الجمعة، 19 مارس، 2010

تعظيم سلام




تعظيم سلام ليكى يا امى تعظيم سلام

ياللى مهما قولت فيكى مش هيكفى يوم الكلام

ده انتى طاعتك مش بس يوم دى طاعتك طول العام

اول ماوعيت ع الدنيا لقيتك حبيبتى جمبى

عطتينى الرعايه وقلبك حاضن قلبى

والعالم كله يشهد ياحبيبتى على مدى حبى

سندتينى فى مشيى وعلمتينى كمان الكلام

تعظيم سلام ليكى يا امى تعظيم سلام

ده انتى الحب كله وكمان انتى الحنان

لو لحظه بعدتى عنى فين الاقى الامان

علمتينى معنى الصبر والتمسك بالايمان

دايما شايله عنى الهم ومخففه الاحزان

خليكى معايا دايما وقربى منى كمان

دى الجنه تحت رجليكى ودى مش محتاجه كلام

تعظيم سلام ليكى يا امى تعظيم سلام

يا امى بادعى ربنا دايما ياخد من عمرى ويعطيكى

فكرت اقدم عمرى هديه بس العمر شويه عليكى

هافضل احبك طول حياتى ومهما كبرت صغيره ليكى

مهما وصلت لاعلى مكان هافضل ابوس ياحبيبتى ايديكى

ده انتى الحنان كله وربنا وصانى عليكى

ربتينى على الاخلاق ومااعرفش ابدا خصام

تعظيم سلام ليكى يا امى تعظيم سلام



احب اقول لكل ام كل سنه وانتى طيبه واحب اقول لامى انتى اغلى انسانه عندى وربنا يخليكى ليا ولاخواتى
ياريت بقى تقولولى رايكم فى الكلام اللى كتبته لانى كنت متردده جدا قبل ما انشره هنا
اه نسيت اقولها انى بحبها اوووووووووووى وما اقدرش استغنى عنها ابدا وكمان نفسى اكون ام زيها
وباقول لبابا كمان ربنا يخليك لينا

هناك 34 تعليقًا:

  1. ايوه اهم حاجه بابا
    بابا اللى تعب وربى
    بس الام برضه فضلها كبير كبير
    كل سنه وكل ام طيبه
    يارب

    ردحذف
  2. ميروووووووووووووووو

    تسلم الايادى على الكلام والصور كمان

    اجمل انسان فى الدنيا هى الام بجد
    طاقه من العطاء من الحب من الخير
    ربنا يبارك لامى فى عمرها ويفرح قلبها
    ساعات كتير مش اعرف اعبر لها عن حبى لكن امى عارفه مدى حبى لها انتى عارفه ساعات اشعر انها بنتى وكمان بتجيب لى هديه فى عيد الام
    مهما وصفت وقولت فيها صعب الكلمات توصف شعورى
    ربنا يحفظك يا ماما .........

    زهراء

    ردحذف
  3. والله نعمة كبيييرة
    ربنا يقدرنا نشكرها
    تسلم ايدك

    ردحذف
  4. الله \
    والله كلامك جميل اوى اوى اوى يا ميروووووو

    ربنا يا رب يخليلك مامتك وكل الامهات فى الدنيا

    ردحذف
  5. ميروووووووووووووووو

    أنا بس جاى أسلم عليك لكن لازم أجى أتكلم وأتكلم عشان متعرفيش أنتوا واحشنى قد ايه ؟

    كل سنه وأنتى طيبه

    ردحذف
  6. ميرووووووووووو النيرووووووووو كوانيروووووووو

    كل سنه ومامتك طيبه هى وامى وكل الامهات

    ويخليهالكو وبابا كمان وتفضلو مع بعض العمر كله

    بس بجد كلام جامد جدا جدا تسلم ايدك ياقمر

    وده احلى كلام فى عيد الام
    وعجبنى جدا اخر عشر سطور
    طبعا هى كلها تحفه بس دول جامدين شويه

    تسلم عيونك ياقمر

    تحياتى ليكى


    فى رعايه الله

    ردحذف
  7. كل سنة وكل ام بخير وسعادة
    لولا

    ردحذف
  8. romansy
    طبعا بابا مهم بالتاكيد
    احنا من غيرهم الاتنين لانسوى شىء
    ربنا يخليهم لنا
    كل سنه ومامتك طيبه يا رومانسى

    ردحذف
  9. لولا وزهراء
    طبعا يا زهراء كلامك جميل جدا
    ربنا يخليهالك يارب
    ويخلي لنا امهاتنا كلهن يارب
    ربنا يحميكى ليها انتى واخوكى

    ردحذف
  10. حصان المرجيحه
    نعمه كبيره جدا عندك حق
    بس المهم نحافظ عليها
    ربنا يقدرنا على سعادتهم

    ردحذف
  11. Heba Gamal Emara
    والله كويس انا الكلام عجبكم
    دى اقل حاجه اقدمهالها
    دمتى انتى ووالدتك بكل الخير

    ردحذف
  12. الشاعر الحزين
    منور عالم التدوين كله حمد الله على السلامه
    كان نفسى تعطينى رايك فى كلامى بس ملحوقه
    مره تانيه ان شاء الله

    ردحذف
  13. جمهوريه شومبونجو العربيه
    ميرسى على كلامك الرقيق ده يا ريس
    وانت بخير يارب ربنا يخليهم لنا يارب
    تمام اوى انه عجبك الكلام
    دمت بكل الخير

    ردحذف
  14. لولا وزهراء
    كل سنه ومامتك وامهاتنا كلنا بخير
    منورانى وربنا مليحرمنى من زيارتكم ابدا
    ميرسى اوى يا لولا

    ردحذف
  15. السلام عليكم
    كلامك تحفه ياميرو ربنا يخلى كل الامهات وكل سنه وكل الامهات بخير دائما والصوره رائعه ما شاء الله على أختياراتك
    دام قلمك ودمتى بخير وود وحب

    ردحذف
  16. السلام عليكم.....
    ميرووو حبيبتى
    معلش والله عارفه انى مقصرة فى حقك كتيرررر
    بس اعذورينى باه انتى عارفه الجهاز عندى رخم قد ايه وكل شوية يعطل

    بجد نفسى اشوفك ونتكلم كتير ليكى وحشة يابت
    ههههه
    الكلمات حلوة يا ميرو يسلم ايدك ودايما للاحسن والافضل يارب
    وكل سنة وامى وامك وامهات المسلمين بخير اجمعين يارب

    دومتى بخير
    فى رعاية الله
    shemo

    ردحذف
  17. ليله شتاء
    ميرسى حبيبتى وربنا يخليكى يارب
    كل سنه ومامتك طيبه وكل الامهات
    اتمنى دوام التواصل
    تحياتى

    ردحذف
  18. shemo
    مش معقول اخيرا والله وحشانى جدااااا
    بس كويس انى اطمنت عليكى وكمان انك حنيتى وجيتى زورتينى ههههههههه
    منورانى والله ياريت مش تتاخرى عليا تانى
    كل سنه ومامتك طيبه ياشيمو ياريت تسلميلى عليها
    بحبك والله يا بت

    ردحذف
  19. ميرو الجميلة
    كل سنة وانتى طيبة ان عرفت الرقة ديه كلها طبعا يا جميل مانت اسكندرانى ربنا يخليك تعليقك عجبنى اوى ورفع من روحى المعنوية بعد ما حد كتير دخل فى اول بوست لى وغلس على كل سنة وانتى طيبة

    ردحذف
  20. شريهان
    سعيده جدا بزيارتك وده اقل واجب اعمله معاكى لازم ارحب بيكى فى عالم التدوين الممتع اتمنى انك تلاقى راحتك فيه زيى او زينا كلنا
    ميرسى على كلامك الجميل وولايهمك من الناس الوحشه
    كل عام ومامتك وامهات المسلمين بخير

    ردحذف
  21. ربنا يخليهالك ياااااااارب ومايحرمكم من بعض

    ردحذف
  22. star in the sky
    ميرسى اوى على زيارتك وكلامك الجميل
    ربنا يخلى كل الامهات يارب
    تحياتى

    ردحذف
  23. ربنا يخليلهالك ويطول فى عمر كل امهات العالم كله

    ردحذف
  24. مش تعيم سلام وبس

    لا سرليون سلام لل ام فى مصر
    1000000000000000000000000000000

    اى خدمة

    واى ام تستق اننا نشل رليها على دماغنا لغاية لما هيا تموت

    ول سنة وانتى مان يبة ياقمر

    ردحذف
  25. سلام عليكم

    عيد الام مش يوم ده ايام وسنين ولحضاااات بعمرنا كل لحضة وكل امهات المسلمين بصحة وخير وسعادة يارب

    تسلمي ياقمر دمتي بكل الحب والخير

    تقبلي خالص تقديري

    ردحذف
  26. resalatye
    ميرسى اوى على زيارتك
    اتمنى دوام التواصل

    ردحذف
  27. الحزين
    ازيك يا محمد ؟
    كل سنه ومامتك طيبه وعندك حق فى كل كلامك
    احنا مهما عملنا مش هنقدر نوفى جميلهم
    ربنا يقدرنا على اسعادهم
    تحياتى

    ردحذف
  28. حور الجنه
    وعليكم السلام
    اهلا بيكى فى مدونتى المتواضعه وان شاء الله نكون اصدقاء
    ميرسى على كلامك الجميل

    ردحذف
  29. السلام عليكم ورحمه الله وبركاته
    الأخت الرائعه والأبنه الباره/ ميرو
    صاحبه المدونه الجميله ذات الموضوعات الرائعه
    أنشاء الله هتكونى شاعره جميله ورائعه

    موضوعاتك كلها ذات طابع خاص
    وأسم مدونتك حكايه لوحده
    الواحد لما يشوف أسم مدونتك بتفكره بأجمل أيام عمره اللى عمرها ماتتعوض تانى
    بحيكى على أختيار أسم البوست الجميل ده
    وبأذن الله هتكونى أم رائعه
    لان البنت لما تكون بالحنان ده وبتحاول رد الجميل حتى ولو بكلامات بسيطه ومن حسن خلقك الجميل أنك منستيش حق والدك عليكى وكان ليه نصيب من دعائك
    ده أذا دل عن شئ فأكيد عن حسن تربيتك وقوة ايمانك وتدينك ورقه مشاعرك

    ربنا يجعله فى ميزان حسناتك

    تقبلى مرورى الأول وليس بالأخير بأذن الله
    وانشاء الله يكون هناك تواصل مابينا

    ودى وتقديرى لأجمل أم فى المستقبل القريب

    ردحذف
  30. محمد التركى
    ميرسى اوى على كلامك الجميل ده والله بجد كتير عليا اوى وكمان اول مره تدخل مدونتى بجد انا سعيده جدا بالزياره دى وبالكلام الجميل ده
    اتمنى انى اكون فعلا زى ما حضرتك بتقول
    يارب يديم التواصل

    ردحذف
  31. السلام عليكم
    احم احم احم
    عودة الجزاااااااااااااااار
    ايه كل ده
    ايه الروعـــــة دى
    انتى جبتى ايه لماما؟؟
    طيب وانا مافيش حد هايعبرنى ولا هايجب لية ولو عربية حتى طيب موبايل
    خلاص خلاص يابخيلة مش عاوز حاجه غير انك تكونى كويسة
    انا كنت غايب بقالى كتير صح
    يلا بقى سلام
    fathy

    ردحذف
  32. السلام عليكم

    ازيك ياميرو وحشانى قووى فينك مش بتظهرى على الياهو يارب تكونى بخير
    كل سنة ووالدتك طيبة وربنا يخليهاليكى كلامك جميل ورقيق زيك
    تحياتى

    ردحذف
  33. حب الملائكه
    ازيك يا فتحى عامل ايه؟
    انت فعلا غايب بقالك كتير والله ماجبت لماما اى حاجه وكمان انا مش بخيله خالص اجيبلك هديه حاضر بس قولى عيد ميلادك امتى؟ ههههههههه
    مش تغيب تانى
    تحياتى

    ردحذف
  34. جوجو
    انتى وحشانى جدا والله يا جوجو
    انا موجوده بس انتى اكيد اللى مشغوله فى المذاكره
    ربنا يخلى مامتك انتى كمان يا جوجو
    تحياتى

    ردحذف