فيها
الاغنيه بتقول
خلاص مش قادره اعيش من غير حبيبى ولو دقيقه ايوة هى دى الحقيقه قولتهالكوا واعرفوا هاتولى سلام ايديه او حتى نظره من عنيه
اه لو عرفتوا حالى ايه من غيره وازاى تعرفوا؟
ده حبيبى عارفين يعنى ايه حبيبى ؟ يعنى الدنيا فى عنيا واغلى الناس عليا
ده حبيبى الحضن اللى مواسينى والفرحه اللى فى سنينى وايام حلوة جايا
ده بعيد بعيد بعيد بعيد عن عينى لكن شايفاه فى كل الاماكن ده انا نايمه وصاحيه بيه
وقريب قريب قريب قريب يا دمع عينى يا زمن مفيهوش حبايب اخدت حبيبى ليه؟ اخدت حبيبى ليه؟
حبيبى عارفين يعنى ايه حبيبى ؟ يعنى الدنيا فى عنيا واغلى الناس عليا
ده حبيبى الحضن اللى مواسينى والفرحه اللى فى سنينى وايام حلوه جايا
انا كتبتها بجد علشان مفيش حاجه فى دماغى اكتبها اليومين دول بس اوعدكم هارجعلكم بفرقعه هههههه
ادعولى ربنا يعدى الماده الجايه على خير ياااااااااارب

هناك 14 تعليقًا:

  1. ازي القمر ..يارب بالنجاح والتوفيق يا جميلة): .. الاغنية تحفة حلوة قووووووووووووووووي سوما صوت رائع عايز فرصة حلوة للانتشار
    لــولا

    ردحذف
  2. ازيك ياميرو اخبارك ؟
    وحشانى جدا والله
    كلمات الاغنية جميلة مسمعتهاش بس ان شاء الله هحملها واسمعها
    اخبار الامتحانات ايه ؟ ياري تكون كويسة
    انا لسالى مادة برده دعواتك عشان المواد اللى فاتت كانت صعبة قوى وربنا يستر
    تحياتى

    ردحذف
  3. جميله اووووووووووى اختيار رائع

    ربنا يوفقك

    انا بحبها وحطها كول تون وحطها على المدونه عندى
    تقبلى مرورى

    توتا

    ردحذف
  4. انا ضيفت مدونتك عندى عشان اتابعك على طول

    ربنا يعزك
    وابقى زورينى
    سلام

    ردحذف
  5. طلب صغنون
    ممكن تلغ كلمة التأكيد وتخلى صفحة التعليقات صفحه منفرده لوحدها زى صفحتى كده بليزززز
    واسفه

    ردحذف
  6. لولا وزهراء
    وحشانى جدا يا لولا انتى وزهراء
    الاغنيه فعلا جميله جدا وربنا يتقبل دعوتك
    دمتى بكل الخير

    ردحذف
  7. جوجو
    انا كويسه الحمد لله اهم حاجه انتى
    ربنا يوفقك ان شاء الله وبعدين اسمعيها على مهلك
    ربنا معاكى

    ردحذف
  8. اتنين حبيبين
    منوره مدونتى المتواضعه بجد
    طبعا متقبله مرورك ويشرفنى كمان
    ميرسى انك ضيفتى مدونتى عندك
    تحياتى

    ردحذف
  9. قٌـمْ للمغنِّـيْ وفِّـهِ التصفـيـرا كاد المغنِّـيْ أن يكـون سفيـرا

    يا جاهلاً قـدر الغنـاء و أهلِـهِ اسمع فإنك قـد جَهِلـتَ كثيـرا

    أرأيتَ أشرفَ أو أجلَّ من الـذي غنَّى فرقَّـصَ أرجُـلاً و خُصُـورا

    يكفيهِ مجـدا أن يخـدرَ صوتُـهُ أبنـاء أُمـة أحـمـدٍ تخـديـرا

    يمشي و يحمل بالغنـاء رسالـةً من ذا يرى لها في الحياة نظيرا

    يُنسي الشبابَ همومَهم حتى غدوا لا يعرفـون قضيـةً و مصيـرا

    الله أكبـر حيـن يحيـي حفلـةً فيهـا يُجعِّـرُ لاهيـاً مـغـرورا

    من حوله تجدِ الشباب تجمهـروا أرأيت مثل شبابنـا جمهـورا؟!!

    يا حسرةً سكنت فؤاديَ و ارتوتْ حتى غَدَتْ بين الضلوعِ سعيـرا

    يا عين نوحي حُقَّ لي و لكِ البُكا ابكـي شبابـا بالغنـا مسحـورا

    ردحذف
  10. أزال المؤلف هذا التعليق.

    ردحذف
  11. يا رب تعدي المادة الجاية على خير من غير (فرقعة) وتيجي تنوري التدوين :)
    ربنا معاك ويوفقك

    ردحذف
  12. السلام عليكم

    ميرووووووو
    انتى فين مش بتزورينى ليه يارب تكونى بخير ويطمنى عليكى منتظراكى طمنينى عليكى اول ما ترجعى

    توتا

    ردحذف
  13. ربنا يرجعك بسلامة

    ردحذف