الثلاثاء، 24 نوفمبر 2009

ماتزعليش يا مصر


طبعا اللى حصل مايرضيش حد فينا واكيد زعلنا كلنا ومتاثرين جدا وكمان مالناش سيره غير الموضوع ده وبصراحه ماكنش فى نيتى اكتب خالص عنه بس ده بناء على طلب مدونه شباب اون لاين وقالوا ان لازم احدد موقفى من القضيه وبما ان كل الكلام اللى عندى خلص حبيت اجبلكم كلمات اغنيه جميله ممكن يكون اكتركم ماسمعهاش لحد دلوقتى بس كلامها عجبنى جدا وحبيت اكتبه هنا والاغنيه بتقول
اللى يغلط فى البلد دى واللى مش عارف قيمتها يبقى مش عارف تاريخه يبقى مابيقراش تاريخها
يسال اللى قبله كانوا مصر عملت ايه عشانه ولا كل التضحيات دلوقتى هانوا
اه اخويا وابن عمى بس بلدى مصر امى يعنى عندى اغلى من العالم بحاله
ااه ياغاليه ااه ياغاليه ااه ياغاليه ياحبيبتى يابلدى رايتك باردو عاليه
وماتزعليش يامصر ماتزعليش ماتزعليش يامصر حقك عليا
هنا قامت ثوره حركت العرب فاتحرروا
مدرسين ومهندسين ودكاتره راحوا وعمروا
فنانين ادباء وعلماء فى السلام والحرب زعماء
واللى ناسى كل ده دم الشهيد يفكروا
مصر من قبل التاريخ بتاريخ وهى انكتب عليها تحمى الامه ديه
احنا اكتر شعب شال المسئوليه احنا اكتر شعب حارب للقضيه
لو هتنسوا مش هتنسى مصر نورها جمهوريه مصر تفضل عربيه
وااه يا غاليه ااه ياغاليه ااه يا غاليه ياحبيبتى يابلدى رايتك باردو عليا
وماتزعليش يامصر ماتزعليش ماتزعليش يا مصر ماتزعليش حقك عليا

وفى كلمه اخيره احب اقولها وياريت نقولها كلنا على كل ظالم حسبنا الله ونعم الوكيل

هناك 25 تعليقًا:

  1. طب والتانى

    ونقول

    اللللللللللللللللو

    ردحذف
  2. والتات علشان

    التالته تابته

    ونعمل الواجب مع
    ميرو النيرو كوانيرو

    ردحذف
  3. الرابع علشان

    المعارضة و الصحافه والضرايب

    محدش سايب حد فى حاله

    ردحذف
  4. باس كفايه كدة

    وعجبنى قوى الممقطع دة

    مصر امى يعنى عندى اغلى من العالم بحاله
    ااه ياغاليه ااه ياغاليه ااه ياغاليه ياحبيبتى يابلدى رايتك باردو عاليه

    بس خلاص

    رئيس الجمهورية

    ردحذف
  5. ميرو معلهش أنا عارف انى بجد مقصر فى حقك

    بس سامحينى بجد والله غصب عنى

    وان شاء الله هتلاقى جديد قريب قوى


    دمتى بالخير

    ردحذف
  6. ميرو معلهش نسيت أقولك

    التاج اللى أنتى بتهديه ليا أنا طبعا بشكرك جدا جدا عليه لكن أنا والله جاوبته قبلك

    ارجعى لأرشيف مدونتى وأنتى تلاقى اجابتى عليه


    دمتى بالخير

    ردحذف
  7. حسبنا الله ونعم الوكيل
    جميل كلامك اوى ياميرووووووووووووو
    وفعلا اد ايه الجزائر شعب البربر والمرتزقة
    واد ايه اكتشفنا اننا بنحب مصر اوووووووووووووى
    تسلم ايدك ياقمر

    ردحذف
  8. حلوة الأغنيه
    بس للأسف
    هوا دا بس اللى احنا فالحين فيه
    مفيش ولا رد فعل واحد لحد دلوقتى غير الوقفات الإحتجاجيه والدموع الخايبه اللى مخليانا زى وليه مكسورة الجناح
    ما علينا
    كل سنه وانتى من غير حرقة دم

    ردحذف
  9. لو فضنا نتتكلم من هنا لكرة لازم يكون لينا مطالب كتير هستناكوا ف حمتي عبى الفيس بوك

    اسمها كرامتنا

    و الاكونت بتاعي

    speroMory

    ردحذف
  10. صباح الخير
    انا اللي صعبان عليا ان احنا كنا رايحين ببنات وستات واطفال
    واتاخدنا علي خوانه

    وكمان في شهر الله الحرام

    كل سنه وانتي طيبه

    تحياتي

    ردحذف
  11. بوست جميل يا قمر والصوره الاولى جميله جدا وكانت كفايه انها تحط فى بوست لوحدها لانها ابسط وابلغ رد وكل سه وانت طيبه وانتى بخير يا رب وانتى اسعد يا رب وكل سنه وانتى اسعد واطيب واحن واسعد واجمل وارق واقرب من ربنا عن اسلنه اللى قبلها ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

    ردحذف
  12. ميرو النيرو كوانيرو

    انتى فين

    كل سنه وانتى طيبه

    وعيد سعيد عليكى

    يااارب

    تحياتى

    ردحذف
  13. ميرو ازيك عاملة ايه ياقمر

    كل سنةوانتى طيب

    ردحذف
  14. ميرو أنتى فين غايبه ليه ؟؟

    يارب تكونى بخير


    طمنينا عليكى


    وكل سنه وأنتى طيبه يا قمر

    ردحذف
  15. جمهوريه شومبونجو العربيه
    مبرووك عليك التعليق الاول والتانى والتالت والرابع والخامس وحلو اوى المقطع اللى عجبك ده وبصراحه الاغنيه كلها جميله جدا على العموم منورنى ويارب دايما التعليق الاول

    ردحذف
  16. الشاعر الحزين
    منورنى يا شاعرنا الجميل انا مسمحاك والله بس اهم حاجه تكون بخير ويارب نشوف جديد عندك ان شاء الله وبالنسبه للتاج معلش تتعوض مره تانيه دمت بكل الخير

    ردحذف
  17. مى
    منورانى يا ميوى ميرسى على كلامك الرقيق ده وفعلا انتى عندك حق الجزائر شعب البربر والمرتزقه تحياتى ليكى

    ردحذف
  18. blue_wave
    كل سنه وانت طيب يا دكتور كلامك صحيح بس هنعمل ايه حسبنا الله ونعم الوكيل دمت بكل الخير

    ردحذف
  19. 3mr wa2el
    بصراحه يا عمور كلامك جميل بس انا معرفش الفيس بوك ده شكله ايه سامحنى

    ردحذف
  20. donya
    وانتى بالصحه والسلامه يا اجمل دنيا وبالنسبه لموضوع الجزائر منهم لله على اللى عملوه

    ردحذف
  21. amirelhob
    ميرسى على كل الكلام الجميل ده وكل سنه وانت طيب وبخير يارب ويديم التواصل والمحبه بينا ان شاء الله

    ردحذف
  22. جمهوريه شومبونجو العربيه
    والله انا موجوده يا ريس هاروح فين يعنى؟ وكل سنه وانت طيب وعيد سعيد عليك انت كمان دمت بالخير

    ردحذف
  23. جوجو
    انا الحمد لله كويسه انتى اللى فين؟ وكل سنه وانتى طيبه يا قمر

    ردحذف
  24. الشاعر الحزين
    كل سنه وانت طيب يا شاعر والله انا موجوده وكويسه جدا الحمد لله بس كنت مشغوله فى العيد واللحمه بقى هههههههههههه ربنا يخليكم ليا يارب

    ردحذف