وداعا 2009اهلا 2010

الصراحه انا مش باحب احتفل بالسنه الميلاديه الجديده ولا كمان احب اهنى بقدومها بس انا هاقولكم ايه سبب انى كتبت البوست ده حبيت اقولكم كل سنه وانتم طيبين بمناسبه السنه الجديده دى طبعا للذكور ههههههههههه اما الاناث فكل سنه وانتن طيبات وكمان حبيت اقول ان اكيد 2009 حصل فيها حاجات حلوه وكمان حاجات مش ولابد عايزه اقولكم الحاجات الحلوه اللى حصلتلى السنه دى ده لو مش هيضايقكم انا اجمل حاجه حصلتلى ان انا حبيت وعرفت ايه هو الحب حتى لو كان من غير امل بس عرفته وخلاص وعايشاه واتمنى انى اعيشه على طول وكمان عرفت اصدقاء كتير وبحبهم جدا واتعرفت طبعا عليكم حتى لو من خلال التعليقات بس انا بحبكم اوى وباعتز بصداقتكم جدا وكمان حسيت انى قربت من ربنا السنه دى اكتر من اى سنه فاتت و كسبت حب اسرتى واهلى اكتر من الاول اما عن الحاجات اللى مش كويسه انى مرضت وكنت كل شويه عند دكتور مختلف عن اللى قبله واتمنى ان ربنا يشفينى السنه الجديده بس مفيش حاجه تانيه فكراها علشان انا باحمد ربنا على كل شىء فى السراء والضراء بس اصعب حاجه هتحصل فى اول السنه الجديده الامتحانات ياريت تدعولى انها تمر بسلام انا طبعا زعلت جدا من اللى حصل فى مباراه مصر والجزائر ودى اسوا حاجه حصلت السنه دى يارب تديم الاخوه والمحبه بين كل المسلمين ويفك هم كل المهمومين ويارب تكون السنه الجديده سنه تحرير فلسطين من ايدى المستعمرين

احب اعرف ايه اجمل حاجه واسوا حاجه فى حياه اصدقائى اللى انا بحبهم اوى وان شاء الله السنه الجديده هتكون سعيده علينا كلنا

فكرت ان اكتب لك اهداء

فخشيت ان تضيع حروفى هباء

وتعجز كلماتى عن الشكر لك والثناء

لتعلم حبيبى اننى انا النجمه وانت السماء

وانى بدونك كالسمكه بدون ماء

وعلاقتى بك اكبر من علاقه المريض بالدواء

وان حبى لك فى الدنيا ليس له سواء

حبيبى لا اقل لك وداعا ولكن الى اللقاء

دى محاوله منى لاعبر عما بداخلى انا كتبتها علشان اعرف رايكم طبعا لانه يهمنى

اتمنى انها تنال اعجابكم

عيد ميلاد اجمل ام

كل عام وانتى حبيبتى كل عام وانتى بخير ما اجمل هذا اليوم والاجمل ان اقضيه معكى اليوم عيد ميلادك اليوم يتوقف التاريخ لذكراك اليوم هو يوم اكتمال القمر وقد فاق حسنك حسنه حبيبتى كل عام وانتى ضميرى لانك غاليتى

حبيبتى هذا اليوم هو اسعد ايام حياتى حيث يضم عيد ميلاد نور عيونى (امى) .اهديكى فى هذا اليوم كل كلمات الحب اهديكى قلبا لاينبض الا بكى ولا يدفق دما الا باسمك اهديكى عمرا وكم اريد ان احياه معكى الى اخر انفاسى اسقيكى اليوم ماء الحب واطعمك من اجمل المعانى

اكاد اطير فرحا من فوق مكتبى وانا اكتب اليكى هذه الكلمات لاننى فى مثل هذا اليوم من كل عام اكتب اليكى اعذب الكلمات واحتفل بكى وبعيد ميلادك فى اجمل مكان وهو بيتنا المتواضع الذى شهد لحظات فرحنا وحزننا تعبنا وراحتنا وانتى معنا اتمنى ان تتحقق كل امالك فينا وترينا كما تتمنين وادعو الله ان يطيل فى عمرك وياخذ من عمرى ويعطيكى انتى وابى

كل عام وانتى بخير يا حبيبتى

كل عام وانتى نبض قلبى

كل عام وانتى بالف خير يا اجمل ام فى الوجود

اغضب

اغضب كما تشاء واجرح احاسيسى كما تشاء

حطم اوانى الزهر والمرايا هدد بحب امراه سوايا

فكل ماتفعله سواء كل ماتقوله سواء

فانت كالاطفال ياحبيبى نحبهم مهما لنا اساوا

اغضب فانت رائع حقا متى تثور

اغضب فلولا الموج ماتكونت بحور

كن عاصفا كن ممطرا فان قلبى دائما غفور

اغضب فلن اجيب بالتحدى

فانت طفل عابث يملؤه الغرور

وكيف من صغارها تنتقم الطيور

اذهب اذا يوما مللت منى

واتهم الاقدار واتهمنى

اما انا فانى ساكتفى بدمعى وحزنى

فالصمت كبرياء والحزن كبرياء

اذهب اذا اتعبك البقاءفالارض فيها العطر والنساء

وعندما تحتاج كالطفل الى حنانى

فعد الى قلبى متى تشاء

فانت فى حياتى الهواء

وانت عندى الارض والسماء

اغضب كما تشاء واذهب كما تشاء

واذهب متى تشاء

لابد وان تعود ذات يوم

وقد عرفت ماهو الوفاء

دى قصيده للشاعر الجميل نزار قبانى انا بحبه اوى

ماتزعليش يا مصر

طبعا اللى حصل مايرضيش حد فينا واكيد زعلنا كلنا ومتاثرين جدا وكمان مالناش سيره غير الموضوع ده وبصراحه ماكنش فى نيتى اكتب خالص عنه بس ده بناء على طلب مدونه شباب اون لاين وقالوا ان لازم احدد موقفى من القضيه وبما ان كل الكلام اللى عندى خلص حبيت اجبلكم كلمات اغنيه جميله ممكن يكون اكتركم ماسمعهاش لحد دلوقتى بس كلامها عجبنى جدا وحبيت اكتبه هنا والاغنيه بتقول

اللى يغلط فى البلد دى واللى مش عارف قيمتها يبقى مش عارف تاريخه يبقى مابيقراش تاريخها

يسال اللى قبله كانوا مصر عملت ايه عشانه ولا كل التضحيات دلوقتى هانوا

اه اخويا وابن عمى بس بلدى مصر امى يعنى عندى اغلى من العالم بحاله

ااه ياغاليه ااه ياغاليه ااه ياغاليه ياحبيبتى يابلدى رايتك باردو عاليه

وماتزعليش يامصر ماتزعليش ماتزعليش يامصر حقك عليا

هنا قامت ثوره حركت العرب فاتحرروا

مدرسين ومهندسين ودكاتره راحوا وعمروا

فنانين ادباء وعلماء فى السلام والحرب زعماء

واللى ناسى كل ده دم الشهيد يفكروا

مصر من قبل التاريخ بتاريخ وهى انكتب عليها تحمى الامه ديه

احنا اكتر شعب شال المسئوليه احنا اكتر شعب حارب للقضيه

لو هتنسوا مش هتنسى مصر نورها جمهوريه مصر تفضل عربيه

وااه يا غاليه ااه ياغاليه ااه يا غاليه ياحبيبتى يابلدى رايتك باردو عليا

وماتزعليش يامصر ماتزعليش ماتزعليش يا مصر ماتزعليش حقك عليا

وفى كلمه اخيره احب اقولها وياريت نقولها كلنا على كل ظالم حسبنا الله ونعم الوكيل

تاج من الرئيس

جالى تاج من الرئيس باركولى وطبعا لازم اجاوب بصراحه وهنبدا باول سؤال وهو كالتالى
اسمك؟
اميره
سنك؟
20سنه هاكملهم بعد بكره ان شاء الله
اسم مدونتك؟
الحب الاول
مجال دراستك؟
الانثروبولوجيا(علم دراسه الانسان)
هل فكرت فى اغلاق مدونتك؟ والسبب؟
لا لم افكر بعد لانى لسه جديده فى عالم التدوين وعاجبنى العالم ده
ايه رد فعلك لو حد قل ادبه عليك فى المدونه؟
هارد عليه بطريقه محترمه جدا وهاقوله ياريت مايدخلش مدونتى تانى لو مش هيحترمها
اسوا مدونه دخلتها؟
مادخلتش مدونات مش كويسه حتى الان
هيحصل ايه لايميلك بعد ما تموت؟
مش هيشتغل اكيد
اديت الباسورد لحد قبل كده؟
لا
السفر بالنسبه ليك؟
متعه وترفيه
قضاء اجمل الاوقات مع اقاربى
المود بتاعك ايه؟
فاكره الماضى و عايشه الحاضر وخايفه جدا من المستقبل
بتعمل ايه فى وقت الفراغ؟
اشاهد التليفزيون او اعمل شات مع اصحابى او اقرا مدوناتكم الجميله اللى باستمتع بيها جدا
الاكلات المفضله؟
باكل كل الاكلات اللى بتعملها ماما
الصفات اللى اخدتها من والدك؟
العقل والحكمه والضمير واتقان العمل
الصفات اللى اخدتها من والدتك؟
الحنيه والطيبه وحب الناس
اكثر ست حاجات بتحبهم؟
الطيبه
الهدوء
النقاء
الحب
الصداقه
الاغانى
اكتر ست حاجات بتكرههم؟
الحقد
الضوضاء
الكراهيه
الغباء
الوحده
الياس
شخصيتك نوعها ايه؟
انسانه طيبه لابعد الحدود قليلا ما اغضب واثور وعلى فكره ده راى الناس فيا وانا شايفه ان كلامهم صح
لماذا دخلت عالم التدوين من الاساس؟
فكره صديقه ليا بس انا حبيت الموضوع اوى
اهميه التعليقات بالنسبه لك؟
بتعرفنى راى الناس فى تفكيرى واسلوبى وده يهمنى جدا
احلى بوست كتبته؟ مع ذكر السبب؟
الطيبه لانى كنت باتكلم عن تجربتى الشخصيه فى الحياه
افضل مدونه قريتها؟
كل المدونات اللى باقرئها جميله جدا وانا باحبها
اهميه الانترنت بالنسبه لك؟
الابحاث اللى باعملها للجامعه

التحدث مع الاصدقاء اللى مش باشوفهم كتير

باقرا المدونات اللى بستفاد منها حاجات كتير

اهداء التاج؟
shemo
مى
الشاعر الحزين

من الذى يقع عليه الاختيار؟؟؟؟؟

احبائى بجد انتم بتوحشونى اوى بس انا عايزاكم تدعولى انا وكل اللى زيىمعاهم كتير فى حياتنا سواء فى الكليه او فى الشارع او فى اى مكان بنتواجد فيه فقررنا انا وهى ان احنا نطرح سؤال اللى هو لو كل واحد عنده عالم لوحده هيختار مين يعيش معاه؟ فهى اختارتنى انا طبعا علشان اعيش معاها ههههههه واختارت ماما وبابا واصدقائها اللى بترتاح معاهم اوى وقرايبنا اللى بتحبهم وقالت انها تستبعد اى شخص كذب عليها او خدعها وكمان اخويا اللى بيضايقها على طول بس هى بتحبه وبتقول كده من ورا قلبها يعنى هى هتاخده معاها اما انا فاخترت فى المرتبه الاولى امى اغلى انسانه فى حياتى ما اقدرش استغنى عنها ابدا واختى حبيبه قلبى ونور عنيا وما بستغناش عنها ابدا وصحباتى اللى بموت فيهم وطبعا بابا علشان مايزعلش منى هههههههه واخويا اللى دايما بينرفزنى بس هلعرف اسيطر على الموقف فى العالم بتاعى وهاخد حبيبى طبعا معايا فى عالمى الخاص وهاخد كل الناس اللى بتريحنى وبحبهم وباكون مبسوطه معاهم ومش هاخد اى مشاكل معايا ولا اى حقد ولا كره ولا اى حاجه وحشه خالص بجد نفسى اعيش فى عالم كله حب والناس كلها بتتعامل مع بعضها بتلقائيه من غير قلق وخوف باتمنى من ربنا انه يجعل العالم كله سعيد ويسود فيه الحب والامان والاطمئنان وينشر بين الناس كلها الحب لانه اسمى احساس فى الوجود لايمكن العيش بدونه فى الحياه وعايزه اعرف رايكم طبعا فى موضوعى وكمان اعرف انتم تحبوا تعيشوا مع مين او مين اللى هيقع عليه اختياركم علشان يعيش معاكم فى عالمكم زيى المهم انى جايه ادردش معاكم فى موضوع كده شاغلنى شويه من اسبوع تقريبا كنت باتكلم مع اختى واحنا متنرفزين اوى من بعض ناس موجودين حوالينا وبنتعامل

الطيبه

وحشتونى جدا والله العظيم بس انتم عارفين الدراسه بقى ولازم اعمل اللى عليا واروح الكليه المهم انى جايبالكم موضوع مهم جدا ده طبعا من وجهه نظرى وطبعا عايزه اعرف وجهه نظركم وهو موضوع الطيبه وهبدا بتعريفها يقال ان الطيبه صفه جميله محببه والانسان الطيب عاده مايكون رقيق القلب سخى العواطف صادق النيه ولانه يبخل بالمشاعر والاحاسيس التى يوزعها بسخاء على المحيطين به 0سواء اكانوا اقرب المقربين او ابعدهم فانه غالبا مايتهم بالسذاجه وربما الغباء 0 ولايبدو الامر غريبا فى عصر احتل فيه النفاق مرتبه الرياده بين باقى الصفات والخصال المطلوب توفرها لدى الرجل والمراه العصريين وما اكثرما سمعنا الناس يرددون بان الطيبه والنيه الحسنه الشفافه اشياء من مخلفات زمان وان الانسان مجبر اذا اراد ان ينجح فى حياته العمليه والشخصيه والاجتماعيه على ان يرتدى قناع النفاق الاجتماعى ويعرف كيف يجامل بلباقه رئيسه فى العمل وزوجته فى البيت والاصدقاء فى النهايه احب اقولكم ان القلوب النقيه موجوده والقلوب المتعفنه موجوده ايضا والله منح البشر عقلا لكى يفكروا به ويدركوا اين خلاصهم واين سعادتهم ايضا0 وسط النقاء او وسط العفونه فما رايكم انتم احبائى؟

ايه هو الحب؟؟؟؟

منذ ايام قليله سالنى شخص ما عن معنى الحب وقالى ايه هو الحب ده؟ هو انتى جربتيه ؟رديت بكل ثقه ايوة انا باعيش قصه حب حاليا بالرغم من انى عارفه ان نهايتها صعبه اوى عليا بس انا باحاول اضحك على نفسى واقولها ان لسه في امل فى الدنيا وفى الناس الموجودين فيها اللى كلهم بيقفوا ضد اى اتنين بيحبوا بعض حب نقى من غير اى شوائب ومش عايزين اى شىء غير انهم يكونوا مع بعض اسره صغيره فيها حب فهل انا اذنبت عندما احببت؟ وهل انا فهمت الحب صح ولا غلط؟خايفه اظلم الحب معايا وارد على اللى سالنى السؤال ده ان الحب عذاب وحيره وبصراحه انا مش عارفه كنت ارد واقوله ايه؟اقوله انى عشت اجمل ايام حياتى واصعبها مع الانسان اللى انا بحبه بالرغم من انى لم اراه حتى الان لانه بيحافظ عليا حتى من نفسه0 حد يقولى كنت اقوله ايه ؟الحب اجمل حاجه فى الدنيا ولا اقوله ده اصعب شىء فى الدنيا اقوله الحب نعمه ولا نقمه؟الحب شوق وحنين دايمين زى ما انا عايشه دلوقتى اننى اتمنى ان اعيش معاه ولو لحظه واحده فى عمرى او اقابله مرة واحده فى حياتى مش شايفه انه طمع منى ولكن الظروف كلها ضدنا تبعدنى عنه مسافات طويله ولكننى احبه وهو يحبنى بطريقه محدش يتخيلها وكمان اهلنا ضدنا يارب يهديهم يارب 0 بس ردى عن السؤال كان ان الحب شىء جميل اوى احساس ياخدك لبعيد مش على الارض اللى احنا عايشين عليها يخليك طاير فى السما مع حبيبك وتنسى كل مشاكلك والامك واوجاعك مادمت مع حبيبك ربنا يخلى كل الاحبه لبعضهم ويهدى الناس كلها للحب الجميل ده0

عيد سعيد0

كل سنه وانتم طيبين والسنه الجايه ان شاء الله كل واحد فينا يكون محقق كل اللى بيتمناه اللى مش لاقى شغل يشتغل واللى خاطب يتجوز واللى متجوز يتجوز تانى او يطلق اى حاجه يعنى هههههههههههههه واللى مش مرتبط يرتبط واللى نفسه يعمل اى حاجه يعملها والنبى تدعولى انى اتجوز الانسان اللى بحبه بعد ما اخلص الكليه طبعا وكل اللى هيشوف البوست يقولى بس هو عايز ادعيله بايه وانا ادعيله اصل دعوتى مستجابه واحنا فى ايام جميله بقى وكل عام وانتم بخير وعيد سعيد عليكم يارب واوصيكم ونفسى ان احنا ماننساش شهر رمضان الكريم ونخلينا على العهد اللى عاهدناه لربنا فى رمضان وربنا يثبتنا ويثبتكم بس انا جايبالكم شويه صور للعيد ناااااااار اوعى وشك يعنى عايزه اعرف رايكم بقى

بنعمل ايه علشان نودعه

بنعمل ايه علشان نقول لرمضان مع السلامه ياحبيبنا هتوحشنا اوى يا شهر كريم وجميل انا بسال نفسى وبسالكم ياترى احبابى احنا بنعمل ايه بجد فى رمضان عرفنا نحب ربنا بجد وكمان عرفنا نطيعه ياترى هو متقبل صيامنا وصلاتنا وصالح اعمالنا فى رمضان اتمنى ان احنا نكون عندنا حسن ظن بربنا ونعرف ونتاكد ونكون متيقنين تماما انه هيغفرلنا ويرحمنا ويثبتنا ويقوى ايمانا بعد رمضان زى ماهو موجود فى رمضان وان شاء الله هنعرف نقول لرمضان حبيبنا هتوحشنا فى اخر ايامك الجميله هنودعك كاننا ممكن مش نشوفك تانى ياعالم ربنا هيحيينا للعام القادم ولا لا بس احنا هندعيه يخلينا علشان نودعك ياحبيبنا ونقولك مع السلامه بالقيام والتهجد فى العشره الاواخر وهنقول لربنا احنا بنحبك وبنحب رسولك وهنمشى على سنته علشان احنا مقصرين اووووى ثبتنا يارب وخذ بايدينا اليك واعفو عنا واغفر لنا وارحمنا يا ارحم الراحمين واهدينا اجمعين اتمنى ان ربنا يكون تقبل منا صيام وقيام هذه الايام وان يبلغنا ليله القدر ويرزقنا حسن عبادته فيها احنا منتظرينك ياليله القدر انا وجميع احبابى فى الله ربنا يبعد عنى وعنهم الشيطان ويحمينا من شر انفسنا يااااااااااااااااااااااااااااااااااااااااااااارب

رمضان كريم

كل عام وانتم بخير وربنا يحقق لكم كل اللى بتتمنوه بس ادعوه فى الشهر الكريم ده وزودوا العباده اوى ربنا يهدينا ويهديكم وياريت ماتنسونيش فى الدعاء نفسى ارتبط بالانسان اللى بحبه ادعولى بالله عليكم وياريت بلاش تتفرجوا على مسلسلات كتير خليكم مع ربنا ربنا يكرمكم يارب عايزه اشوف تعليقاتكم الجميله يارب اشوفكم دايما بخير السلام عليكم

كل سنه وانتم طيبين ورمضان كريم ان شاء الله لنا عوده بعد رمضان وممكن اكتب فى رمضان بس ادعولى اعبد ربنا صح وانتم كمان ربنا يعينكم ويعينا دمتم بخير سلام

انا نجحت والحمد لله ومادام بقى عندى اصحاب حلوين كده زيكم هاكتب حاجات كتير ان شاء الله عايزة اشوف تعليقاتكم شجعونى

حكايتى

انا لست ادرى ماهو الحب الاول مع انى اعيش فيه الان وانا عمرى 20 عاما ولكنى لااستطيع فهمه هل هو وهم كبير كما يقول البعض ان فى حياه كل منا وهم يسمى الحب الاول . احب ان احكى تجربتى فى الحب انا كان الحب ليس ببالى نهائيا وكنت اظن انى باعمل كنترول لقلبى علشان مايحبش الا الانسان اللى انا متاكده انه هيرتبط بيا ولكن حدث ما لم يخطر على بالى ابدا وهو انى احببت شخصا محترم جدا والحمد لله ويحبنى حقيقه .تعرفت عليه من فتره قد تقرب من سنه ولم اكتشف حبى له الا من شهرين تقريبا وعرفت الان انى كنت احبه من فتره لكنى كنت اخاف من الفراق لكنى الان لا اخاف من اى شىء طالما هو معى ويحبنى كل هذا الحب. يكفينى ذكر هذا الكلام هذه المرة وان شاء الله هاكمل الحكايه بس ياريت تدعولى انى ارتبط بيه بس ادعو بقلب جامدعلشان احكيلكم كل حاجه .بااااااااااااااااااااى