السبت، 25 سبتمبر 2010

بدات الغلاسه عفوا الدراسه

اكيد انتم مستغربين من العنوان بس بجد حاجه تزهق حقيقى ما هو فعلا بدايه الدراسه تعنى عندى بدايه الغلاسه مع الاعتراف بانى استمتع جدا بالفتره دى بس مش اوى يعنى هههههههه
احكيلكم بقى حكايتى وحكايه بنات كتير زيى مع الدراسه طبعا اول يوم دراسه لازم اروح وانا مية مية واخر شياكه انا مش باحط ميكاب اى نعم بس بابقى مزه باردو هههههههههههه
بانزل من البيت قبل ميعاد المحاضرة بساعه ونص تقريبا وامشى من البيت لغايه ما اوصل للميكروباص او المشروع بلغتنا يعنى يجى فى تلت ساع تقريبا وبعدين اقف فى الزحمه والناس تزق فيا وفى صحباتى طبعا اللى معايا واستحاله نعمل زيهم اكيد
نضطر طبعا ان احنا ننتظر لحد ما الناس كلها تركب ونفضل احنا فى الاخر خالص وفين وفين على ما نركب وبعدين الحمد لله نوصل الكليه عايزين نلحق المحاضرة ساعات طبعا بنلحقها وممكن منلحقاش بعد كل ده ان لحقناها ندخل فى حاله ذهول من شكل المدرج الزحمه واحنا طبعا مجتهدين لازم نقاوم ونحارب علشان نسمع الدكتور هيقول ايه؟
تعالوا بقى للكتب والمصاريف والطوابير اللى بتبقى عليهم ونقف ساعه فى الشمس علشان ادفع فلوس امال لو باخد فلوس كانوا عملوا فينا ايه؟ غير المذاكرة بقى والابحاث
مع العلم بانى اقضى اجمل الاوقات مع اصدقائى فى الدراسه وبما ان دى هتكون اخر سنه ليا فى الكليه انا حزينه جدا لانى هاسيب صحباتى ويا عالم هنشوف بعض امتى تانى
وسعيده طبعا لانى هبدا حياه جديده واتمنى الاقى فارس احلامى قريب ادعولى ههههههههههههههه
طبعا اول مرة تشوفونى مهيسه كده معلش ده اثر الدراسه او الغلاسه

هناك 10 تعليقات:

  1. ميرووووو
    السلام عليكم ورحمة الله وبركاته

    أزيك ياقمر واحشانى كتيييير مدونتك

    كل عام دراسى وأنتى بخير
    بكرة تخلصى ياقمر وتتمنى يوم من الغلاسة
    ههههههه

    دمتى بخير

    ردحذف
  2. كل سنه وانتى طيبه يا ميرر
    انشاء الله سنه جميله

    كلنا كنا هذا الفتى فى الجامعه

    الحجات دى كلها بعد كده بنضحك عليها بعد كده

    تحياتى

    ردحذف
  3. ميرو

    كل سنه وانتى طيبه وبألف خير
    والله ياستى هقولك نصيحه بس ياريت متخديش بيها يعنى
    أوعى تسيبى الكليه أوعى تخلصى هتخرجى للحقيقه المره والجحيم
    جحيم مابعده جحيم
    البلد رايحه فى ميت داهيه
    ولا شغل هتلاقى
    ولو لقيتى بمرتبات رايحه فى ميت داهيه
    ولو اشتغلتى يبقى أكيد فى مجال غير مجال دراستك
    ولو بقى أشتغلتى شغلانه حلوة
    بمرتب حلو
    وفى مجال دراستك
    يبقى انتى اشتغلتى بوسطه وهتلاقى ميت واحد ووحده غلسينى كده زى يأروووو عليكى
    ههههههههههه
    ياأما هتلاقى زمايل زباله هيقرفوكى لحد ماتسيبى الشغل

    سيبك بأه من الشغل نيجى للأهم
    مفيش جواز
    الشباب ميتين خالص
    الحياه مقفوله مفيش شقق
    والذهب نار

    أنا عارف دلوقتى زمانك بتدعى عليا بتقولى ايه الفقرى ده هيطهأنى قبل ما اتخرج
    هههههههههه

    معلش ياميروووو هى ديه الحقيقه المره

    أنا بقى بعانى جدآآآآ من الدراسه
    مش بلاقى مواصلان خالص
    وبروح الشغل متأخر بسبب الزحمه
    وباخد جزاء بالخصم
    ياعنى هى نقصه
    أنا بكره المدارس والكليات والدنيا كلها
    عن أذنك بقى لما أروح علشان ألحق أشترى حبال علشان أنتحر
    هههههههههههههه


    بجد والله وحشتنى مدونتك جدآآآآآ
    وموضوعات الجميله
    تقبلى مرورى

    تحياتى لقلبك الطيب

    محمــــد التركــــى

    ردحذف
  4. ليله شتاء
    وعليكم السلام ورحمه الله
    وانتى كمان وحشانى جدا
    تسلمى حبيبتى
    عارفه والله انى هتمنى يوم من الايام دى
    تحياتى

    ردحذف
  5. momken
    ايه النور ده كله
    منورنى بجد والله
    ميرسى اوى على التعليق

    ردحذف
  6. محمد التركى
    اولا وحشتنى تعليقاتك جدا
    ثانيا وده الاهم انى عارفه كل الكلام اللى بتقوله وعارفه انى مش هلاقى ولا شغل ولا عريس وعمرى ما هاقول عليك فقرى خالص لانى انا متشائمه جاهزة هههههههههههههههه
    بس اكيد لسه الامل موجود
    ربنا معاك ومعانا
    دمت بكل خير

    ردحذف
  7. فكرتيني بنفسي و بالذي مضى يوم الى ف حياتي عشان اشوف بوبع الكيه صقر بيه بتاعنا و دخلت المحاضره دخلت مطبق عشان اصحي لسيادته بري قدامي لما السنه تخلص عشان اظبط نومي دخلت شفت وشه و بعد كدة نمت طوااااااااااااااالي
    و لما دخلت محاضرة و قولت هبقى محترم و احضر يطلع محاضره لانتساب و الدكتور مختلف و يارتني ما حضرت انما الكتب بجيبها بعد ما الدراسه تبتدي بشهر
    و لو نزلت الجامعه مش بهوب نحيه كليتي صحابي ف الكليه لما بنزل امتحانات الترم بيقولي نورت يا مون بيه
    ههههههههههههههههههههههههههههههههههه
    كل سنة و انت طيبة

    ردحذف
  8. 3mr wa2el
    ههههههههههههه
    والله انت نكته يا عمور الواحد نفسه يبقى كده
    بس مش بتليق عليا الحركات دى خالص
    ربنا يوفقك
    تسلم

    ردحذف
  9. كل سنة دراسية و انتي طيبة
    ههههههههههه
    والله فعلا كانت احسن ايام بس الواحد مابيعرفش قيمة الحاجة غير لما بتروح منه
    ربنا يسعدك
    و شدي حيلك

    ردحذف
  10. ميروو
    أزايك عامله ايه
    يارب تكونى بخير
    الدراسه عمله ايه معاكى
    والموصلات
    ربنا معاكى يارب

    أنا جيت أطمن عليكى
    وأقولك مستنى رأيك فى البوست الجديد
    اللى انا مش مرتاحله اساسا وحاسس انه اسوء بوست عملت فى حياتى
    علشان عملته بسبب حد مكنتش اتخيل انه بالسفاله ديه
    الدنيا غريبه جدا ياميرو
    بتخدعنا كل يوم
    ومهما نقول خلاص كبرنا وفهمناها
    نطلع ولا فهمين اى حاجه
    بجد زهقت من نفسى جدا
    ياله بلاش نكد

    المهم انك تكونى بخير

    اهديكى اجمل بورده فى اجمل بستان

    محمـــد التركـــى

    ردحذف