الثلاثاء، 27 أبريل، 2010

النظرة


حين نظرت فى بريق عينيك يا حبى .. لم اكن ادرك جمالهما ولكن ادركت انه ثمة سحر غامض فى عينيك، سحر ياخذنى من عالمى الباهت الى عالمك الملون ..عالم تزينه صورك،افكارك،لمساتك الشفافه،عالم يدرك معنى الحب والاخلاص.
فقد ادركت حبك ،عشقت حبك، هويتك، اصبحت عبدا لقلبى الرقيق الحساس. حين نظرت فى تلك العيون وشعله الامل مشتعلة فيها ، وفى عينى نار موقده مليئه بحراره حبى وعشقى وهواى.
شعرت بان اعيننا احبت بعضها قبلنا وتعلقت ببعضها دون ان يعلمونا بذلك...
فى كل مرة اراك يا حبيبى اسمع نبضات غريبه من قلبى ، نبضات تغنى باعلى الاصوات مغرده بالحان الحب وموسيقاه الناعمة.
اشعر بنار مشتعله تجرى فى دمائى وعروقى، تنادى بالحب وبالمشاعر الانسانيه الرفيعه فان حبى لك فوق كل شىء وقبل كل شىء. اما ان الاوان يا حبيبى ان نخبر طيور الحب بحبنا ونعترف لبعضنا بذلك الحب الطاهر . ذلك الحب الابدى الذى بناه كل منا. هل تشعر بحبى يا حبيبى؟ هل تسمع نبضات قلبى الخافقه؟ هل تعلم بانك هوسى وفرحى وحياتى يا عمرى الضائع، يا روحى الطاهرة، يا نسمة ريح ترد الروح الى والى قلبى الدافىء ، لا لست ريحا بل انت عاصفة تملىء الوجدان بالحب . فانت الروح والعمروالحياه . فلتبادلنى مشاعرك واحاسيسك لنكون عاشقين فى اعينهم الطفوليه. نظره امل لمستقبل واعد يملؤه الحب والمشاعر العنفوانية قد بداوا بكتابه احرف حبهم الاولى فى فصل الحب فى موسوعه الحياة.

هناك 30 تعليقًا:

  1. السلام عليكم

    بترجمى مشاعرك بسهوله جدا ..
    اوعى تكونى انتى كده فعلا فى الحياه العاديه
    اوعى تكونى بتتعاملى باللين والسهوله دى مع الناس
    حتى اللى بتحبيهم .

    طيبه اوى .. فخوره جدا بنفسك .. بس مؤمنه بأى كتاب فى الحب :)
    دوماً أصدقاء :)

    ردحذف
  2. كنتى عاوزه تعرفى بقه انا ليه بحب أسم ميرووو
    اقولك يا ستى
    ده كان اسم اول حد يدخل قلبى
    والحمد لله ما زال
    فبالتالى بتفائل باى صديقه على نفس الاسم ...
    بس عندى انا ميرووو واحده بس
    يا احلى ميرووو فى عالم التدوين :)

    ردحذف
  3. السلام عليكم
    الله الله الله ايه يابنتى الابداع ده
    بجد جميييييييييييل جدا واحساس رائع جدا

    تحياتى

    ردحذف
  4. الكلام ده كله ليا
    هههههههههههههه
    طيب ممكن ابقي اقول لخطيبتي(في المستقبل)
    تبقي تتعرف عليكي
    علشان تقولي كلام من ده
    هههههههههه

    ردحذف
  5. نعم لقد آن الاوان لكى نخبر كل العالم عن ما بداخلنا فلا نخجل من حبنا ونعلنه امام العالم باجمعه نعم نكتب احرفنا فى مستقبل واعد فقط لانتى معى فهما كانت تلك الحياه جمسله فستكون معكى انتى الاجمل فقط احبك واظل اردههاويدق بها قلبى حتى يجمعنا اللقاء

    *************

    تحياتى لكلماتك الجميله

    ردحذف
  6. ميرووووووووووووووووووووووو

    تحفه بجد
    ايه يا قمر المشاعر الحلوه اوى دى كلها

    كلمات رقيقه
    مشاعر جميله وراقيه فى التعامل

    ربنا يحفظك يا ميرو
    ويحفظ قلمك وقلبك الجمييييييييييل

    ردحذف
  7. احساسك جميل اووى انسانه عاشقة للحب
    ربنا يسعدك ويديم عليكى الحب يارب

    تحياتى
    شذا

    ردحذف
  8. لالالالالالالالالالالالالالالا كده كتير بقى
    ايه الجمال ده المرة دى تحفة بجد
    انا حبيت الحب يابنتى على ايديكى
    الله بجد يا ميرو انتى الحب كله والله
    ابدعتى يا قمررررررررررر

    ردحذف
  9. احمد شعراوى
    منورنى يا احمد وفعلا يا بختو هو هيلاقى زيى فين؟ ههههههههه
    اتمنى دوام التواصل

    ردحذف
  10. اقدم عاصمه فى الحب
    وعليكم السلام
    الصراحه انى باتعامل مع الناس بكل سهوله وخاصه اللى بحبهم ومش عارفه اغير ده لانى شايفاه مش وحش اوى بس مش باوزع نظرات وانا ماشيه يعنى مش بحب على روحى ههههههههههه
    على العموم ربنا يخليلك ميرو ويديم عليكم الحب
    ميرسى اوى على كلامك الجميل ده

    ردحذف
  11. جوجو
    وعليكم السلام
    حبيبتى جوجو وحشانى والله
    بجد عجبك ادعيلى بس وانا اعمل احسن منه
    علشان احس انى اسعدكم كده اوى
    اهم حاجه دراستك متركزيش معايا اوى يعنى هههههههه
    ربنا يوفقك

    ردحذف
  12. حصان المرجيحه
    مش خساره فيك الكلام الحلو ده
    وبعدين انا موافقه انى اتعرف على خطيبتك فى المستقبل طبعا علشان اعلمها هههههههه
    دمت بكل الخير

    ردحذف
  13. romansy
    ايه الكلام الجامد ده
    كل ده ليا انا والله هيغمن عليا هههههه
    بجد رائع يا احمد برافو عليك
    دمت رومانسيا

    ردحذف
  14. لولا وزهراء
    اولا انا مش عارفه انتى مين فيهم؟ لولا ولا زهراء بس المهم انكم وحشتونى اوى انتوا الاتنين
    ميرسى اوى على الكلام ده والله بتعطونى دفعه وكمان عطيتونى اكتر من حقى
    بحبكم اوى

    ردحذف
  15. شذا الروح
    منورانى يا شذا فى مدونتى المتواضعه
    ميرسى اوى على كلامك والحب اجمل شىء فى الدنيا
    من غيره مش هنقدر نعيش
    دمنا اصدقاء

    ردحذف
  16. مى
    حبيبتى والله ده مش كتير ولا حاجه
    ده اقل حاجه ممكن اقدمهالكم
    وكمان انتى حبيتى الحب يعنى انا عملت حاجه كويسه ليكى وانتى عارفه انك حبيبتى يارب اسمع اخبار كويسه قريب وكلامى يجيب نتيجه ههههههههههه
    ميرسى اوى يا ميوى
    بحبك جدا والله

    ردحذف
  17. الكلام طالع بسهولة جدا

    و مع انه سهل و سلس

    بس مش أى حد يقدر يعبر عنه


    بجد ... كلامك حسيته اوى


    دخل على طوووول




    ميرسى جدا


    تقبلى مرورى



    دمتى بكل خير و سعادة

    ردحذف
  18. النجمه الزاهرة
    ميرسى ليكى اوى على كلامك الجميل ده
    طبعا متقبله مرورك حبيبتى احنا اصدقاء بالفعل
    اتمنى دوام التواصل
    تحياتى

    ردحذف
  19. ذلك الحب الابدى الذى بناه كل منا. هل تشعر بحبى يا حبيبى

    بصى انا مبعرفش اترجم الكلام لما بكون مبسوطة
    وانا فعلا مبسوطة وانا بقرأ البوست اوى
    حاله لا توصف من الرومانسية والنقاء
    ابدعتى

    تحياتى واكيد مش هتكون اخر زيارة

    ردحذف
  20. احيانا نعجز عن وف الحب فنصفه بالسحر
    واحيانا نخطئ فنقول كلمة مثل (اصبحت عبدا لقلبى الرقيق )ليس فى الحب عبودية
    تحياتى

    ردحذف
  21. السلام عليكم
    أزيك يامييييييييييرو عامله اه

    الحب يبدأ بالنظرة وللاسف ينتهى بالنظرة
    فما أروع أحساسك بكلمات تصف نظراتك

    تحياتى لكى
    دمتى بخير

    ردحذف
  22. السلام عليكم =>
    ====>>ازيك ياميروووووو
    اخبارك ؟
    ايم سو سورى على التاخير لكن تعبان جدا
    وميرسي جدا على سؤالك ده بالنسبالى شرف كبير جدا والله وحاجة اعتز بيها جدا انك سألتى عن غيابى انا اول ما اخف كده اول بوست هايكون اهداء ليكى ::::
    طمنينى عليكى ؟؟؟؟
    مش عاوز اكتب عودة الجزاااااار بقى لانى محسود ههههه
    يلا ابقى طمنينى عليكى عشان مش اطول عليكى
    سلام ميرووووو
    ===> fathy <===

    ردحذف
  23. روعة....روعة

    ربنا يسعدك كلماتك بسيطة بس جميلة بتعبر عنك ببساطة ورقى
    ربنا يحلى ايامك تحياتى

    ردحذف
  24. حلو الكلام اوي دة يا ميرو
    بجد يسلم احساسك و شكرا على سؤلك وانا جيت اهو من تاني

    ردحذف
  25. رائعة كلماتك بالفعل

    ردحذف
  26. سهر
    اهلا بيكى حبيبتى فى مدونتى المتواضعه
    سعيده انك مبسوطه بالبوست
    ربنا يجعلنى دايما سبب فى سعادتكم
    نورتينى واتمنى دوام التواصل

    ردحذف
  27. well
    اشكرك على رايك الصريح
    احترم فيك الصراحه ومتقبله رايك بكل ود
    تحياتى

    ردحذف
  28. ليله شتاء
    وعليكم السلام
    انا كويسه جدا الحمد لله واعيش قصه حب هههههه
    على فكرة مش لازم الحب يبدا بنظره ممكن بكلمه
    وممكن كمان مش ينتهى بالنظره والله اعلم هههههه
    تحياتى ليكى حبيبتى

    ردحذف
  29. حب الملائكه
    يا اهلا يا اهلا حمد الله على سلامتك
    وبالنسبه لسؤالى ده واجب عليا مش اكتروالله
    الف سلامه عليك وكمان منتظره البوست اللى هيبقى اهداء ليا هههههههه
    الف سلامه كمان مره
    تحياتى

    ردحذف