الاثنين، 28 ديسمبر، 2009

وداعا 2009اهلا 2010





الصراحه انا مش باحب احتفل بالسنه الميلاديه الجديده ولا كمان احب اهنى بقدومها بس انا هاقولكم ايه سبب انى كتبت البوست ده حبيت اقولكم كل سنه وانتم طيبين بمناسبه السنه الجديده دى طبعا للذكور ههههههههههه اما الاناث فكل سنه وانتن طيبات وكمان حبيت اقول ان اكيد 2009 حصل فيها حاجات حلوه وكمان حاجات مش ولابد عايزه اقولكم الحاجات الحلوه اللى حصلتلى السنه دى ده لو مش هيضايقكم انا اجمل حاجه حصلتلى ان انا حبيت وعرفت ايه هو الحب حتى لو كان من غير امل بس عرفته وخلاص وعايشاه واتمنى انى اعيشه على طول وكمان عرفت اصدقاء كتير وبحبهم جدا واتعرفت طبعا عليكم حتى لو من خلال التعليقات بس انا بحبكم اوى وباعتز بصداقتكم جدا وكمان حسيت انى قربت من ربنا السنه دى اكتر من اى سنه فاتت و كسبت حب اسرتى واهلى اكتر من الاول اما عن الحاجات اللى مش كويسه انى مرضت وكنت كل شويه عند دكتور مختلف عن اللى قبله واتمنى ان ربنا يشفينى السنه الجديده بس مفيش حاجه تانيه فكراها علشان انا باحمد ربنا على كل شىء فى السراء والضراء بس اصعب حاجه هتحصل فى اول السنه الجديده الامتحانات ياريت تدعولى انها تمر بسلام انا طبعا زعلت جدا من اللى حصل فى مباراه مصر والجزائر ودى اسوا حاجه حصلت السنه دى يارب تديم الاخوه والمحبه بين كل المسلمين ويفك هم كل المهمومين ويارب تكون السنه الجديده سنه تحرير فلسطين من ايدى المستعمرين
احب اعرف ايه اجمل حاجه واسوا حاجه فى حياه اصدقائى اللى انا بحبهم اوى وان شاء الله السنه الجديده هتكون سعيده علينا كلنا

هناك 30 تعليقًا:

  1. بت ياميرو انا عاملة مودريشن خليكى جدعة وابعتيلى الاليميل عايزاكى

    ردحذف
  2. (:
    كل سنه وانتى طيبه ياقمر
    والسنه الجايه تكون كلها سعاده وفرح عليكى ياااارب
    مش هتقوليلى سمعتى عنى فين؟
    قرى واعترفى
    ههههههههههههههههه

    ردحذف
  3. كل سنه وانتى بالف الف خير

    ردحذف
  4. ميرو
    كل سنه وانتى طيبه وهابى نيو يييييييييييييييييييييييييييير
    انا قلت ازورك هنا واشوف مدونتك
    مدونتك طبعا جميله
    بس كنت عايز اقوللك انا ليه مش بكتب اى حاجه على الصور فى مدونتى .. ده علشان ان الصور اللى فى المدونه من تصويرى كلها
    انا بعبر عن اللى انا عايزه من خلال الصوره
    تحياتى ليكى يا ميرو

    ردحذف
  5. كل سنه وانتى طيبه يا ميروووو
    ويارب دايما دايما نحقق كل اللى نتمناه
    وتبقى سنه سعيده على الكل

    ردحذف
  6. السلام عليكم ...
    ازيك يا ميرو
    كل سنة وانتى طيبة
    والسنة الجاية كد يارب تكونى فى الباكلوريوس
    وتخلصى الكلية ع خير
    فى رعاية الله
    shemo

    ردحذف
  7. :) وانتي طيبة يا ميرو وربنا يشفيكي يا قمر يارب

    جميل اوي اوي الحب ده وكويس انك جربتيه بيقولوا حب اول مرة بيبقى ليه طعم تاني..

    ربنا يحققلك كل امنياتك السنة ديه..ويجعلها سنة احلى من 2009 لأن ديه كانت من اسوا السنين ع المستوى العام من رأيي.

    تحياتي

    ردحذف
  8. السلام عليكم

    ازيك ياميرو كل سنة وانتى طيبة وبخير وربنا يجعلها سنة فل عليكى يارب
    اسوء حاجة واحلى حاجة والجو ده بقى نبقى نحكى مع بعض عالميل بلاش فضايح ههههههههههه
    ربنا يوفقك فى امتحاناتك يارب
    تحياتى

    ردحذف
  9. مى
    حبيبتى طبعا منورانى من عنيا حاضر هابعتلك الايميل ان شاء الله هتلاقيه فى مدونتك قريب
    تحياتى ليكى يا قمر

    ردحذف
  10. عاشقه الرومانسيه
    منورانى لاول مره بتزورينى فيها يا دودو
    انا سعيده جدا انا سمعت عنك فى مدونه شبابيك
    عند شيمو وفى حد تانى بس مش فاكره اوى
    كل عام وانتى بخير

    ردحذف
  11. blue_wave
    كل سنه وحضرتك طيب يا دكتور
    اسعدتنى زيارتك جدا ربنا يديم التواصل
    تحياتى

    ردحذف
  12. صوت من مصر
    اول مرة تزورنى\تزورينى
    المهم انى سعيده بزيارتك
    كل عام وانت بخير

    ردحذف
  13. محمد عتلم
    كل عام وانت بخير وميرسى على زيارتك
    الرساله وصلت وعلى فكره صورك معبره للغايه
    دمت مبدعا

    ردحذف
  14. romansy
    كل عام وانت بخير يا رومانسى
    ايوه كده يارب تنورنى على طول
    ماتغبش عليا تانى
    تحياتى

    ردحذف
  15. shemo
    وعليكم السلام
    انا تمام كويسه الحمد لله وكل عام وانتى وعائلتك كلها بخير وان شاء الله السنه الجايه تكونى فى اخر سنه ثانويه عامه وانا اكون فى الليسانس مش بكالوريوس هاعتبرها غلطه مطبعيه هههههههه
    دمتى بكل الخير

    ردحذف
  16. just smile
    كل عام وانتى بخير حبيبتى
    وميرسى اوى على الدعوه الجميله دى
    ربنا يتقبل ان شاء الله يجعله عاما سعيدا
    علينا جميعا
    تحياتى

    ردحذف
  17. جوجو
    كل عام وانتى بخير يا جوجو
    وحشانى جدا وان شاء الله نحكى مع بعض
    على الايميل علشان الفضايح هههههه
    هاستناكى اتمنالك التوفيق من كل قلبى
    ربنا معاكى

    ردحذف
  18. السلام عليكم
    اول مره ادخل مدونتك الجميله دى
    كل سنه وانتى طيبه
    ويارب تكون السنه الجايه احلى واحلى وتحققي كل امانيكى
    دمتى بكل الحب والسعاده

    ردحذف
  19. احنا كمان سعداء اننا عرفناكى وانك بقيتى واحده من المدونين ويا رب السنه الجديده تبقى احلى واجمل والحب فيها يبقى بالامل والاجمل لو لقيتى اصداقء بجد اوفئ كمان ويا رب يكملك حياتك دايما على خير ومن قلبى بجد بتمنلك كل خير وسعاده وصحه وتوفيق وفرح وابتسامه تدوم يا رب طول العمر

    ردحذف
  20. السلام عليكم

    بالطبع اشكر حضرتك على زيارتكم التى شرفتنى فى مدونتى المتواضعه

    وكل سنه وحضرتك بخير
    وان شاء الله السنه الجاااايه
    وافتكرى كلامى ده كوييييس
    " هنسمع منك الحاجات الحلوه بس اللى حصلتلك
    لان مش هيبقى فى وحش خااالص "
    بإذن الله

    وعلى فكره وبناءا على طلبك
    علوز اقول لحضرتك
    إن انا احسن حاجه حصلتلى
    انى زورت مدونتك الجميله دى
    واسوء حاجه حصلت لى انى ما زورتهاش من زمان
    --------

    أعذب التحيا ..؛؛

    ردحذف
  21. اميره الاحزان
    كل عام وانتى بخير
    منوره مدونتى المتواضعه بجد
    ربنا يديم التواصل بينا
    تحياتى

    ردحذف
  22. amirelhob
    كل سنه وانت طيب يا عمورة
    منورنى انا سعيده انى اتعرفت عليكم بجد
    ربنا يجعل سنتك زى العسل
    تحياتى

    ردحذف
  23. الامير
    يعنى ياريت فى الاول كده بلاش حضرتك
    منورنى جدا وميرسى على كلامك الجميل ده
    كل عام وانت بخير

    ردحذف
  24. سنه سعيده

    زاخره بالطاعات

    اتمناها لك :)

    ردحذف
  25. كل سنة وانتى طيبة ياقمر

    ردحذف
  26. اقصوصه
    سنه سعيده عليك وغلى كل الناس ان شاء الله
    نورت مدونتى

    ردحذف
  27. الحزين
    وانت طيب يا عسل
    ربنا يجعلها سنه جميله عليك

    ردحذف
  28. مدونتك رقيقة زيك
    كل سنة وانتى طيبة وربنا يحققلك اللى بتتمنيه
    تقبلى مرورى

    ردحذف
  29. د.مونى
    ميرسى على زيارتك
    منوره مدونتى المتواضعه
    تحياتى

    ردحذف