الاثنين، 1 مارس 2010

اربعه احرف


وانا اسمع صوته ينقلب احساسى من لهفه لاتصاله وسماع صوته الى احساس لااعرفه لحظه السلام والكلمه الاولى يرحب عقلى بالنسيان لكل ما خباته وارى نفسى ابحث عن كلمه واحده عن حرف لاجمعه مع الاخر لتصبح جمله. تدور بى الدنيا ثم ارسو على حرف او حرفين واسافر الى بحور الكلام واتخبط بامواجه واصطاد منه العبارات وكل ما افعله هو سفرى وترحالى فى دنيا الكلام
اعود واصطاد تلك الكلمه *احبك* لانها اجمل هذه العبارات اسهل واصعب احساس فى نفس الوقت تنتهى اول جمله او اول كلمه واعود الى البحث مرة اخرى
قبل التحدث معه اكون خبيره بكلام العاشقين والحن كلماتى له وافردها امامى وابحث بها جيدا واصبح افضل الشعراء والملقين واغردها كعصفوره حزينه لكن اااه ما ذلك السحر؟ ما الذى يحدث لى عندما يقول الوو ازيك؟؟؟
انا متاكده ان هناك شيئا فى صوته ولكن الغريب ان هذا السحر يقف عاجزا امام اربعه احرف*احبك* واحس بهذه الاحرف انى اقوى امراه فى العالم وابدا الكلام بها وانتهى بها وهى كلام لوحدها
ترى هل يفهمنى؟ هو لايسمعها لانها كلمه بداخلى ولكنه الوحيد الذى يستطيع ان يخرجها اربعه احرف *احبك*

هناك 27 تعليقًا:

  1. لو كان فهمك فعلا والأهم انه هو يكون بيحبك أكيد هيوصل له كل حاجه جواكى انتى عايزة تقوليها له


    دى اول مرة اجى هنا مدونتك وحقيقى كتاباتك عجبتنى جدا جدا

    واتمنى انك تنورينى عندى
    هستناكى :):):)

    ردحذف
  2. Heba Gmal Emara
    نورتينى حبيبتى
    مبروك اول تعليق يارب يديم التواصل
    حاجه تسعدنى طبعا لما ازورك
    اكيد من غير كلام هازورك
    دائما يارب منورانى

    ردحذف
  3. ميرووو النيرووو كوانيرووو

    كلامك جميل على فكرة

    بس لازم هو كمان يتحرك
    علشان يكون فى طرابط بين الاتنين

    دايما فى تألق

    تحياتى ليكى

    فى رعايه الله

    رئيس الجمهوريه

    ردحذف
  4. و لايسمعها لانها كلمه بداخلى ولكنه الوحيد الذى يستطيع ان يخرجها اربعه احرف *احبك*
    الله عليكى يا بنوتى الكلام طالع منك يجنن وليد الاحساس فعلا
    تسلم ايدك طول ما انتى بتكتبى كده بتعلمينا يعنى ايه حب

    ردحذف
  5. جمهوريه شومبونجو العربيه
    ميرسى على كلامك يا ريس ده شرف ليا
    ان البوست عجبك بس على فكره فى ترابط
    وكل حاجه بس هو وهى بيتكسفوا بيستحوا
    يعنى ههههههههههه
    تحياتى ليك

    ردحذف
  6. مى
    ميوى حبيبتى منورانى بجد والله
    احنا نيجى جمب كلامك باردو ده انتى الاستاذه
    والله انا على قدى
    تسلميلى حبيبتى

    ردحذف
  7. الله على الكلام الحلو كلامك بيدخل القلب على طووووووووووول تحياتى

    ردحذف
  8. سرعان ما يتبدل الحال عندما اسمع همسات صوته و تقع كشعاع يترج الى احساس الحب و العشق عندما اشعر بقربة و نبضات قلبة تدر شفرات تترجم ف لغة الاشارات و لذبذبات بالحب المتيم
    ربنا يزيدك يا بنتي

    ردحذف
  9. حلو كلامك اوووى يا حبيبتى
    الي بيحب حد فعلا بيفهمه من غير ما يتكلم بيحس بيه
    من نظره عنيه من نبره صوته
    بيحس بحبه من غير ما يضطره انه يقوله بحبك
    ربنا يسعدك يارب ويهنيكى

    ردحذف
  10. ايه الكلام الجامد جدا ده
    قلبى هيقف يا ناااس :D
    -----------------
    هذا السحر يقف عاجزا امام اربعه احرف*احبك*
    احبك ولا بفتيك ????? سؤال يطرح نفسه برده :)
    تقبلى مرورى لمدونتك مرهفه الاحساس الجميله
    وربنا يديم المحبه والموده

    ردحذف
  11. شكرا لزيارتك مدونتي

    كلماتك تحمل الكثير من المشاعر

    وبما انها مشاعر فان القلب من يقراها وليس العقل فلقلب ينطق احرفك والعقل يعطي الاشارة للسان لينطق بها ولكنها تظل في حاله انتظار حتي تسمعها

    كلمات جميله
    دمتي بخير

    ردحذف
  12. silent girl
    ميرسى على زيارتك
    منورانى بجد ده انتى اللى كلامك زى العسل
    اتمنى دوام التواصل

    ردحذف
  13. MeGltNa
    كلامك جميل جدا
    منوره مدونتى المتواضعه وميرسى اوى على الدعاء الجميل ده
    اتمنى تزورينى على طول

    ردحذف
  14. اميره الاحلام
    حبيبتى اميره الاحلام
    كلامك صحيح مائه بالمائه بس الكلمه مهمه باردو يعنى لها اثر كبير على النفس
    تحياتى

    ردحذف
  15. QLp 7azen
    بجد انت خفيف الظل ودمك زى العسل
    منورنى بجد والله هتخلى المدونه لها طابع خاص
    بس زورنى على طول وبالنسبه للسؤال اللى بيطرح نفسه
    الاجابه واضحه طبعا
    تقبلت مرورك ومنورنى كمان

    ردحذف
  16. حرروف
    ميرسى ليكى انتى انك رديتى الزياره
    شكرا على ذوقك واختيارك للكلمات الجميله
    دمتى بالخير محبوبتى

    ردحذف
  17. بجد كلام رقيييييق
    و اللي عاجبني انه مختصر
    تسلم ايدك

    ردحذف
  18. السلام عليكم
    الله الله ياميروووووووووو ربنا يديم أيامك كلها بحب
    دام قلمك واحساسك الرائع
    تحيااااتى

    ردحذف
  19. حصان المرجيحه
    ميرسى على كلامك الرقيق
    وزيارتك الجميله دى طبعا
    دمت بكل الخير

    ردحذف
  20. حصان المرجيحه
    ميرسى على كلامك الرقيق
    وزيارتك الجميله طبعا
    دمت بكل الخير

    ردحذف
  21. ليله الشتاء
    وعليكم السلام
    جميل اووى الدعاء ده
    ربنا يديم الحب والتواصل بيننا
    تحياتى

    ردحذف
  22. داخل ومكسوف منك بس اعمل ايه لينك مدونتك مش بيظهر عندى
    انا مقدرش ازعل منك
    ابدا
    وبعدين بقى انتى غلبتينى
    برافوا عليكى

    ردحذف
  23. ميروووووووو

    أولا بجد ومتشكر ومش عارف اقول ايه بجد والله

    ثانيا

    فعلا بيقوله البعد بيعرف مين بيحب مين ومين بيعز مين


    وانا دلوقت عرفت مين من الناس بيحبنى

    وسأل عنى


    انتى بقى فى جنب تانىت خالص كمان غير الناس دى كمان


    والله بجد ومتشكر ومش عارف أقولك ايه

    ربنا يارب ما يحرمنى من سؤالك عليا


    وانا أسف انى مش طمنتك عليا

    ويارب ديما تكونى فى احسن حالة


    اما مواضيعك انتى عارفة رأيى

    دومتى يارب بخير وسعادة

    ردحذف
  24. عمرو وائل هو مجلتنا
    منورة بصحابها يا ميرووووووووووووووووووووو

    ردحذف
  25. romansy
    ايه اللى مش بيخلى اللينك يظهر مش عارفه منه لله بس بجد نورتنى بعد غياب طويل بس مسمحاك يلا المسامح كريم باردو
    وحشتنى تعليقاتك
    ياريت مش تنسانى وتزورنى على طول
    زيارتك تسعدنى كثيرا

    ردحذف
  26. الحزين
    ميرسى على كلامك الجميل
    ده الطبيعى اكيد انت صديق عزيز لينا كلنا ولازم لما تغيب فتره نطمن عليك ده واجب عليا معملتش اكتر من اللى مفروض اعمله يعنى ده اقل واجب كمان
    الحمد لله انك رجعت بالسلامه وطمنتنا عليك
    دمت بكل الخير

    ردحذف
  27. megltna 3mr wa2el
    سورى يا عمور كنت فاكراك بنوته علشان كده علقت بصيغه البنت انا اسفه مكنتش اعرف انك انت
    طبعا انت اللى منورنى
    تحياتى

    ردحذف