الخميس، 11 مارس 2010

مش هو


مش هو اللى كان بيسابق ضله اللى كان هيموت واكون له كان بيحلم بيا سنين
مش هو اللى كان همه فى الدنيا ان احس هواه لو ثانيه وكانت تملى دموعه العين
مش هو اللى بعد كتير حنيت له ولما شافنى ضعفت وجيت له سابنى وراح مع ناس تانين
مش هو اللى بعد العمر ده كله بعد ما عاشت روحى فى ضله داس على قلبى فى غمضه عين
انا مش زعلانه انه اتهرب انا بس حزينه وباستغرب مثل دوره بجد ازاى ومابنش عليه
كان لازم يفهم من الاول ان الفيلم ده مش هيطول واللى يبص لبره فى مره خاين بعنيه
مش هو اللى اوهب له نفسى وحبى اللى اعيش له وادوس على قلبى يفرح قلبه وقلبى حزين
مش هو اللى بعد ما بان على اصله ينفع اضيع عمرى فى وصله وهو زى كتير خاينين
مش هو اللى اديله تانى الفرصه واسمح له يرسم بكره وهو فى قلبى مالهوش حنين
مش هو اللى نفسى وباحلم بيه اللى اعيش واموت وارضيه مسيرى الاقى طريقه منين
انا مش ندمانه على الفرقه ابدا بالعكس بقيت اقوى طول مالقلب بيعرف ينبض هيخاف ليه؟
كان لازم افهم من الاول ان الفيلم ده مش هيطول واللى يبص لبره فى مره راحت عليه
طبعا ده مش كلامى دى كلمات اغنيه سمعتها بس اعجبت بيها جدا وباحساس البنت اللى بتغنيها قولت اكتبها هنا علشان اخد رايكم فيها ممكن تكونوا سمعتوها وكمان حبيت ابين اد ايه احساس الخيانه صعب جدا على المراه؟ واد ايه بتبقى مجروحه جدا ومع ذلك ممكن تكون اقوى واحسن وتكمل حياتها مع العلم بانى مش بمر بهذه المرحله حاليا اتمنى الا تمر هذه المرحله على كل البنات والسيدات لانه احساس بجد صعب ربنا يهدى الرجال بس قولوا امييييييييين

هناك 39 تعليقًا:

  1. دى تقريبا اغنيه امنيه سليمان لو لما تخونى الذاكره بس بجد اغنيه تحفه وروعه واختاريك انتى كمان روعه لانها فعلا اغنيه جامده جدا ميرسى على اختيارك الاغنيه دى

    ويا رب متكونيش زعلانه منى عشان اتاخرت كتير فى الرد على البوست والكومنتس بتاعتك بس غصب عنى

    ويا رب مبقاش ضيف تقيل ومن قلبى انتى عارفه انى بتمنلك كل خير وسعاده وصحه وتوفيق وفرح وابتسامه تدوم يا رب طول العمر انتى وكل البلوجر

    ردحذف
  2. amirelhob
    عموره واحشنى جدا والله كنت فين؟
    ايه الغيبه الطويله دى؟ ممتاز انك عارف الاغنيه
    كويس انها عجبتك
    انت صديق عزيز جدا على قلببى وخفيف كمان
    مش تقول الكلام ده تانى الحمد لله ان اطمنت عليك
    دمت بكل الخير

    ردحذف
  3. انا مش زعلانه انه اتهرب انا بس حزينه وباستغرب مثل دوره بجد ازاى ومابنش عليه



    جميلة كلمات الاغنية يسلم اختيارك يا بنوتى ياقمراية يالى وحشانى عالطول اخبارك ايه طمنينى

    الخيانة اصعب شىء وبالذات لما بتكون من حد بتحبيه اوى وفجأة تلاقى طعنة غدر منه
    ربنا ما يكتب على حد الشعور ده
    ربنا يوفقك ياقمر
    اموواه

    ردحذف
  4. مى
    ميوى حبيبتى وحشانى موت والله
    انا كويسه والله يا ميوى بس الدراسه هى اللى وخدانى شويه عارفه انى باتاخر كتير بس غصب عنى
    ربنا يتقبل دعاءك
    بحبك اوى والله
    تحياتى يا اجمل مى فى الدنيا

    ردحذف
  5. ميرووووووووووووووو

    اولا احنا مش ممكن نقدر على زعلك ابدا ابدا
    بس والله المدونه بتاعتك تاهت مننا فى الزحمه
    بجد اسفه جدا جدا بالاصاله عن نفسى وبالنيابه عن لولا كمان

    زهراء

    ردحذف
  6. بصى بقى بالنسبه للاغنيه هى فعلا من غناء امنيه سليمان


    ميرووووووووووووو

    الاغنيه عشتها بكل تفاصيلها
    فعلا فى نوع من الرجال كده اول ما يمتلك قلب ومشاعر الانثى تلاقى يتقلب ويبعد بس للاسف نوع ده بيالف ويمثل كمان وبيعرف يلعب على اوتار المشاعر كويس اوى

    عمرى ما اتمنى ان حد يمر بالتجربه دى
    لانها بجد من اصعب التجارب اللى ممكن الواحد يمر بها فى حياته


    ميرووووووووووووو اوعى تزعلى وفى انتظار زياره تانيه منك علشان اعرف انك مش زعلان

    زهراء

    ردحذف
  7. اغنيه جميله قوى للمطربه امينه سليمان
    وبعدين دلوقتى الرجاله وحشين
    على العموم مننكرش انه فيه نوعيات ونوعيات
    زى ما فيه برضه فى الستات نوعيات نوعيات ودا بقى بيرتبط بالاختيار

    ردحذف
  8. هوا طبعا انا تعليقى على الأغنيه هايبقى مجروح لأنى انا اللى كاتبها:))
    عموما مبسوط انها عجبتك واللى بتغنيها امنيه سليمان على فكرة

    ردحذف
  9. لولا وزهراء
    منورانى طبعا وانا كمان مش اقدر ازعل منكم ابدا ابدا لانى بحبكم بجد واللى بيحب بيسامح
    سعيده ان الاغنيه نالت اعجابك يا فنانه
    طبعا احساس الخيانه صعب جدا
    بحبكم جدااااا

    ردحذف
  10. romansy
    ايه النو ده كله؟
    مش مصدقه عنيا بجد انا باحلم ولا ايه؟
    طبعا رايك يحترم وعلى عينى وراسى واكيد عندك حق وانا مقتنعه بس انا باتكلم عن نفسى وانا من النوعيه الكويسه من البنات ههههههههه
    تحياتى ويارب دايما منورنى

    ردحذف
  11. blue_wave
    منورنى بجد يا دكتور فينك من زمان؟
    والله انا عارفه انها لامنيه سليمان بس معرفش انها من كلماتك بس على العموم ليا الشرف انى انا كتبتها هنا
    دمت بالخير

    ردحذف
  12. السلام عليكم
    ************
    الاغنيه حلوه أوى وكلماتها رائعه وهى أصلا صوتها فيه أحساس وقوه رائعه

    سلمت أناملك حبيبتى

    ردحذف
  13. أسفه حبيبتى بس أنا ليا طلب لو ممكن
    أتمنى أنك تلغى تدقيق الكلمات فى كتابه التعليق
    شكرااا

    ردحذف
  14. ليله شتاء
    ميرسى على زيارتك ليا هى صراحه الاغنيه عجبتنى جدا وصوتها تحفه فيها وفكرتها عجبتنى علشان كده انا كتبتها هنا
    طلباتك على عينى وراسى والله بس انا مش عارفه مش انا اللى عملاها علشان كده مش عارفه الغيها سامحينى والله فى ناس كتير طلبت منى الطلب ده بس مش عارفه اعمل ايه؟ لو حد يقدر يساعدنى يبقى متشكرين

    ردحذف
  15. ربنا يحفظك ويحفظ كل البنات يارب محدش يحس الاحساسده لانه احساس اقل ما يقال عنه صعب ومر
    لـــولا

    ردحذف
  16. "مع العلم بانى مش بمر بهذه المرحله حاليا اتمنى الا تمر هذه المرحله على كل البنات والسيدات لانه احساس بجد صعب"

    مممممممممم.....(';')
    توقفت امام الجملة دي وسرحت شويتين كالمعتاد وافكاري وصلتني اني ها اكتب بوست عن اللي حسيته من الكلمة دي..بس مش عارف ها انشره امتى..

    اه..على فكرة..
    الاحساس بالخيانة احساس ممكن اي حد يمر بيه..بس مش اي حد ها يعرف يخرج معناه بالشكل ده.

    ردحذف
  17. " اتمنى الا تمر هذه المرحله على كل البنات والسيدات"

    اتمنى الا تمر هذه المرحلة على اي انسان رجل كان او امراة.

    ردحذف
  18. السلام عليكم
    عودة الجزااااااااار
    ازيك شو اخبارك عاملة اية ؟؟؟
    طمنينى عليكى ؟
    ايه يابنتى الحلاوة والجمال والاحساس والشعور الرائع ده مين اللى اختار الاغنية دى ؟
    جميل جدا اختيار
    كفاية كده
    صح
    عارف
    من غير مطرود
    يلا سلام
    fathi

    ردحذف
  19. إختيار راقي وكلمات حساسة يسلمو الأيادي

    ننتظر التواصل دمتم بخير

    ردحذف
  20. حلوووووووووووة كتير و فعلا الخاين بعينة قبل ما يكون خاين بحاجة تانية
    بجد بجد اى ولد هيدخل هيقول نفس الى بقولة بس ف الحلم هههههههههههههههههه

    ردحذف
  21. حلوة اوووووووووووووووووووووووووووووى ياميروووووووووو انا بحبها اوى الاغنيه دى تحياتى

    ردحذف
  22. جيتى على الجرح


    مش بقولك طول عمرك مبدعة اه والله

    بج والله تسلم اديكى

    بس قليلى مين هو اللى يخدع قمر زيك


    هو فيه حد يطول انو بس يتكلم معاكى

    عموما اللى يحبك ويسيبك والله والله هو اللى خسران

    دومتى بكل الخير

    ردحذف
  23. حبيت اطمن

    على الحب الاول


    واترك السلام


    للناس الماس

    ردحذف
  24. ميرووووووووو النيرووووووو كوانيرووووووو

    سورى بجد انى جيت متأخر

    اسف وااله غصب عنى

    بس بجد اغنيه جممييييييييييييله جدا جدا

    تسلم ايدك بجد

    وانا حاجذ معاكى البوست اللى جاى
    علشان مش تزعلى منى

    فى رعايه الله
    وديما منورة ومتألقه

    رئيس الجمهوريه

    ردحذف
  25. يادي الاغان اللي جايبانا ورا
    انتو عايزين راجل من الصين يعمل اللي انتو عايزينه
    هههههههههههه

    ردحذف
  26. ميروووووووووووووووووووووو
    انا جيت
    تاتاتاتاتاتا

    انا بعتذر طبعا عن التاخير
    بس والله كنت تعبانه حبتين

    والنبى حلوة الاغنيه
    وكلماتها جميله
    ومؤثرة فعلا
    واختيار جميل

    تقبلى مرورى

    ردحذف
  27. لولا وزهراء
    بجد منورانى جدا يا لولا
    ربنا مايحرمنى ابدا من زيارتكم
    دمتن بكل الخير

    ردحذف
  28. Timo
    منورنى يا تيمو وميرسى على زيارتك
    انا مستنيه البوست اللى هتتكلم فيه
    عن احساسك من الجمله دى وسعيده جدا انها عجبتك
    ربنا يديم عليك السعاده

    ردحذف
  29. حب الملائكه
    ياااااه حمد الله على سلامتك بجد وحشنى تعليقك
    ربنا مايحرمنى من تعليقك يارب وعمرى ماهزهق منك ابدا اتكلم براحتك على الاخر
    وميرسى على كلامك الجميل اطمن انا كويسه الحمد لله
    دمت بكل الخير

    ردحذف
  30. Prince_Palestine
    منوراو منوره مدونتى المتواضعه
    ميرسى على زيارتك وكلامك الرقيق
    اتمنى التواصل

    ردحذف
  31. MeGltNa 3mr wa2el
    والله عسل يا عمور وعندك حق
    انتم عمركم ما هتتفقوا معانا خالص
    بس مش مشكله منقدرش نستغنى باردو ههههه
    تحياتى

    ردحذف
  32. silent girl
    منورانى حبيتى وميرسى على كلامك
    وبجد سعيده انها عجبتكم
    تحياتى

    ردحذف
  33. الحزين
    ميرسى على كلامك الرقيق جدا يا محمد
    بس انا قولت انى مش بامر بهذه المرحله
    يعنى حبيبى مخلص للغايه ربنا يهديه
    تحياتى ليك

    ردحذف
  34. حلم
    ميرسى اوى على كلامك اطمن اوى
    الحب الاول تمام ونفسه تزوره على طول
    دمت بكل الخير

    ردحذف
  35. جمهوريه شومبونجو العربيه
    اولا انا عذراك ثانيا عمرى ماهازعل
    منك وكمان يشرفنى انى اعمل البوست الجاى معاك
    تحياتى

    ردحذف
  36. حصان المرجيحه
    عندك حق والله هو ده اللى ناقص
    لما الرجاله تخلص من مصر هنستورد
    من الصين ههههههههه
    تحياتى لك ولخفه دمك

    ردحذف
  37. Heba Gmal Emara
    الف سلامه عليكى يا هبه
    ولايهمك خالص المهم انك بخير
    كويس ان اختيارى عجبك
    يارب دايما

    ردحذف
  38. سلام عليكم
    عودة الجزااااااااااااار
    شواخبارك ؟
    انا جاى اطمن بس
    ههههههههههه
    يلا سلام
    fathi

    ردحذف
  39. حب الملائكه
    ايه ده بس مش مصدقه عنيا هو انا باحلم ولا ايه؟
    تعلق عندى مرتين لا بجد مش مصدقه
    بس سعيده جداااااا
    يارب دايما منورنى

    ردحذف