السبت، 14 نوفمبر 2009

تاج من الرئيس

جالى تاج من الرئيس باركولى وطبعا لازم اجاوب بصراحه وهنبدا باول سؤال وهو كالتالى
اسمك؟
اميره
سنك؟
20سنه هاكملهم بعد بكره ان شاء الله
اسم مدونتك؟
الحب الاول
مجال دراستك؟
الانثروبولوجيا(علم دراسه الانسان)
هل فكرت فى اغلاق مدونتك؟ والسبب؟
لا لم افكر بعد لانى لسه جديده فى عالم التدوين وعاجبنى العالم ده
ايه رد فعلك لو حد قل ادبه عليك فى المدونه؟
هارد عليه بطريقه محترمه جدا وهاقوله ياريت مايدخلش مدونتى تانى لو مش هيحترمها
اسوا مدونه دخلتها؟
مادخلتش مدونات مش كويسه حتى الان
هيحصل ايه لايميلك بعد ما تموت؟
مش هيشتغل اكيد
اديت الباسورد لحد قبل كده؟
لا
السفر بالنسبه ليك؟
متعه وترفيه
قضاء اجمل الاوقات مع اقاربى
المود بتاعك ايه؟
فاكره الماضى و عايشه الحاضر وخايفه جدا من المستقبل
بتعمل ايه فى وقت الفراغ؟
اشاهد التليفزيون او اعمل شات مع اصحابى او اقرا مدوناتكم الجميله اللى باستمتع بيها جدا
الاكلات المفضله؟
باكل كل الاكلات اللى بتعملها ماما
الصفات اللى اخدتها من والدك؟
العقل والحكمه والضمير واتقان العمل
الصفات اللى اخدتها من والدتك؟
الحنيه والطيبه وحب الناس
اكثر ست حاجات بتحبهم؟
الطيبه
الهدوء
النقاء
الحب
الصداقه
الاغانى
اكتر ست حاجات بتكرههم؟
الحقد
الضوضاء
الكراهيه
الغباء
الوحده
الياس
شخصيتك نوعها ايه؟
انسانه طيبه لابعد الحدود قليلا ما اغضب واثور وعلى فكره ده راى الناس فيا وانا شايفه ان كلامهم صح
لماذا دخلت عالم التدوين من الاساس؟
فكره صديقه ليا بس انا حبيت الموضوع اوى
اهميه التعليقات بالنسبه لك؟
بتعرفنى راى الناس فى تفكيرى واسلوبى وده يهمنى جدا
احلى بوست كتبته؟ مع ذكر السبب؟
الطيبه لانى كنت باتكلم عن تجربتى الشخصيه فى الحياه
افضل مدونه قريتها؟
كل المدونات اللى باقرئها جميله جدا وانا باحبها
اهميه الانترنت بالنسبه لك؟
الابحاث اللى باعملها للجامعه
التحدث مع الاصدقاء اللى مش باشوفهم كتير
باقرا المدونات اللى بستفاد منها حاجات كتير


اهداء التاج؟
shemo
مى
الشاعر الحزين



مرسلة بواسطة في

هناك 27 تعليقًا:

  1. جمهورية شومبونجو العربية14 نوفمبر 2009 في 6:56 ص

    لالالا

    طب انا مكان الاول ولا ايه

    ردحذف
  2. جمهورية شومبونجو العربية14 نوفمبر 2009 في 6:57 ص

    طب والتانى

    وسمعنى سلام

    النصر ليا

    والتلاته جاين لينا

    ردحذف
  3. جمهورية شومبونجو العربية14 نوفمبر 2009 في 6:57 ص

    والتالت علشان ندخل المنديال

    ان شاء الله

    ونقول يارب

    ردحذف
  4. جمهورية شومبونجو العربية14 نوفمبر 2009 في 7:01 ص

    يامساء الجمال

    يامساء الروح الحلوة

    يا مساء البساطه والوضوح

    وكل سنه وانتى طيبه
    وعقبال 3 مليون سنه
    ههههههههه
    وتحققى فيها كل اللى نفسك فى

    يا اميرة يابنت الامرة

    تحياتى

    رئيس الجمهورية

    ردحذف
  5. romansy14 نوفمبر 2009 في 8:06 ص

    ازيك يا اميره
    كل سنه وانتى طيبه
    عيد ميلاد سعيد
    يا برج العقرب
    انا برضه عيد ميلادى
    كان من 4 ايام
    يعنى فى نفس الشهر
    كل سنه وانتى طيبه
    وتاج سعيد يا قمر
    يا طيبه

    ردحذف
  6. العلم نور14 نوفمبر 2009 في 2:04 م

    ابسط يا عم .. مين قدك .. دخلت التاريخ .. لقاء رائع وجميل جدا ..

    ردحذف
  7. حـــــروف متــبعترة " عــمرو الشــايب14 نوفمبر 2009 في 2:20 م

    يااااااااااااااة

    بحس ان طفلة برية بتتكلم بجد

    بجد بجد الله ع الاحساس الى فيكي

    ردحذف
  8. miroooo15 نوفمبر 2009 في 5:00 ص

    جمهزريه شومبونجو العربيه
    مبرووك عليك ياريس اول تعليق ودايما كده منورنى وميرسى على التاج الجميل ده ويارب يديم التواصل بينا وادينا كسبنا وعقبال يوم الاربعاء ان شاء الله ربنا ينصرنا

    ردحذف
  9. miroooo15 نوفمبر 2009 في 5:02 ص

    romansy
    يسعدنى جدا ان احنا نكون مواليد نفس الشهر شهر الرومانسيه والرومانسين وكل سنه وانت طيب مع انها متاخره شويه دمت بكل الخير

    ردحذف
  10. miroooo15 نوفمبر 2009 في 5:02 ص

    الشجره الام
    ميرسى على زيارتك وتعليقك الرقيق واتمنى دوام التواصل

    ردحذف
  11. miroooo15 نوفمبر 2009 في 5:04 ص

    3mr wa2el
    انا طفله وبريئه كمان يبقى انت ماتعرفنيش هههههه ميرسى اوى على كلامك الذوق ويارب دايما منورنى يا عمورة

    ردحذف
  12. مي15 نوفمبر 2009 في 12:26 م

    اولا كل سنة وانتى طيبة يا احلى ميرررررررررررررررو فى اليكس كلها ايه يابت الجمال ده
    عثلللل والنبى عثللللللللل وعقبال مليوووووون سنة ونفرح بيكى اجمل عروسة امورة يارب
    ربنا يخليكى ليا بجد كان نفسى فى تاج تصورى يااااه هههههههههههههههههه وجالى تاج ياجماعة لوووولىىىىىىىىىى
    انتى وحشانى اوى والله وشكرا على سؤالك عليا ربنا يخليكى ليا وميحرمنيش منك ابدا يا قمراية

    ردحذف
  13. لسة نونة16 نوفمبر 2009 في 2:21 م

    اجابات جميلة

    قعبال التاجات الجاية

    اسفة فى تاخيرى فى الزيارة اصل دخولى النت قليل كل ماهدخل هزورك

    ويارب يعجبك المواضيع اللى بجبها لااطفال ديما

    تحياتى

    ردحذف
  14. شفـقــة و إحســــان16 نوفمبر 2009 في 4:59 م

    مبروك التاج يا قمر

    ردحذف
  15. amirelhob17 نوفمبر 2009 في 5:08 م

    كلامك فى التاج بيدل انك واثقه اوى من اجابتك ودا قليل جدا لما نلقيه وكويس اوى لما تحسى الاجابه فيها ثقه وبتمنى انو فى يوم اقدر اجاوب كدا ومن قلبى بجد بتمنلك كل خير وسعاده وصحه وتوفيق وفرح وباستامه تدوم يا رب طول العمر

    ردحذف
  16. miroooo19 نوفمبر 2009 في 5:51 ص

    مى
    حمد الله على سلامتك ياقمر والله وحشانى جدا ويارب منورانى دايما

    ردحذف
  17. miroooo19 نوفمبر 2009 في 5:53 ص

    لسه نونه
    منورانى بجد وياريت ماتكونش اخر مره تعالى زورينى وبجد مواضيعك بتعجبنى اوى لانى بحب الاطفال جدااااا دمتى بكل الخير والسعاده

    ردحذف
  18. miroooo19 نوفمبر 2009 في 5:54 ص

    شفقه واحسان
    الله يبارك فيك /فيكى يارب يديم التواصل بينا

    ردحذف
  19. miroooo19 نوفمبر 2009 في 5:56 ص

    amirelhob
    ميرسى على زيارتك وكلامك الرقيق مع تمنياتى لك بكل السعاده والتوفيق

    ردحذف
  20. shoshta_ joker20 نوفمبر 2009 في 2:27 ص

    السلام عليكم.......
    ازيييييك يا ميروم معلش والله عارفه انى مقصرة معاكى ومش باجى ازورك بس انتى عارفه الى فيها .......اجاباتك عارفه انها صدقه جدا .....مرسى ع اهداءك لى التاج وحجوبة قريب ان شاء الله.....دومتى بخير يا قمر ....فى رعاية الله.
    shemo

    ردحذف
  21. shoshta_ joker20 نوفمبر 2009 في 2:29 ص

    ميرررووووووو بلاش ندالة عايز نلحق ابوست الجاى اول تعليق ابقى قوليلى بتنزلى امته ......عشان شكل المدونة اتشهرت وكده حنقطع ع بعض هههههههههه ماشى يا جميل ربنا يوفقك ويكرمك باذن الله.

    ردحذف
  22. amirelhob20 نوفمبر 2009 في 12:03 م

    ربنا يوفقك يا يا ميروم وميرسى على انك نورتينى يا قمر ومن قلبى بجد بتمنلك كل خير وسعاده و صحه وتوفيق وفرح وباتسامه تدوم يا رب طول العمر

    ردحذف
  23. شبــ اون لاين ـــاب21 نوفمبر 2009 في 8:24 ص

    الرجاء الدخول علينا


    ...


    و اتمنى تحديد موقفك من القضيه

    ردحذف
  24. miroooo21 نوفمبر 2009 في 11:03 ص

    shemo
    ولايهمك يا عسل بس المهم انك زورتينى ونورتى المدونه كلها واتمنى تزورينى على طول وربنا معاكى يارب وتجيبى مجموع كبير علشان انا عايزه اشرب حاجه ساقعه ههههههههه اتمنى لكى كل الخير

    ردحذف
  25. miroooo21 نوفمبر 2009 في 11:05 ص

    amirelhob
    ميرسى ليك انت بجد لتانى مرة تزورنى منور مدونتى يارب نتواصل دائما تمنياتى لك بدوتم التوفيق

    ردحذف
  26. miroooo21 نوفمبر 2009 في 11:06 ص

    شباب اون لاين
    ولايهمكم يا شباب انا دخلت مدونتكم بالفعل وهتشوفوا موقفى قريب ان شاء الله فى مدونتى بعد الامتحانات ان شاء الله

    ردحذف
  27. Tamer Moghazy30 نوفمبر 2009 في 11:11 ص

    في الاول شدني اسم المدونة.
    فدخلت..
    وبعدين عجبني الطيبة اللي في التاج..
    فقريت..
    كل سنة وانت طيبة

    ردحذف

الاشتراك في: تعليقات الرسالة (Atom)