الجمعة، 3 فبراير 2012

يعنى ايه كلمة بحبك

عارفة نفسى اشوفك احسن واحدة فى الدنيا دى ومفيش مانع ازعل منك ما اللى يحبوا بيزعلوا عادى انتى عارفة يعنى ايه كلمة بحبك يعنى لو كان مش عاجبنى منظرك لازم بايدى قبل قلبى اغيرك صدقينى انتى حاجة تخصنى مش مستعد حبيبتى ابدا اخسرك يا حبيتى انا فرحتى من فرحتك لو مش انا اللى فى يوم ينور سكتك يا حبيبتى مين اللى يدلك على الطريق مين اللى وقت الشدة يسند خطوتك عارفة انتى جميلة اجمل واحدة شافتها عنيا قعدوا سنين يوقعوا بينا وعمرك ثانية ما هونتى عليا انتى عارفة فضلت ليه دايما بحبك علشان حبيبتى انتى كنتى مجبرة وعشان كده كنتى معايا مقصرة كل ما تحاولى يوم تتقدمى بكل قسوة يرجعوكى سنين ورا ومن الليلة دى غيرى واتغيرى يا حبيبتى عارفك قدها وهتقدرى انتى الوحيدة اللى قدرتى على السنين وبتبقى احلى كل ما تكبرى


عارفة ان كلنا زعلانين من اللى بيحصل فى بلدنا وبيحصل لاخواتنا بس لازم يكون عندنا امل لان ببساطة مينفعش نياس مفيش ياس من رحمة ربنا لازم نبدا بنفسنا ونشتغل ونحاول نبنى لحد اخر نفس فينا والله انا عمرى ما حسيت الاحساس ده قبل كده انى مش مشكلة اموت ابدا فداء للبلد دى و نفسى اموت وانا باعمل حاجة تخلى بلدى فخورة بيا ربنا يرحم اخواتنا اللى ماتوا كلهم و يجعلهم فى منزلة الشهداء و يجمعنا بهم فى الجنة ان شاء الله

بحبك بجد يا بلادى

هناك 3 تعليقات: