الخميس، 21 أكتوبر 2010

كم تمنيت لو لم اذهب لذلك الحفل



ساروى لكم الان كيف غرقت فى بحر الحب؟ ابدا كلامى معكم بان اخبركم انه فى يوم من الايام احببت واحببت من النظرة الاولى ...فبدايتى معه كانت تمثلها اغنيه الفنانه الرقيقه جدا جدا انغام...(بعتلى نظره) فكل حرف من حروف هذه الاغنيه وصف لكل ما حدث عندما وقعت عيناى عليه لاول مرة..وتلاقت اعيننا وبدا الحديث..الحديث الذى كان اقوى من اى كلام يمكن ان ينطق به لسان..مر ذلك اليوم سريعا.. وبدا قلبى يرتعد من الخوف.. خوف من لحظه الرحيل والفراق دون ان اعرف حتى من هو؟ وجدت الطريقه تبادلنا ارقام التليفون بعد تفرق المدعوين فى ذلك الحفل وقلبى كاد ان يقفز من مكانه حيث تركته خلفى مودعه احلى لحظه فى حياتى.. عقب الحفل جاءتنى المكالمه المنتظرة ..تحدثنا ليس بالكثير فقط عرفت اسمه وعرف اسمى مجرد بدايه التعارف. لا ادرى لم اتحدث معه كثيرا لكنى اسمع صوته الدافىء داخل قلبى ..و لازلت.. لازلت اذكر تلك الابتسامه الهادئه.. وتوالت بيننا المكالمات.. وبدا عقلى يحدثنى عنه .. انه اجمل ما فى الوجود.. وبدا السؤال اياه بداخلى .. هل احببته؟؟؟

كم تمنيت لو لم اذهب لذلك الحفل كى اراه .. ترى هل ساستطيع نسيانه ؟؟؟ احد الاسئله التى دارت بينى وبين عقلى واجابنى الاجابه التى صعقتنى ..

اننى بدات انسى نفسى واتذكره وجاءت اللحظه المنتظرة التى ساراه فيها. لا استطيع ان اصف مدى سعادتى بهذه اللحظه .. شعرت بمشاعر ظننت اننى لن اشعر بها مرة اخرى فى حياتى ,صعوبه فى التنفس, مرارة اخترمت جسدى وقد بلغت البروده ذروتها فى ذلك اليوم . كل هذا قبل ان اراه. شعرت بانتظارى له كطفل ينتظر فرحه العيد وادركت ان اقصى درجات الفرح ان تضحك حين تقابل حبيبك وفى عينيك فرحه طفل صغير . ها قد وصل ... وقفت ساكنه قائله فى بالى ... يا الهى ما الذى يسرق وعى ؟ نظر الى نظرة عميقة شلت حركتى وتاهت من الكلمات ,زادت ضربات قلبى ,بردت اطرافى,تلعثم لسانى, تلاقت الايادى بالسلام الحار الملىء باللهفه والاشولق لهذا اللقاء, فرحتى لم يطفئها الزمان بعد فى عينى, وركض ذلك الطفل الذى بداخلى نحوه وارتسمت على وجهى ابتسامه نسيتها منذ زمن ورقص قلبى فرحا, حينها فقط شعرت انه لن يسعنى فى الكون سوى صدره. تكلمنا وتكلمنا فى كل شىء واى شىء عنى وعنه.

وطلب منى الرد لكن فى وقت لاحق...حتى استطيع التفكير جيدا.. هذا ما قاله لى لكنه لا يعلم اننى فكرت بالامر منذ اعوام واعوام منتظرة فقط قدومه فى اللحظه المناسبه.

انه لو يعلم كم كنت افكر به ومشتاقه اليه, لهمسات شفتيه, للمسات يديه, عبير انفاسه , لكل شىء فيه, وكيف كان يعيش فى دمى حتى قبل ان ارداه الآن .

بعد ما عريت نفسى وجردت نفسى من المساحيق التجميليه البروتوكولية ...اسمح لى ان اخبرك بكل فخر واعتزاز اننى احبك ثم احبك ثم احبك وكل يوم فى صلاتى ارفع راسى الى السماء ضارعه الى الله سبحانه وتعالى الا يحرمنى اياك الا اذا قرر ان يستردنى لان الحياه بدونك سراب.

هناك 24 تعليقًا:

  1. بدايه قصه حب رائعه والاروع صراحتك يا عزيزتى

    نعم بدايه حب حقيقى تجعلك اسعد حد فى الوجود

    الحب نعمه من نعم الله علينا وبدونها لم نحس اننا نعيش ربما نحيا ونتنفس لكن جسد بدون روح
    وبدون حب نعيش هكذا

    اجمل شىء فى الدنيا هو ان تحب انسان وتفضله حتى عن نفسك وتجعله كل شىء لكِ بالدنيا
    ودائما يسعدك ما تقولى له احبك ثم احبك ثم احبك
    وتسعدى اكثر بأن تستمعى جيداً لحديثه ودائما ما يختم حوارة بكلمه احبك او حبيبتى
    هذه الكلمه تجعلك تشعرين بأنك كالطير فى السماء يحلق دائما بين النجوم والقمر
    اسعد لحظاتك ان يتمم الله نعمه عليكِ الى اخره

    ربنا يسعد قلبك ويفرحك دايماً يا قمر
    رجائى ان تحافظى على هذا الحب
    ولم تفرطى فيه ابدا مهما كان الى ان تظهر كلمه النهايه السعيده بالزواج طبعا

    ردحذف
  2. مـــــــــــــيرو

    ايه الروعه دى يا قمر قرات القصه 3 مرات وشغلت الاغنيه بعت لى نظره اكتر من مره وتخيلت شكل الفتاه ومنظر الشاب ايضا ...

    ادعو الله من قلبى ان ينعم عليكى بالحب وان يكمل عليكى فرحتك

    زهراء

    ردحذف
  3. ربنا يسعد قلبك ويدوم عليكى الحب دايما

    ردحذف
  4. المهم النجف و الستاير على العريس و لا على العروسة
    لأن الموضوع ده مهم جدا

    ردحذف
  5. السلامو عليكم

    يااااااه ياميرو
    أنا طبعا حاسس قد ايه البوست ده مؤلم ليكى
    كتبتيه أزاى
    قدرتى تجيبى القوه ديه منين
    ربنا يارب يسعد قلبك
    انتى بنت طيبه جدا وعاطفيه جدا وكلك رومانسيه
    ومحترمه جد
    ربنا أكيد هيقرب من قلبك اللى اتنى بتتمنيه
    كلامك صعب قوى وسردك للأحداث عيشتنى القصه
    كأنى كنت موجود فى الفرح ده وشفت اللى حصل بعينى
    ربنا يارب يجزيكى خير بأذنه

    تقبلى تحياتى لأجمل وأطيب وأخلص قلب على البلوجر
    بهديكى أجمل ورده لأجمل قلب

    محمــــد التركـــى

    ردحذف
  6. اه نسيت اتأسفلك على غيابى وتأخيرى فى المتابعه
    معلش ياميرو أنتى عارفه الظروف
    الشغل بقى والسفر معلش سامحينى
    انتى طبعا اختى وهتقدرى ده

    ربنا يديم الحب والمعروف مابينا

    محمد التركى

    ردحذف
  7. الله يا رب يكملك فرحتك

    ويديم الحب يا رب

    والقصه تجنن روعه وانا بقراها كل حواسي كانت تقراها معي

    تحياتي وتدوم المحبه

    ردحذف
  8. ما اجمل ذلك الحب

    ومرحبا بالحب ان كان كما ترسمه كلماتك الذهبيه بحروف من ماس


    دمتى فى منتهى الحب


    تحياتى

    ردحذف
  9. السلام عليكم
    .
    .
    حب ..؟!

    :)
    فى كلام لما بيتقال بيغير كل حياتنا معاه
    عن اللى بيستاهل ندور طول العمر ونستناه
    بس عارفه .. الحب ده حلو اوى ... لالا
    الحب ده احلى من الحلاوه
    يعنى علشان تديله حقه ما تقوليش معاه حاجه
    هو بس ....
    .
    حب
    .
    .
    .
    .
    .
    .
    .
    .
    .
    .
    فرحان بيكِ يا صديقتى

    ردحذف
  10. gogo!sf
    عندك حق فعلا يا جوجو انا عشت وساظل عايشه فى هذا الحب وهذه الحاله الجميله
    اما بالنسبه لنصيحتك انا باحاول احافظ عليه بقدر المستطاع ولكن القدر دائما يفرق بيننا والامل فى الزواج ضعيف جدا ولكنى حتى الان بالرغم من الفراق عندى امل فى العودة
    تحياتى ليكى حبيبتى

    ردحذف
  11. لولا وزهراء
    وحشتينى جدا يا زهراء
    سعيده جدا ان البوست عجبك
    يعنى لما زهراء تقرا البوست بتاعى 3 مرات يبقى ده انجاز بالنسبه لى
    حاجه تشرفنى جدا
    دمتى بكل خير

    ردحذف
  12. Ms Venus
    ويسعدك حبيبتى
    ربنا يخليكى
    نورتينى

    ردحذف
  13. يوميات شحات
    بس لما يجى العريس الاول نبقى نتفق
    ههههههههههه
    بس اكيد علي العريس هههه انا مش هادفع حاجه خالص
    تحياتى

    ردحذف
  14. محمد التركى
    وعليكم السلام
    اهلا بالناس المختفيه دى
    انت الوحيد اللى عارف السر هنا
    انا قلت انى كنت فى فرح هنا لازم تسيح يعنى ههههههههه
    ربنا يخليك يارب
    كتير كلامك ده اووى عليا والله
    تحياتى لاخلاصك

    ردحذف
  15. محمد التركى
    انت مش محتاج تتاسف انا مقدرة
    وكنت متوقعه حاجه زى دى هو انت فاضيلى ههههههه
    يارب يارب يديم المعروف بينا

    ردحذف
  16. تويتى فلسطين
    سعيده جدا انها نالت اعجابك اختى العزيزة
    بجد مش عارفه اشكرك ازاى على متابعتك وكلامك الرقيق ده
    دمتى بكل خير

    ردحذف
  17. momken
    ميرسى اوى على كلامك
    ربنا يديم الحب بينا جميعا

    ردحذف
  18. اقدم عاصمه فى الحب
    وعليكم السلام
    الصراحه عندك حق والله
    الحب اجمل شىء فى الدنيا
    بس عايزة اقولك متفرحش اوى كده بيا هههههه
    انا كتبت البوست ده وانا بموت فى كل كلمه وحرف كتبتها لان حبيبى بقى بعيييييد عنى اوووى
    بس البوست ده بيخفف عنى وعنكم المود اللى كنت معيشاهولكم الفترة اللى فاتت بس كويس
    ادعيلى بقى

    ردحذف
  19. ( شعرت بمشاعر ظننت اننى لن اشعر بها مرة اخرى فى حياتى ,صعوبه فى التنفس, مرارة اخترمت جسدى وقد بلغت البروده ذروتها فى ذلك اليوم . كل هذا قبل ان اراه. شعرت بانتظارى له كطفل ينتظر فرحه العيد)

    مشاعر جميلة .. تأتى مع الحب فقط

    تحياتى

    ردحذف
  20. وحششششششششششششتينى والله ياقلبى وعارفه انى ندله ومقصره معاكم كلكم لكن غصب عنى والله ظروف تعب امى ابعدتنى عن كل شىء والله
    انا رجعت اطمنكم وهحاول بقدر الامكان اتابعكم كلكم ان شاء الله تعالى
    ياريت مش تزعلى منى وطمنينى عليكى

    مودتى
    توتا

    ردحذف
  21. well
    فعلا الحب ده اجمل شىء فى الدنيا
    بيخرج احاسيس جميله جوانا
    وكمان كل الكلام الرائع بيطلع من القلب
    ميرسى اوى على زيارتك

    ردحذف
  22. اتنين حبيبين
    ازيك يا توتا؟
    والله انتى كمان وحشانى جداااا بجد
    انا مش زعلانه منك الحمد لله انى اطمنت عليكى
    الف سلامه على مامتك
    انا كويسه الحمد لله
    دمتى بكل خير

    ردحذف
  23. جميل اوى ياميرو
    ربنا يسعد قلبك دائما

    ردحذف
  24. همسات وبحر الحياه
    ربنا يخليكى يارب
    ربنا يسعدك انتى ايضا
    ميرسى اوى

    ردحذف