الثلاثاء، 27 مارس، 2012

اشتياق+اعتذار

بجد انا جاية و مكسوفة اوى من مدونتى ومنكم بس بجد وحشتووووونى جدا وعارفة انى مقصرة فى حقكم وحقها
اكيد لما تعرفوا انا غبت عليكم كل ده ليه هتعذرونى

كان نفسى بجد انكم اول ناس تعرفوا انى اتخطبت عقبالكم كلكم (ده طبعا اللى لسة مخطبش واللى لسة متخطبتش مش عايزين غش هههههه)

كان نفسى تشاركونى فرحتى و ارتباكى فى نفس الوقت لانكم اكتر ناس باحس معاهم بالراحة بس سامحونى ارجوكم

كان نفسى كمان انزل اكتر من بوست الفترة اللى فاتت لكنى كنت مشغولة فى التحضير للخطوبة (الفستان والميك اب وكده بقى )

كنت عايزة اكتب كلمات فى حب امى واقولها كل سنة وانتى بخير وغصب عنى انى هابعد عنك بس هيكون قلبى معاكى كنت عايزة اقولها انى بحبها وعمرى ما هنساها ولا هاغيب عنها حتى ولو بالتليفون

امى قد تبعدنا المسافات لكنك ستظلى قريبة من قلبى الى الابد و ستظلى فى نفس المنزلة العليا يا نور عينى
اصدقائى اللى منورين البلوجر ومنورين حياتى هاحاول اكون معكم دائما حتى بعد الزواج اللى هيكون بعد فترة قريبة ॥ محتاجة دعواتكم

اخواتى يا روح قلبى انتم اغلى الناس عندى محدش يقدر ياخد مكانكم فى قلبى
الى حبى الاول لم يساعدنا القدر بوجودى بجانبك ووجودك بجانبى ستظل ذكرى جميلة بالرغم من جرحك ليا واتمنى لك كل الخير
خطيبى العزيز ربنا يسعدنا مع بعض واكون دايما عند حسن ظنك ونبنى سويا بيت على طاعة الله , و سانسى معك كل ما مضى من جرح
ابى جعلتك فى اخر المذكورين حتى تكون حسن الختام لن انسى نظرتك عندما رايتنى مع خطيبى و دمعة عينيك و احساسك بانى قد اخذت منك ,ستظلوا فى قلبى دائما
باعتذر لكم عن عدم ترتيب الكلمات فلم احضر لاى كلمة من هذه الكلمات , تركت قلبى يتحدث معكم
من القلب للقلب اقول لكم من كل قلبى احبكم يا اغلى الناس

هناك 15 تعليقًا:

  1. الف مبروك
    وان شاء الله تتعوض في الفرح ونباركلك قبلها
    تحياتي

    ردحذف
  2. الف مبرروك عليكي ياربي وان شاء الله تتهني وتفرحي ..
    تقبلى تحياتى ياقمر
    نور

    ردحذف
  3. Mohamed Amer
    الله يبارك فيك
    ميرسى اوى ليك

    ردحذف
  4. نور القمر
    منورة مدونتى
    الله يبارك فيكى
    ربنا يديم التواصل

    ردحذف
  5. الف الف مبروك وربنا يسعد ايامك ويوفقك ان شاء الله

    ردحذف
  6. ألف مليووون مبروك وآعبااال الفرحه الكبيره يارب
    مع انك معزمتنيش وشكلك كنتى بتوفرى ف الجاتوه بس وانبى فرحانلك
    وويلكموا للعودا
    ومتحرميناش جديدك
    اها فكرتينى ف الفرح ان شاء الله انا اول المعزووومين . علشان نبقى متفقين بس :)

    ردحذف
  7. الف مبروك يا جميله
    وربنا يتمملك على خير يارب :)

    ردحذف
  8. مساء الخير سيدتي

    وألف مبروك ومدونة رائعة وجميلة

    دمتم بكل ود

    ردحذف
  9. كلام من قلبى
    الله يبارك فيكى يارب
    ربنا يخليكى حبيبتى

    ردحذف
  10. uncle sam
    الله يبارك فيك يارب
    سامحنى المرة دى بقى جت بسرعة متعوضة فى الفرح ان شاء الله
    عقبال عندك

    ردحذف
  11. Bent men ElZman Da
    منورة مدونتى المتواضعة
    يسعدنى وجودك
    يارب دايما فى تواصل

    ردحذف
  12. د.ريان
    مساء النور
    الله يبارك فى حضرتك
    مدونتى زادت جمال ونور بوجودكم
    شكرا جزيلا

    ردحذف
  13. صباح الخير يامصر

    ردحذف
  14. صباح الحب والصدق

    ردحذف