الأحد، 2 يناير، 2011

عزاء واجب


"من قتل نفسا بغير نفس او فساد فى الارض , فكانما قتل النس جميعا , ومن احياها فكانما احيا الناس جميعا" صدق الله العظيم
يؤسفنى جدا ما حدث ليله راس السنه وكلنا نودع السنه القديمه ونستقبل سنه جديده
اكيد كلنا وقتها كنا بندعى تكون السنه الجديده سنه سعيده علينا كلنا بس الواقع طلع غير كده خالص
مش هاقدر اقول غير منهم لله اللى عملوا فينا كده عايزين يشعلوا النار بيننا
بس احنا لازم نصحى ونعرف مين اللى ورا ده كله مش لازم نعطيهم فرصه
بجد انا حزينه للغاية وحاسه كمان ان مفيش امان فى الدنيا خالص
طول عمرنا عايشين مسلمين ومسيحين مع بعض مش لاقين غير مصر ويعملوا فينا كده
لانهم شايفين مدى الحب والموده بينا محدش ابدا يعرف يفرقنا عن بعض
وعمرنا ما نشوف فى اى مكان فى الدنيا كنيسه قدامها جامع غير هنا فى مصر
طول عمرنا اخوة وسنظل اخوه دائما رغم انف الحاقدين
وفى النهايه ادعو الى كل من مات فى هذا الحادث سواء اكان مسيحىا او مسلما
ربنا يرحمهم ويغفر لهم ويسامحهم

هناك تعليقان (2):

  1. اميره

    وحشتينى
    معلش انا اسف انى متأخر فى التعليق
    انتى عارفه اللى الواحد فيهوارجوكى سامحينى معلش
    انا كانت حالتى صعبه قوووى
    لما تفقدى حد غالى قوووى
    ومن غير سبب
    انا حاسس انى هموت وراه
    زعلى مخلينى مش قارد اشتغل ولا اكلم حد

    ربنا يصبر اهله
    ويصبرنى على فراقه
    ويصبر كل اخواتنا المسحيين
    اللهم اخواتنا وبنحبهم والله بنحبهم

    ربنا ميرضاش بالظلم
    لان ربنا رحيم بخلقه

    الله محبه

    ياريت نقدر نفهم اننا واحد

    تقبلى مرورى وسامحينى على التاخير

    محمد التركى

    ردحذف
  2. صحيح نسيت اسالك عامله ايه فى الامتحانات
    ربنا معاكى ياقلبى

    ابقى طمنينى عليكى

    ردحذف