الخميس، 30 ديسمبر 2010

العطاء فى الحب

اخيرا وصلنا للجانب الثالث وبعد معاناه شديده ههههههه
فى الحقيقة اردت ان اتحدث عن العطاء فى الحب لانه اصل كل المشاعر... فاذا نظرنا سويا لكلمه "العطاء" سنراها تتضمن.... عطاء الحب, عطاء ايام العمر ,عطاء الاخلاص,عطاء الوفاء, عطاء المشاعر , عطاء النفس , عطاء القلب , عطاء المال ..... فمن منا حين يحب لا يشعر ولا يعطى كل ما سبق؟؟فبدون العطاء من المؤكد لا تستطيع ان تحب. ولكى نثبت ذلك تعالوا سويا نستعرض القصة التالية...
لقد احبته كثيرا ولكنها شعرت ان كل هذا الحب لم ينجح فى جعله بجانبها,ولكنها جلست قليلا مع نفسها لتقول : ما الذى قدمته ليختارنى انا ؟؟
ما الذى اعطيته كى يحبنى؟؟ وفجاه نظرت لنفسها فى المراّة وقالت: نعم انه العطاء.. وبعد ذلك بدات تعطيه الكثير والكثير من المحاضرات التى يتغيب عنها ومنحته الحنان وكانت تخاف عليه من الفشل, وبعد ذلك شعر هذا الفتى ان من يعطى كل هذا لابد وانه يوجد شىء قوى بداخله يدفعه لفعل ذلك. لكن ما هو هذا الشىء يا ترى اهو الحب؟ هل تحبنى؟ بالفعل تحبنى .... وبدات بينهم علاقة جميلة, علاقه ابدية بقيت معهما طول السنين وظلا يعطيان حتى تزوجا بعد ذلك وعاشا حياة يملؤها العطاء والحب, وهنا ايقنت الفتاة ان العطاء هو اكبر دليل على الحب. فهل يا من تحب تعطى بلا حدود؟ ام انك تعطى بقدر معين؟؟
الصراحه حبيت يكون البوست دمه خفيف وظريف وكمان القصه تبقى لذيذه ونهايتها سعيده طبعا مستنيه رايكم
وبما اننا داخلين على سنه جديده احب اتمنى امنيه نفسى بجد افضل معاكم هنا على طول لانى بحبكم جداا
ويارب يجعل السنه دى سعيده علينا كلنا وان شاء الله نحقق اللى معرفناش نحققه فى 2010 بس لازم يكون عندنا امل فى ربنا كبير ان احنا هنحقق اللى احنا بنحلم بيه
لازم كمان نقوى علاقنا بربنا اكتر من كده
اتمنالكم السعاده من كل قلبى و Happy New Year
اسوا شىء هبدا بيه السنه الجديدة الامتحانات ادعولى ارجوكم
وسنه سعيدة عليكم
الى اللقاء فى الجانب الرابع

هناك 24 تعليقًا:

  1. فى امنية مهمه جدا نسيت اقول عليها
    ان الاهلى يغلب الزمالك انهاردة
    قولوا اااااااامين
    هههههههههه

    ردحذف
  2. ميرووووا
    كل سنة وانتى طيبه
    عام سعيد عليكى ان شاء الله
    شيدى حيلك فى المذكره
    ربنا الموفق يارب

    البوست كله حب فى حب
    الحب ماهو الا عطاء دائم

    *****

    ردحذف
  3. كل سنة و انتي طيبة

    ردحذف
  4. كل سنة وانتم بخير وسعادة وحب ... العطاء في الحب ليس وحده من يبنيه

    لولا

    ردحذف
  5. السلامو عليكم ورحمه الله

    أميرتى الجميله
    العطاء فى الحب
    الله الله

    ياعنى ياميرو البت اتجوزت وعاشت حياه سعيده بسبب كام محاضره فاتت الواد هى ادتهملو وشرحتهم ليه
    ياترى مين اللى جاب تقدير اكتر اكيد هو
    حلو نوع العطاء ده
    ههههههههههههههههههه
    بنات شطره عرفت تتجوز بشويه حبر على ورق
    ههههههههه

    بهرج بهرج طبعآ أوعى تزعلى
    ههههههه

    بوست جميل ورائع ولذيذ
    بجد العطاء شئ جميل
    مينفعش الحب لوحده
    بس علشان ينجح الحب لزمه شويه مساعدات
    منهم العطاء المتبادل من الجنبين
    وممكن عطائى يكون عدم اننيتى فى انى ممكن ابعد عن حب حبيته لو قربى منه هيخسره
    ممكن

    الانسان دون امل كـ نبات دون ماء
    ودون ابتسامة كـ وردة دون رائحة
    ودون حب كـ غابة احترق شجرها
    ودون عطــــاء كـ وحش في قطيع لا يرحم‬

    لزم ندى قبل ما نسأل هناخد ايه
    هقولك أنا بقى على قصه تعلم قمه العطاء اللى لا يمكن حد يعمله الا لما يكون بيحب لدرجه الجنون

    فى أحدى الأيام سألت فتاة حبيبها
    لو موت ماذا ستشعر؟
    فأجابها مازحاً
    سأكون سعيد
    بعد ذلك اليوم استيقظ الشاب وقد وجد حبيبته ميته و بجانبهارسالة
    وقد كتبت له
    لقد أحببتك وأخلصت فى حبك ومن شده حبى لك وأخلاصى
    وصلت الى درجه عاليه من العطاء
    فلانى بحبك سأفعل اي شي لكي تبقى سعيد


    أنتحرت علشان كان بيهزر معاها وبيقوله هبقى فرحان لو متى
    يالهووووى
    يخرب بيت الجنون
    هههههههههه

    أدى الحب والعطاء ياستى

    بجد بجد بجد
    بوست روعه ياميرو بجد
    ربنا يارب يوفقك ويجعل 2011 سنه سعيده عليكى يارب
    وعلينا
    ويجعلها كلها سعاده وفرح
    ويبعد عنا الحزن يارب

    ربنا معاكى فى الامتحانات
    بس ذاكرى انتى بس
    ههههههههه
    بطلى نوووم
    وانتى هتنجحى وتجيب اعلى التقديرات

    تقبلى تحياتى سيدتى الاميره
    ولكى من كل الحب والامتنان

    محمـــد التركـــى

    ردحذف
  6. الحب الجميل
    كل سنه وانتى طيبه يا اجمل حب
    يلا بقى دعواتكم معايا محتجاها اوى اليومين دول
    تحياتى ليكى
    ربنا يديم التواصل

    ردحذف
  7. يوميات شحات
    وانت بالف صحه وسعاده

    ردحذف
  8. لولا وزهراء
    وانتى طيبه يا لولا
    ربنا يجعلها سنه سعيده علينا كلنا
    تقبلى تحياتى

    ردحذف
  9. محمد التركى
    وعليكم السلام ورحمه الله وبركاته
    الصراحه يا محمد انا مش عارفه ارد على التعليق
    التعليق اجمد من البوست اصلا ههههه
    على العموم القصه اللى انت ذكرتها جميله جدا ومؤثرة
    هى فعلا انسانه مجنونة بالحب بس انا الصراحه مش معاها خالص
    الانسان ممكن يعطى لحبيبه اى شىء فى الدنيا يمتلكه اما النفس فهى ملك خالقنا فقط
    كل عام وانت بخير يا محمد
    ان شاء الله السنه الجايه تحقق كل اللى تتمناه
    انا هاعمل بنصيحتك واذاكر و هابطل نوم حاضر
    اكبر تحيه لاطيب قلب
    دمت بكل الخير

    ردحذف
  10. ميررررو هااابى نيو ير يا قمر
    معلش مقصر فى حق المدونه انا اسف علشان مش باجى ازروك بس ظروف الشغل بقى وانتى فامه
    كل سنه وانتى طيبه وسنه سعيده عليكى يارب
    وميحرمكيش منى ابدا :D
    قوليلى بقى
    مالاقيش عندكـ عطاء يكون لونه كحلى غامق مقاس 31
    :D

    ردحذف
  11. السلام عليكم
    ازيك ياميرو
    فكرتك جميلة اكيد المحب لازم يعطى بلا حدود
    كل سنة وانتى طيبة
    ربنا معاكى فى امتحاناتك
    دومتى بخير

    ردحذف
  12. يا اهلا يا اهلا كل سنه وانتى طيبه يارب يجعلها سنه جميله علينا كلنا
    من اهم جوانب العطاء ف الحب الحب من طرف واحد هو صحيح عذاب بس حب بيدى وعمره ما استنى رد العطاء بيعطى بدون اى حدود بس صعوبته شديده

    ردحذف
  13. كل سنة وانتى بخير يا ميرووووو


    الحب عطاء ده اكيد


    لكن للاسف بقى فى ناس بتاخد وبس


    وردة لعيونك حبيبتى

    ردحذف
  14. السلام عليكم.....



    كل سنة وانت ى طيبة يا ميروووووو


    وحشانى مووووووت يابت


    فى رعاية الله
    دومتى بخير
    shemo

    ردحذف
  15. الصراحة دى اْول مرة ازور مدونتك بس الصراحة فتحتى نفسى على الحب وكل سنة واْنتى قلبك ملىْ بالحب
    متنسيش تزورى مدونتى المتواضعة ومتنسيش التعليق
    اخوكى المحب
    محمود المصرى

    ردحذف
  16. سولو
    سنه سعيده علينا ان شاء الله
    مع انه مش باين خالص انها هتبقى سعيده
    وعذراك طبعا عارفه ان الشغل عامل عمايله
    ربنا معاك
    على فكرة معنديش مقاسات للعطاء هههههههههه
    يارب دايما منورنى

    ردحذف
  17. ملك روحى
    وعليكم السلام ورحمه الله وبركاته
    ميرسى على تعليقك ودعوتك
    ربنا يسعد ايامك يارب
    دمتى بكل خير

    ردحذف
  18. romansy
    فعلا يا رومنسى اكبر انواع العطاء بيظهر فى الحب من طرف واحد
    كل عام وانت بخير
    ياريت متغيبش عليا كده تانى
    ربنا يديم التواصل

    ردحذف
  19. Ms Venus
    وانتى بخير يا فينوس
    والله ضاعت الفرحه بالسنه الجديده خالص
    واكيد كلنا عارفين السبب
    تحياتى

    ردحذف
  20. شيمو
    كل سنه وانتى طيبة
    بس والله يا شيمو انا زعلانه اوى من اللى حصل
    اول السنه تكون حالتنا كده
    ربنا على الظالم
    تحياتى

    ردحذف
  21. محمود المصرى
    منورنى وعارفه طبعا انك اول مرة تزورنى
    اتشرفت بزيارتك
    يارب دايما نفسك تبقى مفتوحه على الحب
    بس خدها منى نصيحه خلى بالك من الحب
    هازورك طبعا اكيد
    تحياتى

    ردحذف
  22. الحب شيئ جميل بين شخصين وهو عبارة عن اتحاد روحين بجسد واحد وينتهي الحب بربح وخسارة مهما كان العطاء موجود فهل نحن لحاجة شيئ من الطرف الاخر ليحبنا؟؟؟؟

    ردحذف
  23. لا تحب من تحب ولكن حب من احبك

    ردحذف
  24. الحب شى لا يمكن يتوصف بكلام والعطاء فى الحب شى صعب يتقال بس الى انا اعرفه ان الى يحب لازم يضحى والتضحيه هى العطاء

    ردحذف