الاثنين، 14 فبراير، 2011

رسالة من الشهداء(انا بحبك يا بلادى)

يا بلادى يا بلادى انا بحبك يا بلادى يا بلادى يا بلادى انا بحبك يا بلادى
يا بلادى يا بلادى انا بحبك يا بلادى
قولو لامى متزعليش وحياتى عندك متعيطيش قولولها معلش يا امى اموت اموت وبلدنا تعيش
امانه تبوسولى ايديها وتسلمولى على بلادى
يا بلادى يا بلادى انا بحبك يا بلادى يا بلادى يا بلادى ان بحبك يا بلادى
فى جسمى نار ورصاص وحديد علمك فى ايدى واسمى شهيد
بودع الدنيا وشايفك يا مصر حلوة و لابسة جديد
لاخر نفس فيا بنادى باموت وانا بحب بلادى
يا بلادى يا بلادى انا بحبك يا بلادى يا بلادى يا بلادى انا بحبك يا بلادى
طايرين ملايكة حواليا طير لحظة فراقك يا حبيبتى غير
هامشى معاهم وهاسيبك واشوف يا مصر وشك بخير
قالولى يلا على الجنه قولتلهم الجنة بلادى
يا بلادى يا بلادى انا بحبك يا بلادى يا بلادى يا بلادى انا بحبك يا بلادى


ياريت اللى يشوف البوست ده يقرالهم الفاتحه
كان نفسى بجد اكون زيهم ربنا ينولنا الشهادة ااااااااااامين

السبت، 5 فبراير، 2011

كلمات فى حب مصر

الصراحه انا مستاءه جدا من اللى بيحصل فى مصر الان على الرغم من كل التطورات اللى حدثت من تشكيل حكومه جديده وخلافه وبصراحه اكتر مش لاقيه كلام اقوله او بمعنى اصح من كتر الكلام اللى فى قلبى مش قادرة اعبر قولت اجمع كلمات فى حب مصر واكتبها هنا فى مدونتى لانى بجد اكتشفت انى بحب البلد دى اوووووووى اكتر مما كنت اتخيل زي كل الناس ما اكتشفت باردو انها بتحبها
قال الشاعر حافظ ابراهيم فى قصيده (مصر تتحدث عن نفسها)
انا تاج العلا فى مفرق الشرق ودراته فرائد عقدى
ان مجدى فى الاوليات عريق من له مثل اولياتى ومجدى
انا ان قدر الاله مماتى لا ترى الشرق يرفع الراس بعدى
مصر التى قال عنها فاروق جويدة:
حملناك يا مصر بين الحنايا والضلوع وفوق الجبين
عشقناك صدرا رعانا بدفء وان طال فينا زمان الحنين
فيا مصر صبرا على ما رايت
جفاء الرفاق لشعب امين
سيبقى نشيدك رغم الجراح يضىء الطريق على الحائرين
سيبقى عبيرك بيت الغريب وسيف الضعيف وحلم الحزين
سيبقى شبابك رغم الليالى ضياء يشع على العالمين

ستظل مصر ان شاء الله عظيمه وكبيرة رغم انف الحاقدين واحب اوجه لها رساله ان احنا بنحبها وبنعشق ترابها
اقولها متزعليش يا مصر ستعبرين من هذه الازمه بسلام انتى مذكورة فى القران (ادخلوا مصر ان شاء الله امنين)