الأحد، 18 أكتوبر 2009

الطيبه


وحشتونى جدا والله العظيم بس انتم عارفين الدراسه بقى ولازم اعمل اللى عليا واروح الكليه المهم انى جايبالكم موضوع مهم جدا ده طبعا من وجهه نظرى وطبعا عايزه اعرف وجهه نظركم وهو موضوع الطيبه وهبدا بتعريفها يقال ان الطيبه صفه جميله محببه والانسان الطيب عاده مايكون رقيق القلب سخى العواطف صادق النيه ولانه يبخل بالمشاعر والاحاسيس التى يوزعها بسخاء على المحيطين به 0سواء اكانوا اقرب المقربين او ابعدهم فانه غالبا مايتهم بالسذاجه وربما الغباء 0 ولايبدو الامر غريبا فى عصر احتل فيه النفاق مرتبه الرياده بين باقى الصفات والخصال المطلوب توفرها لدى الرجل والمراه العصريين وما اكثرما سمعنا الناس يرددون بان الطيبه والنيه الحسنه الشفافه اشياء من مخلفات زمان وان الانسان مجبر اذا اراد ان ينجح فى حياته العمليه والشخصيه والاجتماعيه على ان يرتدى قناع النفاق الاجتماعى ويعرف كيف يجامل بلباقه رئيسه فى العمل وزوجته فى البيت والاصدقاء فى النهايه احب اقولكم ان القلوب النقيه موجوده والقلوب المتعفنه موجوده ايضا والله منح البشر عقلا لكى يفكروا به ويدركوا اين خلاصهم واين سعادتهم ايضا0 وسط النقاء او وسط العفونه فما رايكم انتم احبائى؟

هناك 30 تعليقًا:

  1. السلام عليكم

    الطيبة موجودة
    والطيبين موجدين
    والمنافقين اكتر من الهم على القلب

    بس فى حاجة

    وفى اختلاف بين النفاق الاجتماعى وبين الطيبة
    لان النفاق صفة مكتسبة للانسان ودة بيبقى كتير فى المجتمع ومع كل الناس

    اما الطيبة فادى من عند ربنا لمجموعة معينة من البشر
    ودى مذكورة فى القران الكريم
    ......
    تحياتى

    رئيس الجمهورية

    ردحذف
  2. عزيزتى:
    علقتى عندى من قبل على مقومات الحب؛وأنا علقت عندك على ما هو الحب.
    يارب دايما نتواصل بكل الحب.

    ردحذف
  3. بالنسبة للطيبة فانا بعتبرها ميزة وعيب فى نفس الوقت؛
    ميزة عندما تستخدم فى المواقف المناسبة لها؛بمعنى أن تكون بحدود.
    لانها ان كانت زيادة عن المعتاد فبعتبرها عيب.
    لان فيه حاجات مش مطلوب فيها الطيبة.

    ممكن تلغى تدقيق الكلمة؟


    خالص تحياتى

    نهر الحب

    ردحذف
  4. السلام عليكم ورحمة الله وبركاته
    اولا جد اسعدتني زيارتك وياريت نكون دائما علي تواصل يارب
    وبالنسبه لموضوعك الطيبه
    يااااااااااااااه كتير كلمة رائعه وصفاتها اروع واللي اروع واروع لو كل الناس تحمل الصفه دي
    عارفه كنت زمان بزعل اوي لم حد بيقلي انتي طيبه لانو علي طول بقلي طيبه وهبله
    بس دلوقتي مبقتش ازعل عشان عرفت قصه جميله اوي
    ومبقتش ازعل زي الاول اللي عايز يقول طيبه وهبله
    هههههههههههه
    هو حر
    عارفه اخر تعليق وصلني ومكتوبلي فيه اني هبله عشان طيبتي لسه امبارح
    هههههههههه
    تحيـــاتي

    ردحذف
  5. على فكره

    أنا جاى أسلم عليك

    وأقولك سامحينى أنا عارف انى مقصر فى حقك بس والله غصب عنى

    معلهش بقى سامحينى ماشى ؟؟

    دمتى بكل الخير يارب

    ردحذف
  6. الحــ ــزين
    طبعا وطبعا انتى كمان حبيبتنا كلنا واخت لينا
    بس عارفة ان الطيبة حاجة جميلة ووحشة فى نفس الوقت لان انا بسببها مجروح ..عموما كله عند ربنا
    دومتى بكل خير

    ردحذف
  7. انا معاكى ياقمر ان الطيبه من اجمل الصفات فى الحياه ولكن فعلا اصبحت عيب فى حق صاحبها واصبح الانسان الطيب ساذج واصبحت المصالح هى المسيطره لا القلوب وما تحمله من حب ربنا يكرمك على جمال كلامك ويوفقك فى دراستك ياقمر وما تتاخريش علينا تانى عشان بتوحشينا

    ردحذف
  8. فعلا عشان ننجح فى العمل بنحتاج نلف وندور ولازم المجاملات والنفاق..
    بس دة ميمنعش اننا نكون صادقين مع نفسينا ومع اللى حوالينا خارج نطاق العمل..
    كتاباتك جميلة يا ميرو ربنا يوفقك والى الامام دائما..
    وحاولى متتأخريش كتير..
    خالص ودى وتقديرى..

    ردحذف
  9. فى طيبة كويسة وطيبة اللى يشوفها يقول هبل اه احنا الطيبة عندنا كشعب مصرىىىىىىىىى باينة والله فعلا يعنى الاكثرية مفيش خبث مع ان الزمان اتغير عن دلوقتى انا شايفة ان النفاق بقى سلعة العصر زى كل ماتنافق اكثر تكسب جوايز
    بصراحة بوست هايل يا ميرووووووو
    تسلم ايديك

    ردحذف
  10. جمهوريه شومبونجو العربيه
    ميرسى على زيارتك واضافتك كمان ياريت كده على طول تنورنى ياريس وربنا يوفقك

    ردحذف
  11. نهر الحب
    ربنا يجمعنا دايما على الحب يا حبيبتى سعيده لزيارتك جدا والله عندك حق الطيبه ميزه وعيب بس الطيب بيفضل طيب على طول وربنا يجعلنا من الطيبين يارب

    ردحذف
  12. ايمان روحى
    انا سعيده بزيارتك اكتر والله وان شاء الله هنكون على تواصل دائما والطيبه عمرها ما كانت هبل وانتى اعقل واحده فى الدنيا وربنا يوفقك

    ردحذف
  13. الشاعر الحزين
    وحشتنى تعليقاتك ومسمحاك بس كان نفسى اعرف رايك فى البوست بس معلش مره تانيه ربنا معاك ويوفقك

    ردحذف
  14. طوبه فضه وطوبه دهب
    ميرسى على زيارتك وكلامك الجميل وميرسى على دعوتك الجميله وان شاء الله مش هتاخر عليكم

    ردحذف
  15. محمود رياش
    ميرسى على رايك الجميل فى كتاباتى المتواضعه جدا ويارب نكون على تواصل دائم ويارب دائما منورنى وهاحاول والله ما اتاخرش

    ردحذف
  16. مى
    سعيده جدا لزيارتك وياريت مش تنسينى بتعليقاتك الجميله دمتى بالخير حبيبتى

    ردحذف
  17. السلام عليكم ورحمة الله وبركاته

    تحياتي لكي أختي في الله

    نعم الفهم فهمك ونعم الفكر فكرك

    علي صراحتك وعلي تقدم فهمك

    وجزاكِ الله خير الجزاء علي كلماتك و علي ذوقك العالي

    بصي حضرتك

    سؤالي الثاني:::

    هل يعرف أحد من أهلك ما يدور بينك وبينه؟

    سؤالي ليس له علاقة بالتشدد
    بل يفتح أفاق عندي لتفهم الأمر

    سؤالي الثالث:::

    هل الكلام يتطرق إلي بحبك بحِبك؟

    السؤال الرابع:::

    هل ترينه في أماكن معينه؟ ليس معناها المقابلة بل هل يراكِ في أماكن مثل الكلية البلكونة

    السؤال الخامس:::

    فترة العلاقة؟

    تحياتي أختي في الله إجعلي الإجابة في مدونتي ليكون الموضوع أنقي وبيننا ويكون مشتت بعض الشئ

    ليس من باب أنه خطأ ولكن شئ في نفسي

    تحياتي

    أخوكِ

    محمد حياتنا

    ردحذف
  18. تابعوا معنا مدونة الحب الأول علي تحت الأضواء

    تابعوا موضوعنا الطيبة

    ردحذف
  19. السلام عليكم
    انا جيت متاخر وكمان هاروح اقرا وارجع
    سلاممؤقت

    ردحذف
  20. with you
    شكرا على تعليقك اخى الكريم ويارب دايما منورنى وان شاء الله هاجاوب على اسئلتك فى مدونتك

    ردحذف
  21. حب الملائكه
    اين تعليقك كل ده بتقرا البوست ياريت اعرف رايك وربنا يديم التواصل بينا

    ردحذف
  22. اقصوصه
    ميرسى على زيارتك وتعليقك البسيط الجميل وربنا يوفقنا جميعا

    ردحذف
  23. متفقة معاكى بس بشرط يكون اللى هتعامل معاهم طيبين او على خلق لكن مش اتعامل مع حد خصالة سيئة بطيبة والا هكون ضحية نفاقة او كذبة او اى ان كانت مشكلتة يعنى لازم يكون فى حدود للطيبة خارج نطاق معين بنحددوا لنفسنا وعلى فكرة عمل حد لدرجة طيبتنا هو قمة الرحمة والطيبة على نفوسنا

    اسعدتنى زيارتك جدا
    وان شاء الله دائما متواصلين
    دمتى بكل خير
    تقبلى مرورى

    ردحذف
  24. اول زياره
    وان شاء الله هزورك علي طول

    بالنسبه للطيبه

    الانسان الطيب هو اللي ربنا راضي عنه فجعله طيب
    والطيبه هي الفطره اللي ربنا فطر الخلق عليها

    والانسان الطيب مش شرط يكون ساذج او اهبل زي ماالناس فاكره ابدا
    هو انسان بيطبق ماخلقه الله عليه يعني بيكظم غيظه ولايظهره
    وبيعفوا عن الناس وبيصل لدرجة الاحسان ان يغفر ويحسن لمن اسأ له

    لكن في نفس الوقت ماهواش اهبل
    الاهبل اللي فاهم انه فهلوي وضحك عليه
    علشان لما هيقبلوا ربنا هيعرف مين الاهبل فيهم
    اللي عرف كلام ربنا وطبقه في حياته صح ولا اللي عرف كلام ربنا وعمل عكسه

    المهم مين اللي هيضحك في الاخر

    *تحياتي

    ردحذف
  25. احساس طفله محبه للرومانسيه بس واقعيه
    ميرسى على زيارتك منورانى والله ويارب يديم التواصل بينا

    ردحذف
  26. donya
    هى اول زياره بس مش هتكون الاخيره ان شاء الله وانا سعيده بمعرفتك وزيارتك وتعليقك الجميل وربنا معاكى فى مدونتك اللى هتكسر الدنيا باذن الله بالتوفيق ودايما كده منورانى

    ردحذف
  27. ميرررررررررو
    بجد شكرا أوي علي زيارتك الرقيقة لمدونتي التواضعة
    وبجد ليا الشرف انك زورتيني
    وأتمني تدوم بينا المودة ونعاهد بعض ع الصداقة من النهاردة
    وبجد انتي كلك طيبة

    ردحذف
  28. محتاجة استفسار منكم من فضلكم
    اتفضلوا عندى فى المدونة
    ضرورى وشكرا

    ردحذف
  29. اشكر زيارتك ليا يا اجمل ميرو
    وانا عن نفسي بعتبر اللي طيب بزياده شويه في الزمن ده بيبقى اهبل او بلاش اقول اهبل اقول عليه مش عارف الدنيا وما فيها ومش معنى كلامي ان الواحد يكون شرير لا معناه ان لازم يكون فيه شويه حذر في التعامل يعني كما تدين تدان
    لو بقينا طيبين زي ما احنا هنتعب ونتبهدل والتجارب بتعلم الواحد الصح من الغلط

    ردحذف